JUECES 1:7 - Biblia Guarani Tumpa Iñee

⁷ Jayave Adoni-bezec jei: “Tenonde yave che ayasɨa setenta mburuvicha guasu reta ipoäka guasu jare ipɨ̈sa guasu, jare chemesa güi cherembíu osururugüe jou reta yepi, jókuae ayapo chupe reta rami etei Tumpa oyapo vi cheve.” Jare güɨraja reta Jerusalén pe, joko pe omano.

JUECES 1:7 Iomraidhean Croise

1 REYES 21:19

Jare köraita rere chupe: ‘YandeYa jei körai: Reyuka Nabot jare repɨ̈ro chugüi imbaembaegüe, jáeramo jókuae jugüɨgüe yaɨmba reta oerea pe, nderugüɨgüe oereta vi yaɨmba reta.’ ”

ÉXODO 29:20

Jare eyuka vecha kuimbae, jare emboɨru jugüɨgüe jare eipichɨ Aarón inambi iyakatu kotɨgua jembeɨ re, ipoäka guasu jare ipɨ̈sa guasu iyakatu kotɨgua re; jökorai vi eyapo taɨ reta, jare jókuae tugüɨ jembɨregüe pe eñapiramo mɨmba oyeyuka oyeapɨ jese vae iyɨke yɨke re.

ISAÍAS 33:1

¡Ndeparavete, nde remaepɨ̈ro avei vae, ërei mbaetɨ kia omaepɨ̈ro ndegüi! ¡Reyapo ikavimbae, ërei mbaetɨ kia oyapo ikavimbae ndeve! ¡Opa remaepɨ̈ro yave, oñepɨ̈rota vi mbae ndegüi, opa reyapo ikavimbae yave, oyeapota vi ikavimbae ndeve!

SOFONÍAS 3:19

Jókuae ara che, añemopüata opaete oiporarauka ndeve vae reta kotɨ. Amborɨta vecha iköcho vae, aru yeta okañɨgüe; amboeteukata jare jërakua yaeta opaete ɨvɨ rupi.

Romanos 2:15

Echa oikuaauka reta mborookuai jei vae oyekuatía oï ipɨa pe vae. Oikuaa reta vi ipɨa pe, mbae ikavi vae oyapo vaerä vae. Jáeramo iyemongeta rupi oyemboeko retata ani oyeepɨ retata,

Santiago 2:13

Echa kia mbaetɨ oiparareko japicha vae, Tumpa ojäata oipararekombae reve; ërei oporoparareko vae mbaetɨta oñejäa.

Apocalipsis 13:10

“Oyembojee tembipɨɨrä oyereraja vaerä vae, toyereraja; oyembojee kɨsepuku pe omano vaerä vae, pɨpe tomano.” Kuae pe oyekuaata oporogüɨrovia vae reta ipɨa guasu jare iporogüɨrovia.

Apocalipsis 16:6

echa jae reta oyuka oporogüɨrovia vae reta jare ñeemombeúa reta, jáeramo remee vi jou reta tugüɨ. ¡Echa jupi ko jökorai vaerä!”

JUECES 1:6

Ërei Adoni-bezec otekuarai, jare jae reta oaɨkuemoña jare oipɨɨ, jare opa oyasɨa chugüi ipoäka guasu jare ipɨ̈sa guasu.

JUECES 9:24

jökorai Abimelec pe jekovia vaerä setenta Jerobaal taɨ reta opa oyuka vae, jare vi Siquem pegua reta oporomborɨ katu vae pe.

JUECES 9:57

Jare Tumpa omee vi Siquem pegua reta omboepɨ vaerä iporoyuka. Jökorai Jotam iyepopeyu ou oyembopo, jae ko Jerobaal taɨ.

1 SAMUEL 15:33

Jare Samuel jei: —Ndekɨsepuku pe reeya jeta kuña reta imembɨmbae, jökoraita opɨta ndesɨ imembɨmbae ïru reta ipɨte pe. Jayave Samuel opa oyasɨa sɨa Agag yandeYa jóvai Gilgal pe.