JUECES 3:12 - Biblia Guarani Tumpa Iñee

¹² Israel iñemuña reta jekuae oyapo ye ikavimbae yandeYa jesa róvai; jáeramo yandeYa omee mbaepuere Eglón mburuvicha guasu Moab pegua pe Israel re, oyapo reta ikavimbae yandeYa jesa róvai jeko pegua.

JUECES 3:12 Iomraidhean Croise

2 REYES 5:1

Mburuvicha guasu Siria pegua isundaro reta itenondegua ete ko Naamán, jae ko tuicha yae juvicha guasu jóvai vae, jare oaɨu yae, echa Naamán rupi yepe yandeYa güeru yeyora Siria peguarä. Kuae kuimbae yepe jëia yae, ërei ipire ókui imbaerasɨ.

ÉXODO 9:16

che, añetete roñono aechauka vaerä nderé chembaepuere, oñemoërakua vaerä cheree opaete ɨvɨ rupi.

ISAÍAS 10:15

¿Ipuere pa yɨɨ oyererovia katu, pɨpe ombaeasɨa oï vae güi?, ani ¿siera oyererovia katu imomɨia güi? Popoka ɨvɨra peguaño vae, ¿ipuere pa jae oupi iya?

ISAÍAS 37:26

¿Mbaetɨ pa reikuaa, che Tumpa ko ayapo opaete kuae mbaembae reta vae? Arakae güive voi ma ko opa amboyupavo añono kuaekuae, jae ko aru ma oyeapo añave; jáeramo ko nde remoamɨri tëta guasu reta ikësea kavi vae, jare opaetei remboaiasɨ reeya.

EZEQUIEL 38:16

Reporepeñata chembae vae reta Israel re, amapɨtu oyasoi ɨvɨ ramita reñova ɨvɨ. Köraita oiko ara iyapɨ rupi: Rogüeruta reporepeña cheɨvɨ re, tëtaguasu reta chekuaa vaerä, ayemboyekuaa ma yave nderupi Gog.’

DANIEL 4:22

jókuae ɨvɨra reecha vae, nde etei ko mburuvicha guasu, rekuakuaa jare tuicha yae reyeapo, echa okuakuaa ndembaepuere jare ojo oya ara re, jare ndembaepuere ojo oväe opaete ɨvɨ jembeɨ kotɨ.

DANIEL 5:18

Tumpa Tuichagüe yae ete vae, omee neñemuñagüe Nabucodonosor pe mborookuaía, yembotuicha jare iyemboetea.

OSEAS 6:4

YandeYa jei: “¿Mbae ra ayapota ndeve Efraín? ¿Mbae ra ayapota ndeve Judá? Echa pe reta cheraɨu vae, ndeimbove yave ɨ̈vɨti oime vae rami ko, jare köe yave ɨsápɨi opa otini vae rami ko.

San Juan 19:11

Jesús jei chupe: —Ngaraa tëi mbaepuere renoi cheré, Tumpa omaeñoä nderé yave. Jáeramo chemee ndeve vae iyoa yae ma ko.

JUECES 2:11

Jaɨkue rupi Israel iñemuña reta oyapo ikavimbae vae yandeYa jesa róvai, omboete reta tumpa ambuae reta Baal jee vae.

JUECES 2:14

Jáeramo yandeYa iyarasɨ Israel iñemuña reta kotɨ, omee imonda vae reta opɨ̈ro vaerä chugüi reta imbaembae, jare omee vi jovaicho reta iyɨvɨrigua reta pe, jare mbaetɨ ma ipuere jovaicho reta re.

JUECES 2:19

Ërei jókuae mburuvicha omano yave, jae reta opa ye oyerova, jare oasa ete ye oikomegua reta iñemuña reta güi, oyeokuai jare omboete reta tumpa ambuae reta; jare mbaetɨ oeya reta jembiapo kavimbae jare jeko kavimbae reta.

JUECES 3:11

Javoi oime mbɨakatu jókuae ɨvɨ pe cuarenta año rupi, jare omano Otoniel, Cenaz taɨ.

1 SAMUEL 12:9

Ërei jae reta iñakañɨ iYa Tumpa güi, jare jae omee sundaro ruvicha Sísara Hazor pegua ipo pe, filisteo reta ipo pe, jare mburuvicha guasu Moab pegua ipo pe; kuae reta oñeraro jae reta ndive.