San Juan 8:41 - Biblia Guarani Tumpa Iñee

⁴¹ Pe reta peyapo ko peru jembiapo reta. Jayave jae reta jei: —¡Aguasa rupi oyeapo vaeä ko ore reta. Tumpaño ko jae oreRu!

Nuevo Testamento Guaraní Pe

⁴¹ Pe reta peyapo pei peru iparavɨquɨ —jei Jesús chupe reta. —Mbaeti co oremoñemoña aguasa pe oreru reta —jei reta—. Tumpaño co jae oreRu.

San Juan 8:41 Iomraidhean Croise

ÉXODO 4:22

Jare rereta Faraón pe: “Körai jei cheYa: Israel jae ko cheraɨrɨpɨ.

ISAÍAS 63:16

¡Ërei nde ko jae oreru! Yepe tëi Abraham mbaetɨ oreñono iñemuña rami, ani yepe tëi Israel mbaetɨ imaendúa oreré, nde oreYa, jae ko oreru; nderee jae ko, OreReepɨ avei vae.

ISAÍAS 64:8

Ërei oreYa, nde ko jae oreRu; ore ko ñaeu, nde ko jae oreapoa; ¡nderembiapo ko opaete ore reta!

JEREMÍAS 3:19

Israel, che ko aipota reiko cheraɨrä, jare amee ndeve ɨvɨ ipotaa yae vae, tëtaguasu reta iɨvɨ ikavi yae vae. Ayemongeta ko rere vaerä cheve cheRu, jare mbaetɨ yeta resɨrɨ chegüi.

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

OSEAS 1:2

YandeYa omboɨpɨ imiari Oseas rupi, körai jei chupe: “Ekua, ereko metei kuña iyaguasa pota vae, jare toime nderaɨ reta jae ndive; jökorai jae reta toyogüɨreko iyaguasa pota vae imembɨrä; echa kuae tëta iyaguasa pota rami chegüi.”

MALAQUÍAS 1:6

YandeYa jei sacerdote reta pe: “Membɨ reta omboete tu, jare tembiokuai omboete iya. Añave che ko jae peRu yave, ¿maera pa mbaetɨ chemboete? Che ko jae peYa yave ¿Maera pa mbaetɨ peipoɨu chegüi? Jei peve yandeYa Imbaepuere yae ete vae: Pe sacerdote reta peröɨro cheree, jare pere: ‘¿Mbae pe pa rogüɨröɨro nderee?’

MALAQUÍAS 2:11

Judá iñemuña reta oyapo ikavimbae vae, Israel pe jare Jerusalén pe oyeapo pɨ̈chɨi yae vae. Echa Judá iñemuña reta omongɨa tupao guasu yandeYa oaɨu yae vae; jare omenda reta tumpa-raanga imboetea reta tayɨ ndive.

San Juan 8:38

Che chemiari peve cheRu oechauka cheve vae, ërei pe reta peyapo peru omombeu peve peyapo vaerä vae rupi.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

DEUTERONOMIO 14:1

Pe jae ko yandeYa Tumpa taɨ reta. Agüɨye pembopere perete, agüɨye peñeapi kia omano yave.

DEUTERONOMIO 32:6

¿Jökorai pa pemboekovia yandeYa pe? Tëta imbokere jare mbaetɨ arakuaa güɨnoi vae. ¿Jaeä pa peRu peapoa? ¡Jae ko peapo jare omee peiko vaerä!

1 Juan 3:12

Agüɨye yaiko Caín rami. Echa Caín aña guasu imbae ko jare oyuka tɨvɨ. Jare ¿maera ra oyuka? Caín oyapo ikavimbae vae, jare tɨvɨ oyapo jupi vae ramo.