San Juan 8:33 - Biblia Guarani Tumpa Iñee

³³ Judío reta jei chupe: —Abraham iñemuña reta ko ore. Mbaetɨi ko tembiokuai ore, ¿maera pa rere royeyorata ko?

Nuevo Testamento Guaraní Pe

³³ Judío reta jei chupe: —Abraham iñemoña reta co ore. Mbaeti etei royeócuai quia pe. ¿Maera pa rere royeyorata co? —jei reta.

San Juan 8:33 Iomraidhean Croise

GÉNESIS 15:13

Jayave yandeYa jei Abram pe: —Añetete, neñemuña reta yogüɨrekota ɨvɨ ambuae pe, joko pe yogüɨreko retata tembiokuai oyeguagüe rami, jare oiporara retata cuatrociento año rupi.

ESDRAS 9:9

Echa tembiokuairä roiko, ërei royeokuai pɨte pe nde oreTumpa mbaetɨ orereeya, nde oreparareko mburuvicha guasu reta Persia pegua jóvai, oremoäta ngatu romopüa pɨau ye vaerä tupao guasu oyemboai vae, ¡oreangareko Judá pe jare Jerusalén pe!

LEVÍTICO 25:42

Echa cherembiokuai reta ko, che ko anoe reta ɨvɨ Egipto güi; agüɨye toñemee tembipɨɨ reta oñemee rami.

San Mateo 3:9

Jare agüɨye pere peyeupe: ‘Ñaneñemuñagüe jae ko Abraham.’ Echa che jae peve kuae: Tumpa ipuere ko oyapo kuae ita reta güi Abraham iñemuña retarä.

San Lucas 3:8

Peyapo ikavi vae, jökorai pemboyekuaa añetete peeya ko peyemongeta ikavimbae vae pepɨa pe penoi vae. Agüɨye pere peyeupe: ‘Ñaneñemuñagüe ko jae Abraham.’ Echa che jae peve kuae: Tumpa ipuere ko oyapo kuae ita reta güi Abraham iñemuña retarä.

San Juan 19:25

Jare oyemboɨ ñogüɨnoi Jesús ikurusu iyɨpɨ pe Jesús ichɨ, jare ichɨ ipɨkɨɨ, jare María jae ko Cleofas jembireko jare María Magdalaɨgua.

San Juan 8:37

Che aikuaa Abraham iñemuña reta ko pe reta. Ërei peipota cheyuka, peipotaä peyapo che jae peve peyapo vaerä vae ramo.

San Juan 8:39

Jei reta chupe: —Abraham ko jae oreru. Jesús jei chupe reta: —Pe reta Abraham iñemuña ete yave mona, peyapota tëi ko Abraham oyapo rami.

San Juan 8:43

¿Maera pa mbaetɨ peikuaa amombeu peve vae? Echa mbaetɨ peipota peyeapɨsaka cheñee re. Jáeramo mbaetɨ peikuaa.

Romanos 9:7

Jaeramiño vi opaeteä ko Abraham iñemuña reta, taɨ añetete vae. Echa Tumpa jei Abraham pe körai: “Isaac rupi renoita neñemuña añetete vae.”

JUECES 2:18

YandeYa omopüa yave mburuvicha, jae oï jókuae mburuvicha ndive, jare jae oepɨ Israel iñemuña reta jovaicho reta güi opaete ara oikove oiko ramboeve jókuae mburuvicha. YandeYa oiparareko omae jese reta, echa omoäse jovaicho reta oiporarauka chupe vae jare ombopɨatɨtɨ vae.

JUECES 3:8

Jáeramo yandeYa iyarasɨ ikotɨ reta, jare omee Cusan-risataim mburuvicha guasu Mesopotamia pegua ipo pe; jare juri año Israel iñemuña reta yogüɨreko Cusan-risataim jeia re.

JUECES 4:3

Jabín güɨnoi noveciento käretou jiero pegua, jare veinte año rupi oiporarauka yae Israel iñemuña reta pe. Jayave Israel iñemuña reta oyerure mbɨatɨtɨ ndive yandeYa pe.