San Juan 8:19 - Biblia Guarani Tumpa Iñee

¹⁹ Jayave judío reta jei: —¿Kia pe pa oime oï ndeRu? Jesús jei chupe reta: —Pe reta mbaetɨ chekuaa jare mbaetɨ vi peikuaa cheRu. Chekuaa yave mona, cheRu peikuaata tëi vi ko.

Nuevo Testamento Guaraní Pe

¹⁹ Jayave judío reta jei: —¿Jama pa ndeRu? —Pe reta mbaeti checuaa jare mbaeti peicuaa cheRu —jei Jesús chupe reta—. Checuaa yave mona, cheRu vi peicuaata tei co —jei.

San Juan 8:19 Iomraidhean Croise

JEREMÍAS 22:16

Oepɨ yepi paravete vae reta, jare oikoasɨ katu vae reta, jáeramo oë kavi chupe opaete mbaembae. Jökorai ko jókuae chekuaa vae. Che ndeYa ko jae kuae.

JEREMÍAS 24:7

Ameeta chupe reta kɨ̈reɨ ngatu, chekuaa reta vaerä che ko jae iYa, jare yogüɨrekota chembae retarä, jare che aikota iTumparä, echa oyerova reta yeta chekotɨ opaete ipɨa ndive.

San Mateo 11:25

Jayave Jesús jei: “Romboete cheRu, nde ko jae ara pegua reta jare ɨvɨ pegua reta iYa. Echa reñomi mbaembae iyarakuaa vae reta güi, ërei reechauka oñemomichi vae reta pe.

San Juan 1:10

Jae oiko kuae ɨvɨ pe, jae rupi oyeapo kuae ɨvɨ. Ërei ɨvɨ pegua reta mbaetɨ oikuaa.

San Juan 1:18

Mbaetɨi kia oecha Tumpa vae. Ërei Tumpa Taɨ jaevaeño vae, oiko jae ndive etei vae oikuaauka yandeve.

San Juan 15:21

Ërei opaete kuae mbaembae oyapo retata peve cheré perovia ramo. Echa jae reta mbaetɨ oikuaa chembou vae.

San Juan 16:3

Kuae oyapo retata mbaetɨ oikuaa cheRu ramo jare mbaetɨ che chekuaa ramo.

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

San Juan 7:28

Jáeramo Jesús oporomboe tupao pe oï yave, iñeeäta reve jei: —Pe reta chekuaa ko, jare peikuaa ko ketɨ güi ayu vae. Ërei mbaetɨ ko ayu cheyeugüi aeño. Echa chembou vae añetete vae ko, pe reta mbaetɨ peikuaa vae.

1 Corintios 15:34

Pemae kavi, agüɨye peyoa. Echa amogüe pe reta mbaetɨ peikuaa Tumpa. Kuae jae peve pemara vaerä.

Gálatas 4:9

Ërei añave peikuaa ma Tumpa, ani Tumpa pekuaa ma, jayave, ¿maera pa peyerova ye jókuae mboromboe ɨvɨ pegua paravete jare mbaeä etei vae kotɨ, peñeapɨti ye vaerä pɨpe?

Efesios 1:17

yandeYa Jesucristo iTumpa, Tu imboetea yae vae, tomee peve arakuaa katu jare toikuaauka peve mbaembae, peikuaa kavi vaerä Tumpa regua.

Colosenses 1:10

Peguata kavi vaerä, Tumpa oenɨigüe reta oguata rami kavi, pemboyerovia opaete mbaembae pe. Peyapo avei opaete mbaembae ikavi vae. Peikuaa kavi ete avei Tumpa.

Colosenses 1:15

Cristo rupi yaecha Tumpa oyekuaambae vae; Taɨ jae ko opaete mbaembae oyeapogüe iYa.

Hebreos 1:3

Jae ko Tumpa iyemboetea, jae etei ko Tumpa, jae iñee mbaepuere pegua re opaete mbaembae oyeapo vae oiko, jae etei oñemee vae rupi oyoe yandeyoa reta güire oguapɨ Tumpa iyakatu kotɨ ara pe.

1 Juan 2:23

Oime yave kia mbaetɨ güɨrovia Tumpa Taɨ re vae, mbaetɨ ko güɨrovia yandeRu Tumpa. Ërei güɨrovia Tumpa Taɨ re vae, güɨrovia vi ko yandeRu Tumpa re.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

2 Juan 1:9

Kia ñavo opia jare mbaetɨ oiko Cristo iporomboe re yave, mbaetɨ ko güɨnoi Tumpa. Ërei kia ñavo oiko avei Cristo iporomboe re vae, güɨnoi yandeRu Tumpa jare Taɨ.