JUECES 1:10 - Biblia Guarani Tumpa Iñee

¹⁰ Jare oporepeña reta vi cananeo reta yogüɨreko tëta Hebrón pe vae re, Quiriat-arba jee yepi vae jare oyuka reta Sesai, Ahimán jare Talmai.

JUECES 1:10 Iomraidhean Croise

GÉNESIS 23:2

jare omano Quiriat-arba pe, jae ko Hebrón, ɨvɨ Canaán pe; jare Abraham ou ipɨatɨtɨ jese jare oyaeo.

GÉNESIS 37:14

Jayave Israel jei chupe: —Ekua añave emae nderɨkeɨ reta re, reikuaa vaerä kërai ñogüɨnoi vae jare vecha reta re vi; jare reyuta remombeu cheve. Jare omondo Hebrón iɨvɨtɨ päu ipe kavi vae güi, jare ojo oväe Siquem pe,

ECLESIASTÉS 9:11

Kuae ɨvɨ pe jekuae aecha ye vae jae ko: Mbaetɨ iñäkua yae vae retaño oporomoamɨri, mbaetɨ jëia yae vae retaño oporomoamɨri; mbaetɨ yarakuaa vae retaño güɨnoi tembíu, mbaetɨ yarakuaa katu vae retaño oikokatu, mbaetɨ jeta oyemboe vae retaño imboetea yae; echa opaete kuae reta pe oväe väei ko iara.

JEREMÍAS 9:23

YandeYa jei körai: “Agüɨye yarakuaa vae toyemboete iyarakuaa re, jäta ngatu vae ave agüɨye toyemboete jäta ngatu re, jare oikokatu vae agüɨye toyemboete imbaeyekou reta re.

NÚMEROS 13:22

Omboɨpɨ oike reta Neguev rupi, yogüɨraja oväe Hebrón pe; joko pe yogüɨreko Ahimán, Sesai jare Talmai, Anac iñemuña reta. Tëta Hebrón yepe oyeapo chiu año ndei oiko mbove tëta Zoán Egipto pegua.

NÚMEROS 13:33

Jare roecha vi joko pe kuimbae ipukugüe, Anac iñemuña reta, kuimbae puku vae iñemuña reta; jare ore romae oreyé tuku rami jae reta jóvai, jare jökorai vi jae reta omae oreré.

JOSUÉ 10:36

Javoi Eglón güi Josué, Israel iñemuña reta ndive yogüɨraja Hebrón kotɨ, jare oñeraro reta joko pegua reta ndive.

JOSUÉ 14:15

Hebrón jee tenondegua jae ko Quiriat-arba; echa Arba jae ko jërakua yae vae, Anac kuimbae puku yae vae iñemuña pegua. Jare ɨvɨ oputuu ñeraro güi.

JUECES 1:20

Caleb pe omee reta Hebrón, Moisés jei chupe rami, jare jae opa omoë omombo joko güi mboapɨ Anac iñemuña reta.

JUECES 1:9

Jaɨkue rupi Judá iñemuña reta oporepeña cananeo reta yogüɨreko ɨvɨtɨ re ɨvɨ Neguev pe vae re, jare ɨvɨpe pegua reta re.