JUECES 13:3 - Biblia Guarani Tumpa Iñee

³ Ërei yandeYa iaraɨgua oyekuaa chupe, jei reve: “Mbaetɨ nemembɨ, echa nde imembɨmbae ko. Ërei añave ndepuruata jare oata nemembɨ kuimbae.

JUECES 13:3 Iomraidhean Croise

GÉNESIS 17:16

Cheporerekuata Sara re, jae rupi ameeta nderaɨrä; añetete ko cheporerekuata jese, jare jae ko tëta metei tugüɨ jare metei teko vae ichɨrä, jare tëtaguasu reta juvicha reta chugüi oëta.

GÉNESIS 18:10

Jayave jei Abraham pe: —Ayu yeta ndépɨri kuri kuae año ou vae re, jayave nderembireko Sara oimeta ma imembɨ. Jare ikupe kotɨ, o guakapi pegua jöke japɨpe Sara oyeapɨsaka oï opaete kuaekuae re.

GÉNESIS 18:14

¿Oime pa mbae yavai yae cheve vae? Kuae año ou ye vae re ayu yeta ndépɨri, jayave Sara oimeta ma imembɨ.

2 REYES 4:16

Jayave Eliseo jei chupe: —Año ou ye vae re, koyave rupi oimeta nemembɨ revoɨ. Jókuae kuña jei: —Agüɨye cheya, Tumpa iñeemombeúa, agüɨye eyuvanga katu che nderembiokuai kuña re.

San Lucas 1:11

Jayave oyekuaa chupe metei yandeYa iaraɨgua, oyemboɨ oï ikäti kavi vae incienso oyeapɨ jese vae iyakatu kotɨ.

San Lucas 1:13

Ërei araɨgua jei chupe: —Agüɨye ekɨɨye, Zacarías. Tumpa oendu ma ndeyerure, jare nderembireko Elisabet imembɨta ndeve metei kuimbae raɨ. Jare rembojeeta Juan.

JUECES 13:10

jae osɨi ojo omombeu ime pe, jei: —¡Mase, jókuae kuimbae oyekuaa cheve vae oyekuaa ye ma cheve!

JUECES 13:15

Manoa mbaetɨ ave oikuaa jókuae kuimbae jae ko yandeYa iaraɨgua, jei chupe: —Romoñera repɨta vaerä ore ndive rekaru, romboyɨta kavara kuimbae raɨ ndeve. Ërei araɨgua jei chupe: —Yepe tëi chemombɨta, ngaraa jau pe ndive tembíu. Ërei pepuere pemee jókuae kavara kuimbae raɨ yandeYa pe mɨmba oyeyukagüe opaetei oyeapɨ vae.

JUECES 13:6

Jare kuña ojo imiari ime pe, jei chupe: “Metei kuimbae Tumpa jembiokuai ou chépɨri, jare chemongɨɨye yae, echa jova Tumpa iaraɨguaecha. Mbaetɨ aparandu chupe ketɨ güi ko ou vae ani kia ko vae, jae ave mbaetɨ oyemombeu cheve.

JUECES 13:8

Jayave Manoa oyerure yandeYa pe jei: “CheYa, romoñera rembou ye vaerä jókuae kuimbae rembou vae, oremboe vaerä kërai rogüɨreko jókuae michia raɨ oata vae.”

JUECES 2:1

YandeYa iaraɨgua ojo Gilgal güi Boquim pe, jare jei Israel iñemuña reta pe: “Che ko pogüɨnoe ɨvɨ Egipto güi, jare pomoinge peñemuñagüe reta pe ɨvɨ arökuavee amee vaerä vae pe, echa jae chupe reta: ‘Ngaraai amboai cheñererökuavee pe ndive,

JUECES 6:14

YandeYa omae jese jare jei chupe: —Jókuae mɨ̈rata renoi vae ndive ekua, jare eepɨ Israel iñemuña reta Madián iñemuña reta ipo güi. Che etei ko romondo.

1 SAMUEL 1:20

Ana ipurúa, jare ou ma ara reta oväe oyekuaku vaerä yave, oa imembɨ metei kunumi raɨ, jare ombojee Samuel, echa jei: “CheYa pe aiporu vae ko.”