San Juan 8:32 - Biblia Guarani Tumpa Iñee

³² Jare peikuaata añete vae, jare añete vae peyorata ko.

Nuevo Testamento Guaraní Pe

³² Jare peicuaata añete vae, jare añete vae peyorata co —jei.

San Juan 8:32 Iomraidhean Croise

SALMOS 119:45

Jare taguata yemboavaimbae reve, echa aeka ndeporookuai reta.

SALMOS 25:5

chemboe jare chereroata añete vae rupi, echa nde ko jae Tumpa chereepɨ vae. ¡Ndereño ko aäro opaete ara!

PROVERBIOS 1:23

Peyeapɨsaka cheporombosɨmbi re, jare che ameeta peve chearakuaa katu, jare aikuaaukata peve cheñee reta.

PROVERBIOS 1:29

echa arakuaa peröɨro, jare mbaetɨ peipota peipoɨu che peYa güi.

PROVERBIOS 4:18

Ërei jupi vae reta jape köembipe rami ko: Köe jembipe ojo oiko köe kavi regua rami.

ISAÍAS 2:3

jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ISAÍAS 30:21

Pepia pota tëi tape güi yave, peenduta pekupe kotɨ ñee jei peve: “Kuae ko jae tape, peguata kuae rupi. Agüɨye pepia ketɨ ave yepe.”

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

ISAÍAS 54:13

Jare opaete nemembɨ reta che ndeYa etei amboeta; jare oyekou yaeta mbɨakatu re.

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

JEREMÍAS 6:16

YandeYa jei imbae vae reta pe: “Peyemboɨ tape reta rupi jare pemae, peparandu tape reta ñɨma yae vae re, kia nunga tape ra jae ikavi vae; peguata jupi jare peväeta mbutuu peyeupe.” Ërei jae reta jei: “Mbaetɨ, ngaraa roguata jupi.”

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

LEVÍTICO 25:41

Jayave toyeyora pegüi, jae jare taɨ reta ndive, toyogüɨraja ye jëtara reta pɨri, jare iñemuñagüe reta iɨvɨ pe toyogüɨreko ye.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

San Mateo 11:29

Peiko cheré, jare peyemboe che añemomichi ko vae re. Jare peväeta perekove oputuu vaerä.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 1:17

Moisés rupi oñemee mborookuai. Ërei Jesucristo rupi ou, Tumpa ipɨakavi jare añete vae.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 16:13

Ërei Espíritu añetete pegua ou ma yave, oikuaauka kavita peve añete vae. Echa ngaraa imiari iyeugüi aeño, imiarita opaete oendugüe re jare oikuaaukata peve opaete mbaembae outa vae re.

San Juan 17:17

Eñono tee reta neñee añete vae rupi. Neñee ko jae añete vae.

San Juan 6:45

Ñeemombeúa reta jembikuatía jei körai: “Tumpa omboeta opaete vae.” Jayave, opaete oyeapɨsaka cheRu re vae, jare jae omboe vae, ou chekotɨ.

San Juan 7:17

Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

San Juan 8:36

Jayave, che Tumpa Taɨ poyora yave, añetete peyeyorata ko.

Romanos 6:22

Ërei añave peyeyora ma mbaeyoa güi jare peyeapouka ma Tumpa jembiokuai retarä ramo, peñeñono teeuka ma jare iyapɨ ete pe penoita tekove opambae vae.

Romanos 8:15

Echa Tumpa omee ko peve iEspíritu, peyeapo vaerä taɨ retarä. Mbaetɨ ko omee peve jekuaeño pekɨɨye reve peiko vaerä. Jókuae Espíritu Santo yandemborɨ yae vaerä: “CheRu.”

Romanos 8:2

Echa mborookuai tekove pegua Espíritu Santo omee Cristo Jesús rupi vae, cheyora ma mbaeyoa imbaepuere güi jare mano güi.

1 Corintios 7:22

Echa yandeYa oenɨi oyemboasauka vaerä tembiokuai yave, oyeyora ma ko yandeYa peguarä. Jaeramiño vi yandeYa oenɨi oyemboasauka vaerä tembiokuaimbae vae yave, jae oyeapo ma ko Cristo jembiokuairä.

Gálatas 5:1

Peñemomɨ̈rata Cristo iporoyora re. Jare agüɨye mo peiko ye tembipɨɨrä.

Gálatas 5:13

Añete ko, cherɨvɨ reta, Tumpa peparavo peyeyora vaerä. Jaeño agüɨye peiporu jókuae yeyora soo jemimbota peyapo vaerä, ërei peyeokuai oyoupe peyoaɨu reve.

2 Timoteo 3:7

oyemboe avei opaño mbaembae re, ërei ngaraa etei ipuere oikuaa añete vae.

Santiago 1:25

Ërei kia nunga vae omae kavi mborookuai ikavi yae vae jare oporoyora vae re vae jare oiko jókuae rupi, mbaetɨ iñakañɨ ngatu oyapo vaerä mborookuai jei vae yave, oyerovia ko jókuae oyapogüe re.

Santiago 2:12

Pemiari kavi jare peiko kavi, echa Tumpa pejäata mborookuai oporoyora vae rupi.

1 Pedro 2:16

Agüɨye peiko oyepɨɨgüe rami, ërei yeyora pe peï agüɨye peiporu ikavimbae vae peyapo vaerä, jaeño Tumpa pe peyeokuai.

2 Juan 1:1

Che oporogüɨrovia vae reta itenondegua aikuatía kuae tupapire pe Tumpa peparavo vae, joko pe peyemboatɨ vae reta pe, che poaɨu añete vae re. Mbaetɨ cheño poaɨu, opaete añete vae oikuaa vae reta vi.