San Juan 9:31 - Biblia Guarani Tumpa Iñee

³¹ Yaikuaa kavi ko, Tumpa mbaetɨ oyeapɨsaka iyoa vae reta re. Ërei kia oipoɨu jare oyapo yave Tumpa jemimbota, jae oyeapɨsaka jese.

Nuevo Testamento Guaraní Pe

³¹ Yaicuaa Tumpa mbaeti oyeapɨsaca iyoa vae reta re. Erei oime yave quia omboete Tumpa jare oyapo Tumpa jemimbota vae, Tumpa oyeapɨsaca jese —jei—.

San Juan 9:31 Iomraidhean Croise

GÉNESIS 19:29

Jökorai Tumpa opa omboai opaete tëta reta ñuu rupigua, Lot oikose pɨpe vae; ërei Tumpa imaendúa Abraham re jeko pegua güɨroasayepe Lot kañɨtei güi.

GÉNESIS 20:7

Jayave, emee ye kuña ime pe, echa jae ko ñeemombeúa, oyerureta nderé jare reikoveta. Ërei ngatu mbaetɨ yave remee ye, añetete remanota jare opaete neñemuña.”

JOB 35:12

Jáeramo osapúkai reta yave, Tumpa mbaetɨ omboyevɨ chupe reta, echa jae reta ko kuimbae jeko pochɨ jare iyemboete iyé vae.

JOB 35:13

Tumpa Imbaepuere yae ete vae, mbaetɨ oendu jupimbae; mbaetɨta omae jókuae nunga reta re.

JOB 42:8

Añave peipɨɨ chiu toro raɨ jare chiu vecha kuimbae, jare pekua cherembiokuai Job pɨri, jare perökuavee mbota mɨmba oyeyukagüe opa etei oyeapɨ vae peyé, jare cherembiokuai Job oyerureta peré; echa añetete jae iyerure reño ayeapɨsakata, agüɨye vaerä ayapo ikavimbae peve, echa mbaetɨ pemiari kavi jupi rupi cheré, cherembiokuai Job rami.”

SALMOS 106:23

Tumpa opata tëi omboai reta, ërei jembiparavo Moisés oyopia, omoröɨsa iyarasɨ chugüi, agüɨye vaerä opa omboai.

SALMOS 143:10

Chemboe tayapo nderemimbota, echa nde ko jae cheTumpa, ¡ndeespíritu tachereraja sɨmbi rupi kavi!

SALMOS 145:19

Oipoɨu chugüi vae jemimbota ombopota, oenduta vi isapúkai, jare güɨroasayepeta.

SALMOS 18:41

Osapúkai reta tëi, ërei mbaetɨ kia oepɨ; yandeYa ave oenɨi reta tëi, ërei mbaetɨ oendu chupe reta.

SALMOS 40:8

Nderemimbota ayapo vae chemboyerovia cheRu Tumpa. ¡Ndeporookuai oï chepɨa pe!”

SALMOS 99:6

Moisés jare Aarón ñogüɨnoi isacerdote reta ndive; jare Samuel oï ombaemboete vae reta ndive. YandeYa ombopo yepi jae reta iyerure.

PROVERBIOS 15:29

YandeYa, mombɨrɨ oï iyoa vae reta güi, ërei oendu, jupi vae reta iyerure.

PROVERBIOS 21:13

Paravete vae isapúkai güi iyapɨsa oyokenda vae, jae osapúkai tëi yave, ngaraa vi kia oendu chupe.

PROVERBIOS 28:9

Tumpa iporookuai mbaetɨ oipota oendu vae, Tumpa güɨröɨrota vi chugüi iyerure.

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

ISAÍAS 58:9

Jayave, reyerureta jare ndeYa oenduta, resapúkai yave, jae jeita: ‘Ko aï.’ Reeya yave reporogüɨrekoasɨ katu vae, mbaetɨ yave reporomomburu ani rere ñee ikavimbae vae,

JEREMÍAS 11:11

Jáeramo aruta chupe reta susere mbaetɨta ipuere otekuarai chugüi vae. Yepe tëi täta jäse reve oeka cheve yemborɨ, ngaraa aendu chupe reta. Che ndeYa jae kuae.

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

EZEQUIEL 8:18

Ërei che ayapota vi mbae chupe reta chearasɨ reve. Mbaetɨta cheɨ̈ro chupe reta, ngaraa aiparareko reta. Yepe tëi täta osapúkai reve chereenɨi retata, ërei che ngaraa aendu chupe reta.”

MIQUEAS 3:4

Metei ara peenɨita yandeYa, ërei jae ngaraa oendu peve; oñomita jova pegüi jókuae ara rupi, teko kavimbae yae peyapo jeko pegua.

ZACARÍAS 7:13

Jare jei: “Che aenɨi reta tëi yave mbaetɨ oyeapɨsaka cheré, jökoraiño vi osapúkai reta chekotɨ yave; che mbaetɨta aendu chupe reta.

San Juan 11:22

Ërei añave aikuaa oipotagüe mbae re reyerure Tumpa pe vae, omeeta ko ndeve.

San Juan 15:16

Pe reta mbaetɨ ko cheparavo. Che ko poparavo. Jare poñono peo vaerä jeta peia jare jókuae peiagüe toiko avei. Oipotagüe mbae peiporu cheRu pe cheree re yave, jae omee vaerä peve.

San Juan 4:34

Jesús jei chupe reta: —Cherembíu jae ko, ayapo vaerä chembou vae jemimbota, jare opa vaerä iparavɨkɨ ayapo.

San Juan 7:17

Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

San Juan 9:30

Kuimbae jei chupe reta: —Mɨakañɨ aipo kuae. Pe reta mbaetɨ peikuaa kia pegua ko vae. Ërei jae chembogüera.

San Juan 9:32

Iyɨpɨ güive mbaetɨi oyeendu kia ipuere ombogüera jesambae oa ichɨ güi vae.

DEUTERONOMIO 1:45

Jare peyerova peyaeo reve yandeYa jóvai, ërei yandeYa mbaetɨ oendu peñee, mbaetɨ vi oyeapɨsaka peré.

Hebreos 10:7

Jáeramo jae: Mase, ko ayu cheRu Tumpa, ayapo vaerä nderemimbota, tembikuatía pe, oyekuatía oï cheregua rami.”