JUECES 4:5 - Biblia Guarani Tumpa Iñee

⁵ Débora oyepokuaa oguapɨ karandaɨ igüɨ pe (jáeramo: “Débora ikarandaɨ” jei chupe vae), Ramá jare Bet-el ipäu pe, ɨvɨtɨ reta Efraín pegua pe, jare Israel iñemuña reta yogüeru yepi ípɨri oñono kavi vaerä chupe reta teko reta.

JUECES 4:5 Iomraidhean Croise

GÉNESIS 35:8

Joko pe omano Débora, Rebeca iyangarekoa jare oñotɨ reta metei ɨvɨra encina jee vae igüɨ pe, kuae ombojee Alón-bacut.

ÉXODO 18:13

Pɨareve pe Moisés oguapɨ ojäa opaete vae; jare ndeimbove güive kaaru regua ñogüɨnoi Moisés jóvai.

ÉXODO 18:16

Oime yave maratu oyokotɨ, yogüeru chépɨri jare ajäa metei metei rupi jare amombeu chupe reta Tumpa iporookuai reta.

ÉXODO 18:19

Añave, eyeapɨsaka jaeta ndeve vae re, Tumpa toï nde ndive. Nde ekua Tumpa jóvai opaete vae jekovia pe, jare emombeu chupe mbaemboavai jae reta güɨnoi vae.

ÉXODO 18:26

Jare kuae reta oporojäa tëta re ara ñavo; teko yavai yae ete vae güeru reta Moisés kotɨ, jare kuae reta oñono kavi teko mbaetɨ yavai mbatee vae.

JEREMÍAS 31:15

YandeYa jei: “Ramá pe oyeendu yaeo, tesaɨ jare yaeo yemboasɨkatu pegua; Raquel ipɨatɨtɨ oï imembɨ reta re, jare mbaetɨ oipota oyembopɨakatuka, echa opa omano reta.”

JOSUÉ 16:2

Jare Bet-el güi oë Luz kotɨ jare oasa sɨmbi arquita reta iɨvɨ rupi Atarot kotɨ;

JOSUÉ 18:22

Bet-arabá, Zemaraim, Bet-el,

JOSUÉ 18:25

Ïru tëta guasu reta jae ko: Gabaón, Ramá, Beerot,

JUECES 4:4

Jókuae ara rupi mburuvicharä oiko metei kuña Israel iñemuña reta re, jae ko ñeemombeúa Débora, Lapidot jembireko.

1 SAMUEL 1:1

Oiko metei kuimbae Ramataim Zofim pegua pe, ɨvɨtɨ Efraín pe, Elcana jee vae, jae ko Jeroham taɨ, Jeroham jae ko Eliú taɨ, Eliú jae ko Tohu taɨ, Tohu jae ko Zuf taɨ, Efraín iñemuña pegua.

1 SAMUEL 1:19

Jare ndeimbove yave opüa omboete reta yandeYa, jare opa ye yogüɨraja reta jëta kotɨ Ramá pe. Jare Elcana güɨroke jembireko Ana; jare yandeYa oyapo jókuae oiporu chupe vae.

1 SAMUEL 22:6

Saúl oguapɨ oï ɨvɨra tamarisco jee vae iküaraɨa igüɨ pe, mbaemboete renda ɨvɨtɨ re Gabaa pe oï vae pe, jae güɨnoi imii ipo pe jare iyɨvɨrigua reta ñogüɨnoi iyɨ́vɨri. Saúl oikuaa kavi David jare jembiokuai reta regua yave,

1 SAMUEL 25:1

Samuel omano, jare opaete Israel iñemuña reta oyemboatɨ oäpiro vaerä imano. Jare oñotɨ reta jetegüe jae jëta Ramá pe. Kuae jaɨkue rupi David ojo ñuu Parán kotɨ.

1 SAMUEL 7:17

Jókuae jaɨkue rupi ou ye Ramá pe jo güɨnoia pe, jare joko güi oporojäa Israel iñemuña reta re, jare joko pe vi omopüa metei mɨmba oyeyuka oyeapɨ jese vae yandeYa pe.