JUECES 12:3 - Biblia Guarani Tumpa Iñee

³ Jare aecha mbaetɨ ma peyu oremborɨ vaerä yave, añemoëgua mano pe jare añoraro Amón iñemuña reta ndive, jare yandeYa omee cheve amoamɨri vaerä. ¿Maera pa añave peyu peñeraro vaerä che ndive?

JUECES 12:3 Iomraidhean Croise

2 CRÓNICAS 13:12

Mase, añave Tumpa oï ore ndive, oreruvicharä, isacerdote reta mimbɨguasu ndive omoñee vaerä ñeraro pegua pekotɨ. Jáeramo Israel iñemuña reta agüɨye peñoraro yandeYa peñemuñagüe reta iTumpa ndive, echa ngaraa oë kavi peve.”

JOB 13:14

Tañemoëgua etei, tañono cherekove chepo pe etei.

SALMOS 119:109

Cherëgua avei oiko mano pe, ërei mbaetɨ cheakañɨ ndeporookuai güi.

Romanos 16:4

jae reta oñemoëgua mano pe chereepɨ vaerä. Jáeramo cheñoä amee yasoropai chupe reta, opaete judiombae vae oporogüɨrovia vae reta vi omee yasoropai chupe reta.

Apocalipsis 12:11

Jare yanderɨvɨ reta omoamɨri Satanás Vecha kuimbae taɨrusu vae jugüɨ rupi jare Tumpa iñee omoërakua reta vae rupi, ërei jae reta mbaetɨ güɨrokɨɨye jekove, mbaetɨ etei okɨɨye reta omano regua.

JUECES 11:27

Che mbaetɨ etei ikavimbae ayapo ndeve. Nde reyapo reï ikavimbae, echa reyu reporepeña oreré. Ërei oreYa ko jae oporojäa vae, jae tojäa Israel iñemuña reta jare Amón iñemuña reta.”

JUECES 12:2

Jefté jei chupe reta: —Che, jare cherëtaɨgua reta rogüɨnoi teko yavai yae vae Amón iñemuña reta ndive, jare che poekauka, ërei pe reta mbaetɨ peyu orereepɨ.

JUECES 12:4

Jayave Jefté omboatɨ opaete kuimbae Galaad pegua, jare oñeraro Efraín iñemuña reta ndive jare omoamɨri. Efraín iñemuña pegua reta jei: “Efraín jare Manasés iñemuña reta güi oëgüe reta ko ñogüɨnoi Galaad pegua reta ipɨte pe.”

JUECES 9:17

Echa cheru oñemoë perekovia pe jare oñeraro, jökorai omee jekove peyora vaerä Madián iñemuña reta ipo güi;

1 SAMUEL 19:5

Jae oñemoëgua ko mano pe oyuka yave filisteo Goliat, jare yandeYa güɨroasayepe Israel iñemuña reta jókuae ara jovaicho reta güi, nde etei reecha jare reyerovia remae jese. ¿Maera pa reipota reyuka jekombae reve? ¿Remomburu David mbaetɨ reve oñeväe teko jese?

1 SAMUEL 28:21

Jayave jókuae kuña oya katu Saúl re, oecha okɨɨye rai yae ramo jei chupe: —Mase che nderembiokuai ayapo ma reiporu vae, añemoëgua ko mano pe jare aendu opaete ñee nde rere cheve vae.