JUECES 4:7 - Biblia Guarani Tumpa Iñee

⁷ Che amboukata Jabín isundaro juvicha Sísara, ou vaerä ɨ̈aka Cisón pe oñeraro nde ndive, ikäretou reta ñeraro pegua ndive jare isundaro reta ndive. Ërei che ameeta ndepo pe.”

JUECES 4:7 Iomraidhean Croise

1 REYES 18:40

Jayave Elías jei chupe reta: —¡Peipɨɨ Baal regua omoërakua vae reta! ¡Agüɨye metei ave tojoyepe! Jare jae reta opa oipɨɨ; jare Elías güɨraja reta ɨ̈aka raɨ Cisón jee vae kotɨ, joko pe opa oñaseokɨ̈ti.

ÉXODO 14:17

Jare che amotätata Egiptoɨgua reta ipɨa, peraɨkuemoña vaerä; ayemboeteukata Faraón maratuta oasa vae rupi, opaete isundaro reta kavayu regua reta rupi, jare käretou reta ñeraro pegua rupi vi;

ÉXODO 14:4

Jare che amotätata Faraón ipɨa, peraɨkuemoña vaerä; jare ayemboeteukata Faraón rupi jare opaete isundaro reta rupi, jare oikuaata Egiptoɨgua reta che ko jae peYa vae.” Jare jae reta jökorai oyapo.

ÉXODO 14:8

YandeYa omotäta Faraón mburuvicha guasu Egipto pegua ipɨa, jare oaɨkuemoña Israel iñemuña reta; ërei Israel iñemuña reta mbaepuere yae ete rupi ko ñogüɨnoe yogüɨraja.

ÉXODO 21:13

Ërei ipɨa rupiä oporombopere vae, Tumpa omee jökorai omano vaerä yave, aikuaaukata ndeve ketɨ ko otekuaraita vae.

JOSUÉ 10:8

jare yandeYa jei Josué pe: “Agüɨye ekɨɨye chugüi reta, echa che amee ndepo pe, metei ave chugüi reta ngaraa ipuere oñeraro nde ndive.”

JOSUÉ 11:20

echa yandeYa omotäta kuae tovaicho reta ipɨa, jovaicho pota vaerä Israel iñemuña reta re, Israel iñemuña reta opa vaerä omboai, agüɨye vaerä mboroparareko güɨnoi jese reta, yandeYa oyókuai Moisés rami.

JOSUÉ 11:6

Ërei yandeYa jei Josué pe: “Agüɨye ekɨɨye chugüi reta, echa pɨareve koyave etei che opata amee pepo pe, jare ikavayu reta ipɨ opa peakɨo jare ikäretou reta opa peapɨ.”

JOSUÉ 8:7

Jayave pe reta peëta peñemi kavi pekätɨro peïa güi peike pepɨ̈ro tëta, echa yandeYa Tumpa omeeta peve.

JUECES 4:14

Jayave Débora jei Barac pe: —¡Epüa, echa kuae ara ko yandeYa omeeta ndepo pe Sísara! ¡YandeYa ojo ma perenonde! Jare Barac ogüeyɨ ɨvɨtɨ Tabor güi diez mil isundaro ndive,

JUECES 4:8

Barac jei chupe: —Nde reo cherupíe yave ajata, ërei mbaetɨta ko reo cherupíe yave ngaraa aja.

JUECES 5:21

ɨesaɨ, ɨesaɨ ñɨma yae vae, ɨesaɨ Cisón pegua opaetei reporomboai. ¡Nde repɨ̈ro imbaepuere yae vae reta iyaseo re!

1 SAMUEL 24:10

Añave ndepuere reecha kërai yandeYa nemee tëi chepo pe, reike yave ɨvɨkuarusu pe, cherupiegua reta jei tëi cheve royuka vaerä, ërei cheɨ̈ro ndeve, echa jae cheyeupe: “¡Ngaraa amopüa chepo cheruvicha guasu re, echa yandeYa oiparavogüe ko!

1 SAMUEL 24:18

Añave nde remboyekuaa cheve ndepɨakavi chekotɨ vae, echa mbaetɨ cheyuka yandeYa chemee ndepo pe yave.