San Juan 9:24 - Biblia Guarani Tumpa Iñee

²⁴ Jayave judío reta oenɨi ye kuimbae tenonde yave jesambae oiko vae, jare jei reta chupe: —Ere Tumpa jee re oreve añete vae. Echa roikuaa kuae kuimbae iyoa vae ko.

Nuevo Testamento Guaraní Pe

²⁴ Jayave judío reta oeni ye cuimbae tenonde yave jesa mbae vae. —Emboete Tumpa —jei reta chupe—. Echa roicuaa cuae cuimbae iyoa vae co.

San Juan 9:24 Iomraidhean Croise

ESDRAS 10:11

Añave peyemombeu yandeYa peñemuñagüe reta iTumpa pe, jare peyapo jemimbota, peyembosɨrɨ ïru ɨvɨ pegua reta güi, jare jókuae ketɨgua kuña reta güi.

ISAÍAS 66:5

Pe, pemboete yandeYa iñee vae, peendu iñee: “Amogüe, kuae perëta pegua reta pemotareɨ vae, jare opa pemombo iyeugüi reta perovia cheré vae jeko pegua, jare jei reta: ‘Toyekuaa, yandeYa imbaemboetea, omee vaerä peve yerovia.’ Ërei, jae reta oñemomaraiukata opɨta.

San Marcos 15:27

Jare sundaro reta oikutu vi kurusu re mókoi imonda vae reta Jesús ndive, metei iyakatu kotɨ jare ïru iyasu kotɨ.

San Lucas 15:2

Jayave fariseo reta jare mborookuai re oporomboe vae reta iñeenguru jese, jei reta: —Kuae kuimbae oñemoïru jeko kavimbae vae reta ndive, jare okaru jae reta ndive.

San Lucas 19:7

Jare opaete vae reta kuae oecha yave, iñeenguru reta, ojo opɨta metei kuimbae iyoa vae jo pe vae re.

San Lucas 7:39

Jare fariseo Jesús pe oparea vae kuae oecha yave, jei ipɨa pe: “Kuae kuimbae, ñeemombeúa ko yave, oikuaata mbae nunga ko kuae kuña vae. Echa iyoa vae ko.”

San Juan 14:30

Ngaraa ma ɨma chemiari peve. Echa aña kuae ɨvɨ juvicha outa ete ma oväe cheve. Ërei ngaraa ipuere cheré.

San Juan 16:2

Judío reta pemombota itupao reta güi. Jare oväeta ara, jókuae peyuka vae reta güɨroviata Tumpa pe ko oyeokuai.

San Juan 18:30

Jare jei reta chupe: —Kuae kuimbae oyapo ikavi vae yave, ngaraa tëi ko romboeterenga ndeve.

San Juan 19:6

Sacerdote reta itenondegua reta jare jembiokuai reta oecha yave Jesús, osapúkai reve jei reta: —¡Eikutuuka kurusu re! ¡Eikutuuka kurusu re! Jayave Pilato jei chupe reta: —Pe reta etei peraja peikutuuka kurusu re. Echa che mbaetɨ etei aväe teko jese.

San Juan 5:23

Opaete vae omboete vaerä Taɨ, Tu omboete reta rami. Mbaetɨ omboete reta Taɨ vae, omboeteä ko Tu, ombou vae.

San Juan 8:46

¿Kia pa pegüi reta ipuere jei cheve: “Ndeyoa ko”? Echa che chemiari peve añete vae re. ¿Maera pa mbaetɨ chererovia?

San Juan 8:49

Jesús jei: —Mbaetɨ ko aña oya cheré. Che amboete ko cheRu, ërei pe reta chemboeteä.

San Juan 9:16

Jayave amogüe fariseo reta jei: —Tumpa güiä ko ou kuae kuimbae. Echa omboeteä ara mbutuu. Ërei ïru fariseo reta jei: —¿Kuimbae iyoa vae oyapota ra kuae nunga mɨakañɨ reta? Jare oyoavɨ reta iyemongeta oyougüi.

San Juan 9:25

Jayave kuimbae jei: —Mbaetɨ aikuaa iyoa vae ra jae. Ërei aikuaa vae jae ko: Tenonde yave cheresambae aiko vae, añave amae.

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

JOSUÉ 7:19

Jayave Josué jei Acán pe: —Cheraɨ, emee mbaemboete yandeYa pe, Israel iTumpa pe, emboete, ere añave cheve mbae ko reyapo vae; agüɨye eikuaku chegüi.

Apocalipsis 11:13

Jökorai rupive täta ɨvɨkana jare tëta guasu iyɨkegüe osururu, jare omano chiu mil kuimbae reta. Jare omanombae reta okɨɨye yae jare omboete Tumpa ara pe oiko vae.