San Juan 8:21 - Biblia Guarani Tumpa Iñee

²¹ Jare Jesús jei ye chupe reta: —Ajata ma kuae güi. Pe reta chereeka tëita ko, ërei pemanota peyoa pe. Pe reta ngaraa pepuere peo che ajataa pe.

Nuevo Testamento Guaraní Pe

²¹ Jare Jesús jei ye chupe reta: —Ajata ma cuae güi. Pe reta cherecata co, erei pemanota pembaeyoa oñemboai mbae reve. Pe reta ngaraa pepuere peo che ajataa pe —jei.

San Juan 8:21 Iomraidhean Croise

1 REYES 18:10

YandeYa Tumpa jee re, cheya opaetei ma tëtaguasu reta rupi omboapɨ ndereekauka; jare jókuae ndereeka vae reta jeiuka, Tumpa jee re añetete mbaetɨ ko reñeväe joko pe vae.

JOB 20:11

Taɨrusu jare oikove katu reve, omano retata.

PROVERBIOS 11:7

Iyoa vae omano yave, opa vi jae ndive oäro tëi vae; jeko kavimbae reta, opa vi okañɨtei mbaeyekou reta oäro tëi vae.

PROVERBIOS 14:32

Iyoa vae, oyemboai jeko kavimbae pe aeño; ërei kuimbae jupi vae, oyeepɨ jeko kavi rupi.

ISAÍAS 65:20

Ngaraa ye ma oime joko pe, michia raɨ omano mbovɨ ara peño vae, indechi vae ave, ngaraa omano oupitɨmbae reve iara; cien añoa pe omano vae, taɨrusu ko omano, jare mbaetɨ oupitɨ cien año vae iyoa jeko pegua ko.

San Mateo 23:39

Che jae peve, añave güive ngaraa ma chereecha pere regua: ‘Toyemboeteuka yandeYa jee re ou vae.’ ”

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

San Juan 12:33

Kuae jei Jesús, oikuaauka vaerä chupe reta këraita ko omano vae.

San Juan 12:35

Jesús jei chupe reta: —Tembipe oimeño pe reta ndive ramboeve peguata tembipe pe, agüɨye vaerä pepokou pɨ̈tu. Echa pɨtumimbi pe oguata vae mbaetɨ oikuaa kerupi ojo.

San Juan 13:33

Cheraɨ michi reta, michi peguaño ma aïta pe ndive. Jayave chereeka tëita, ërei pe reta ngaraa pepuere peo che ajataa pe. Echa körai jae judío reta pe, jare añave jae vi peve.

San Juan 7:34

Chereekata ko, ërei ngaraa cheväe. Ngaraa pepuere peo che aïtaa pe.

San Juan 7:36

¿Mbae ra oipota jei, jei yave: “Chereekata ko, ërei ngaraa cheväe. Ngaraa pepuere peo che aïtaa pe”?

San Juan 8:24

Jáeramo jae peve pemanota peyoa pe. Echa mbaetɨ perovia chere CHE KO vae yave, pemanota ko peyoa pe.

Efesios 2:1

Tumpa omee peve tekove, pemano peiko yave ikavimbae pe jare mbaeyoa pe.