San Juan 8:42 - Biblia Guarani Tumpa Iñee

⁴² Jayave Jesús jei chupe reta: —Tumpa ko jae peRu yave mona, pe reta cheraɨuta tëi ko. Echa che Tumpa güi ko ayu. Mbaetɨ ko ayu cheyeugüi aeño, jae ko chembou.

Nuevo Testamento Guaraní Pe

⁴² Jayave Jesús jei chupe reta: —Tumpa co jae peRu yave mona, pe reta cheraɨuta tei co. Echa che ayu Tumpa güi. Che Tumpa pegua co. Mbaeti che aipota rambueño ayu. Jae co chembou —jei—.

San Juan 8:42 Iomraidhean Croise

MALAQUÍAS 1:6

YandeYa jei sacerdote reta pe: “Membɨ reta omboete tu, jare tembiokuai omboete iya. Añave che ko jae peRu yave, ¿maera pa mbaetɨ chemboete? Che ko jae peYa yave ¿Maera pa mbaetɨ peipoɨu chegüi? Jei peve yandeYa Imbaepuere yae ete vae: Pe sacerdote reta peröɨro cheree, jare pere: ‘¿Mbae pe pa rogüɨröɨro nderee?’

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 12:49

Echa mbaetɨ chemiari cheyeugüi aeño, cheRu chembou vae ko cheokuai mbae jae vaerä jare kërai chemiari vaerä.

San Juan 14:10

¿Mbaetɨ pa perovia che meteiño cheRu ndive, jare cheRu meteiño che ndive vae? Ñee reta amombeu peve vae cheyeugüi aeñoä ko jae. CheRu oï cheré vae ko oyapo mbaravɨkɨ reta.

San Juan 16:30

Añave roikuaa nde reikuaa ko opaete mbaembae vae, jare mbaetɨ reeka kia oparandu vaerä ndeve mbae re. Kuae jeko pegua rogüɨrovia nde reyu ko Tumpa güi vae.

San Juan 17:25

CheRu jupi vae, oporogüɨroviambae vae reta mbaetɨ ndekuaa. Ërei che rokuaa, jare kuae reta oikuaa nde ko chembou vae.

San Juan 17:8

Echa che amombeu ma chupe reta ñee nde remee cheve vae, jare jae reta güɨrovia neñee. Oikuaa kavi che ayu ko ndegüi. Güɨrovia reta ma nde ko chembou vae.

San Juan 3:17

Tumpa mbaetɨ ko ombou Taɨ ojäa vaerä ɨvɨ pegua reta, ombou ko ɨvɨ pegua reta oyemboasauka vaerä.

San Juan 5:23

Opaete vae omboete vaerä Taɨ, Tu omboete reta rami. Mbaetɨ omboete reta Taɨ vae, omboeteä ko Tu, ombou vae.

San Juan 5:43

Che ayu cheRu jee re, ërei pe reta mbaetɨ chemboresive. Ïru vae ou yave jee re aeño, pemboresive.

San Juan 8:14

Jayave Jesús jei chupe reta: —Yepe tëi chemiari cheyé aeño, ërei chemiari vae añetete ko. Echa che aikuaa ko ketɨ güi ayu jare ketɨ aja vae. Ërei pe reta mbaetɨ peikuaa ketɨ güi ayu jare ketɨ aja vae.

1 Corintios 16:22

Kia mbaetɨ oaɨu yandeYa Jesucristo vae, Tumpa toiporarauka chupe. ¡Eyu oreYa!

Gálatas 4:4

Ërei ara oväe ma oyembopo vaerä yave, Tumpa ombou Taɨ. Jae oa kuña güi, mborookuai iara pe,

1 Juan 4:14

Jare ore roecha jare romoërakua Tumpa ombou Taɨ ɨvɨ pegua reta Omboasa vae.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

Apocalipsis 22:1

Jayave araɨgua oechauka cheve ɨ̈aka ikɨambae ɨ tekove pegua, jësakaasɨ vidrio rami, oë Tumpa jare Vecha kuimbae taɨrusu vae iguapɨa güi.