JUECES 3:9 - Biblia Guarani Tumpa Iñee

⁹ Jayave Israel iñemuña reta oyerure mbɨatɨtɨ ndive yandeYa pe; jare yandeYa omopüa metei mburuvicha chupe reta, jare jae oepɨ reta; jae ko Otoniel, Cenaz taɨ. Cenaz jae ko Caleb tɨvɨ.

JUECES 3:9 Iomraidhean Croise

NEHEMÍAS 9:27

Jáeramo, opa remee jovaicho reta ipo pe, jare jae reta oiporarauka chupe reta. Ërei mbɨatɨtɨ pe ma ñogüɨnoi yave, oyerure reta ndeve, jare nde ndeporoparareko yae jeko pegua reendu chupe reta ara güi; remee kuimbae oporoepɨ vae reta, güɨroasayepe vaerä jovaicho reta güi.

SALMOS 22:5

Osapúkai reta ndeve yave reyora, oyeko reta nderé jare mbaetɨ oñemomaraiuka reta.

SALMOS 78:34

Tumpa ombou chupe reta mano yave, jayave oyerova reta ikotɨ jare oeka reta ikueraimbae.

JOSUÉ 15:17

Jare jiɨ Otoniel, Cenaz taɨ, opɨ̈ro jókuae tëta guasu, jare Caleb omee tayɨ Acsa jiɨ jembirekorä.

JUECES 1:13

Jare Otoniel, Cenaz taɨ opɨ̈ro jókuae tëta. Cenaz jae ko Caleb tɨvɨ. Jayave Caleb omee tayɨ Acsa, Otoniel jembirekorä.

JUECES 10:10

Jayave oyerure reta yandeYa pe omborɨ reta vaerä, jare jei reta: “OreTumpa, oreyoa ndekotɨ, echa rosɨrɨ ndegüi jare rojo romboete jare royeokuai baal reta pe.”

JUECES 2:16

Jare yandeYa omopüa mburuvicha reta, oepɨ reta vaerä imbaembae opɨ̈ro chugüi vae reta güi.

JUECES 2:18

YandeYa omopüa yave mburuvicha, jae oï jókuae mburuvicha ndive, jare jae oepɨ Israel iñemuña reta jovaicho reta güi opaete ara oikove oiko ramboeve jókuae mburuvicha. YandeYa oiparareko omae jese reta, echa omoäse jovaicho reta oiporarauka chupe vae jare ombopɨatɨtɨ vae.

JUECES 3:15

Jare oyerure reta mbɨatɨtɨ ndive yandeYa pe; jare yandeYa omopüa chupe reta metei oporoepɨ vae, jae ko Aod iyasu vae, Gera taɨ, Benjamín iñemuña pegua. Metei ara Israel iñemuña reta omondo jae ndive mbaemboepɨ Eglón mburuvicha guasu Moab pegua pe.

JUECES 3:8

Jáeramo yandeYa iyarasɨ ikotɨ reta, jare omee Cusan-risataim mburuvicha guasu Mesopotamia pegua ipo pe; jare juri año Israel iñemuña reta yogüɨreko Cusan-risataim jeia re.

JUECES 4:3

Jabín güɨnoi noveciento käretou jiero pegua, jare veinte año rupi oiporarauka yae Israel iñemuña reta pe. Jayave Israel iñemuña reta oyerure mbɨatɨtɨ ndive yandeYa pe.

JUECES 6:7

Israel iñemuña reta oyerure ma yandeYa pe yave, oyora Madián iñemuña reta ipo güi.

1 SAMUEL 12:10

Jare jae reta güɨroäse jare jei reta yandeYa pe: ‘Oreyoa echa rosɨrɨ ndegüi oreYa jare romboete tumpa-raanga Baal reta jare Astarot, orereepɨ orerovaicho reta ipo güi, jare toroyeokuai ndeveño.’