JUECES 2:4 - Biblia Guarani Tumpa Iñee

⁴ YandeYa iaraɨgua opa imiari yave, opaete Israel iñemuña reta jäse täta oyaeo.

JUECES 2:4 Iomraidhean Croise

ESDRAS 10:1

Esdras oyerure jare oyemombeu oyaeo reve oyetavatɨka Tumpa jo jóvai oï ramboeve, jeta yae Israel iñemuña reta yatɨ jese: Kuimbae reta, kuña reta jare michia reta; opaete vae oyaeo reta ipɨatɨtɨ reve.

PROVERBIOS 17:10

Yemboeta, ikavi yae yarakuaa katu vae pe, yarakuaambae re cien chikote oyeporu vae güi.

JEREMÍAS 31:9

Yogüeru retata oyaeo reve oyerovia güi jare oyerure reve; araja retata ɨ katúa rupi, tape ipe kavía rupi, mbaetɨta oyepɨaka vae rupi. Echa Israel tu ko che, Efraín jae ko cheraɨ tenondegua ete.

JOEL 2:12

YandeYa jei: “Jáeramo añave peyerova ye chekotɨ opaete pepɨa ndive, ¡peyekuaku tembíu güi, peräse jare peyaeo!”

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

San Lucas 6:21

Peyerovia añave peyɨmbɨaɨ vae reta. Echa peangapɨɨta. Peyerovia añave peyaeo vae reta. Echa pepukata.

San Lucas 7:38

Jayave jókuae kuña oï Jesús ikupe kotɨ jare oyaeo. Jare omboɨpɨ omoäkɨ Jesús ipɨ jesaɨ pe. Jayave kuña omotini Jesús ipɨ ia pe jare oipɨte vi ipɨ. Javoi oipichɨ mbae ikäti kavi vae ipɨ re.

2 Corintios 7:10

Echa mbɨatɨtɨ Tumpa jemimbota rupi vae, güeru yepoepɨ yemboasa peguarä, mbaetɨ yandembopɨatɨtɨ; ërei yandepɨatɨtɨ yave oporogüɨroviambae vae reta ipɨatɨtɨ rami, jókuae güeru mano.

Santiago 4:9

Pepɨatɨtɨ jare peyaeo. Pepuka toyepoepɨ yaeo pe, peyerovia toyepoepɨ mbɨatɨtɨ pe.

JUECES 2:3

Jáeramo añave jae peve: Ngaraa opa anoe amombo pepɨte güi kuae tëta, jae reta jare itumpa reta yogüɨrekota peve chikote rami jare ñuai rami.”

JUECES 2:5

Jáeramo, jókuae oyaeo rendaa ombojee reta Boquim jare joko pe omee reta mɨmba oyeyukagüe yandeYa pe.

1 SAMUEL 11:4

Jare ñee jerajaa reta yogüɨraja oväe Gabaa pe Saúl oikoa pe, jare omombeu reta ñee jókuae tëta pe. Opaete vae jäse oyaeo kuae oendu yave.

1 SAMUEL 7:6

Jare oyomboatɨ reta Mizpa pe jare güeru reta ɨ opɨyere yandeYa jóvai mbotarä, jare oyekuaku reta tembíu güi jókuae ara, jare joko pe jei reta: “Oreyoa yandeYa kotɨ.” Jare Samuel omboɨpɨ oï juvicharä Mizpa pe.