JUECES 5:2 - Biblia Guarani Tumpa Iñee

² “Opaete vae tomboete yandeYa, echa oime vɨteri Israel pe mburuvicha reta oïndaivi ñeraro peguarä vae; echa oime vɨteri opaete vae ipɨte pe ikɨ̈reɨ ojo ñeraro pe vae.

JUECES 5:2 Iomraidhean Croise

2 CRÓNICAS 17:16

kuae jaɨkue Amasías, Zicri taɨ, jaeiño oñererökuavee yandeYa pe vae, jae ndive ñogüɨnoi dosciento mil sundaro jëia yae vae reta.

NEHEMÍAS 11:2

Jaɨkue rupi, opaete vae jei ñee kavi jókuae jaeiño oñererökuavee ipɨa-kɨ̈reɨ ngatu reve oiko vaerä Jerusalén pe vae reta kotɨ.

SALMOS 103:2

Tamboete cheYa, opaete chepɨa ndive; agüɨye tacheakañɨ metei iporerekua güi ave.

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

SALMOS 136:15

Faraón isundaro reta ndive opa oyasoiuka Ɨguasu Pɨ̈ta vae pe vae, echa iporoparareko jekuae avei vae ko.

SALMOS 18:47

Tumpa oyepɨ aiporaragüe re vae, jare omoamɨri tëta reta cheve,

SALMOS 48:11

¡Toyerovia yae ɨvɨtɨ Sión! ¡Toyerovia tëta guasu reta Judá pegua reta, jupigüe reyapo vae re!

SALMOS 94:1

¡CheYa, Tumpa oyepɨ ikavimbae iyapoa reta re vae, Tumpa oyepɨ ikavimbae iyapoa reta re vae, eyeechauka!

SALMOS 97:8

CheYa Tumpa, Sión jare tëta reta Judá pegua oyerovia yae mborookuai remee vae re;

1 Corintios 9:17

Echa che ayapo yave chekɨ̈reɨ ngatu reve, jekoviata cheve; ërei ayapo yave cheäteɨ reve, ayapo tai yandeYa cheokuai ramoño.

2 Corintios 8:12

Echa ñanekɨ̈reɨ ngatu reve ñamee yave, Tumpa omboyerovia jókuae ñanoi rupi ñamee vae. Tumpa mbaetɨ oeka yandeve mbaetɨ ñanoi vae.

2 Corintios 9:7

Metei ñavo tomee, ipɨa pe oñono omee vaerä vae. Agüɨye tomee ipɨatɨtɨ reve ani che jae chupe güiño, echa Tumpa oaɨu oyerovia reve omee vae.

DEUTERONOMIO 32:43

‘¡Tëtaguasu reta, pemboete Tumpa imbae vae reta! ¡Jae oiporaraukata jembiokuai reta imano re, oiporaraukata jovaicho reta pe, jare iñɨ̈rota kuae tëtaguasu pe jare imbae vae reta pe!’ ”

DEUTERONOMIO 33:21

Gad iñemuña reta opɨta ɨvɨ kavi ndive, mburuvicha iɨvɨ oñemee chupe. Yogüɨraja tëta reta jenonde, oyapo reta Tumpa jemimbota, oyapo reta jupi vae Israel iñemuña reta pe.”

Filipenses 2:13

echa Tumpa etei omee peve kɨ̈reɨ jare peyapo vaerä, jae jemimbota rupi.

Filemón 1:14

Ërei mbaetɨ ayapo jökorai mbaetɨ aikuaa ndeyemongeta ramo; aipota reyapo vaerä ikavi vae cheve nekɨ̈reɨ ngatu reve, mbaetɨ royókuai güiño.

Apocalipsis 18:20

Peyerovia jese, ara pe peiko vae. Jare pe oporogüɨrovia vae reta, temimondo reta jare ñeemombeúa reta, echa Tumpa oyepɨ peve.”

Apocalipsis 19:2

Echa iporojäa reta añete jare jupi ko; echa jae ojäa jókuae kuña iyaguasa pota vae, opa güɨrokomegua opaete ɨvɨ pegua reta iyaguasa pota pe, ërei Tumpa oyepɨ ma jembiokuai reta imano re.”

JUECES 5:9

¡Chepɨa oï Israel iñemuña juvicha reta re, cherëtaɨgua reta ikɨ̈reɨ yogüɨraja ñeraro pe vae reta re! ¡Opaete vae tomboete yandeYa!