JUECES 7:4 - Biblia Guarani Tumpa Iñee

⁴ Jare yandeYa jei Gedeón pe: “Jeta yae vɨteri ko; eraja reta ɨ̈aka pe, jare joko pe aiparavota ndeve; jare che jaeta ndeve: Kuae tojo nderupíe; jae ojota nderupíe; ërei oipotagüe vae pe jae yave ndeve: Kuae agüɨye tojo, jókuae kuimbae agüɨye tojo.”

JUECES 7:4 Iomraidhean Croise

GÉNESIS 22:1

Opa kuaekuae reta oasa güire, Tumpa ojäa Abraham iporogüɨrovia jare oenɨi jee pe; jare Abraham jei: —Mbae pa cheYa.

JOB 23:10

Ërei jae chekuaa katu, chejäa yave aëta oro oyeambae rami.

SALMOS 33:16

Mburuvicha guasu mbaetɨ ko oyereroasayepe jeta sundaro güɨnoi ramo, ani jëia yae vae mbaetɨ ko ojoyepe ipɨ̈rata yae jeko pegua;

SALMOS 66:10

OreRu Tumpa, nde ko orejäa, ¡oretɨo kavi, korepoti oyetɨo kaviasɨ rami!

SALMOS 7:9

¡Topa mo añave jeko kavimbae reta jembiapo, ërei emomɨ̈rata, jupi yogüɨreko vae reta! Echa nde, Tumpa jupi vae ko, reikuaa yemongeta kia iyɨvɨte pe güɨnoi vae.

JUECES 7:5

Jayave Gedeón güɨraja tëta pegua reta ɨ̈aka pe; jare yandeYa jei chupe: “Opaete ipo pe oupi ɨ jou vae reta, jókuae eñono tee; jaeramiño vi opaete oyetavatɨka ɨ jou vae eñono tee.”

1 SAMUEL 14:6

Jare Jonatán jei jembiporu ñeraro pegua ivoɨa pe: —Eyu yaja ñapüa kuae itumpa-raanga pota vae reta re. Güɨramoi yandeYa yandemborɨta ko, echa chupe mbaetɨ etei mbae yavai oporoepɨ vaerä jeta vae rupi ani mbovɨ vae rupi.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”