San Juan 7:37 - Biblia Guarani Tumpa Iñee

³⁷ Jókuae ara ma arete opata yave, arete tuichagüe jare ikavi yae vae pe, Jesús oyemboɨ jare iñeeäta reve jei: —Oime yave kia iɨuve vae, tou chekotɨ jare toɨu.

Nuevo Testamento Guaraní Pe

³⁷ Jocuae ara arete opata yave icavi yae opaete iru arete iara reta güi. Jayave Jesús oñemboɨ jare iñeeata reve jei: —Oime yave quia iyúe vae tou cheve toɨu —jei—.

San Juan 7:37 Iomraidhean Croise

NEHEMÍAS 8:18

Oyapo reta arete mbaemboete pegua chiu ara, jare Esdras omongeta Tumpa iporookuai reta tembikuatía pe oï vae ara ñavo, tenondegua ara güive chiu ara regua; jare juri araa pe oiko yemboatɨ guasu mbaemboete pegua, oyaposeñoi rami.

SALMOS 143:6

Amopüa chepo ndekotɨ, roeka, ɨvɨ otini yae vae oeka ɨ rami.

SALMOS 42:2

Cheɨuve yae rami ndekotɨ cheTumpa, nde, cheTumpa oikove vae. ¿Kërai yave ra aïta cheTumpa jóvai?

SALMOS 63:1

¡CheRu Tumpa, nde ko jae cheTumpa! Ndei köe mbove roekata, echa cheɨuve yae rami nderé, cherete etei ndereeka, ɨvɨ otini jare ɨ mbaetɨa pe rami.

PROVERBIOS 1:20

Oka guasu reta rupi jare kaye reta rupi arakuaa osapúkai.

PROVERBIOS 8:1

Arakuaa osapúkai; arakuaa katu iñeeäta.

PROVERBIOS 8:17

Che aɨu cheraɨu vae reta, jare chereeka voi vae reta cheväe.

PROVERBIOS 8:3

öke reta iyɨke pe, tëta guasu jöke pe, oñemoñee, jei:

PROVERBIOS 9:3

jare omondo jembiokuai kuña reta osapúkai vaerä, tëta guasu pe ɨvate yaea güi,

CANTARES 5:1

Che ayu cheko raɨ pe, chereindɨ, chemenda ïrurä vae. Aipɨɨ chembae mirra jare ikäti kavi vae, jau ei jenda güi, jau vino jare neche. Pe peyoaɨu vae, peu pepuere rupi.

ISAÍAS 12:3

Peuta ɨ peyerovia reve, jókuae ɨesaɨ mboromboasayepe pegua güi.

ISAÍAS 40:2

pemiari kavi mboroaɨu ndive Jerusalén ndive; pesapúkai reve pere chupe, kërai oiporara vae iyapɨta ma, iyoa re cheɨ̈ro ma chupe; echa aiporarauka yae ma chupe reta, opaete iyoa reta re.”

ISAÍAS 40:6

Ñeeäta oyeendu vae jei: “Esapúkai.” Jare che aparandu chupe: “¿Mbae pa jaeta asapúkai?” Esapúkai körai: “¡Opaete kuimbae reta ñana rami ko, opaete iyemboetea mbaepotɨ ñana rupigua rami ko!

ISAÍAS 44:3

echa amoëta ɨ ñuu rupi, jare ɨ̈aka reta, ɨvɨ otini vae rupi. Ameeta tekove neñemuña reta pe, cheporerekuata jese reta.

ISAÍAS 55:1

Opaete iɨuve vae reta: Peyu peɨu; jare mbaetɨ ikorepoti vae reta, peyu jare pekaru. Peyu, peraja pekorepotimbae reve jare jepɨmbae reve, vino jare neche.

ISAÍAS 55:3

Pemboɨke peapɨsa, peyeapɨsaka, peyu chekotɨ jare peikoveta; jare ayapota pe reta ndive, morogüɨrökuavee päve opambae, mboroparareko jekuae avei pegua David pe ayapo vae.

ISAÍAS 58:1

YandeYa jei cheve: “Esapúkai täta, reipoɨumbae reve, neñeeäta mimbɨguasu iñee rami; emboeta chembae vae reta Jacob iñemuña reta pe, ipɨapochɨ re jare iyoa re.

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

JEREMÍAS 2:2

“Ekua nemiari tëta guasu Jerusalén pe, ere: ‘¡Körai jei yandeYa! Chemaendúa ndetaɨrusu yave, reiko jupi rupi cheróvai vae re, cheraɨu, omenda ramo vae ime oaɨu yae rami, reguatase che ndive ñuu rupi, jókuae ɨvɨ mbaetɨ etei oñemaetɨa pe.’

EZEQUIEL 47:9

Kuae mókoi ɨ̈aka ojo oväea rupi oñemuña jevae ɨ rupigua; oimeta jeta yeyé jevae ɨ rupigua, kuae ɨ oväe joko pe jeko pegua, echa ɨ kavi opata ombokavi ɨ ikavimbae, jare oikoveta opaete kuae ɨ̈aka pe oike vae.

LEVÍTICO 23:36

Chiu ara pemee mbota oyeapɨ vae cheve; jare juría ara pe peyapo yemboatɨ mbaemboete pegua, jare pemee mbota oyeapɨ vae cheve; arete ko, agüɨye mbae nunga mbaravɨkɨ ipoɨgüe peyapo.

LEVÍTICO 23:39

Ërei jókuae chiúa yasɨ, quince ara pe, opa ma pemboɨru pembaagüɨye reta yave, peyapo arete cheve, tenondegua ara toiko mbutuu pegua jare juría ara toiko vi mbutuu pegua.

MIQUEAS 6:9

YandeYa ombou iñee tëta guasu pe; iyarakuaa katu ko nderee güi oipoɨu vae. “Peyeapɨsaka peï mbae outa vae re, jökorai vi jókuae iñee ombou vae re.

ZACARÍAS 9:15

YandeYa Imbaepuere yae ete vae oyangarekota imbae vae re Jae reta opɨ̈rota ita tamamboka pegua re. Omboaita jovaicho jare oɨuta jugüɨ re vino re rami jare mbaerɨru tɨnɨe rami jɨ̈vɨatata, ani mɨmba oyeyuka oyeapɨ jese vae regua guakarätiecha vae rami.

NÚMEROS 29:35

Ara juría pe penoi yemboatɨ ikavi yae vae Tumpa peguarä; jókuae ara agüɨye peyapo mbae nunga mbaravɨkɨ ave.

San Mateo 11:28

Opaete peyemoambeko jare pepɨatɨtɨ peiko vae reta, peyu chekotɨ. Jare che pomombutuuta.

San Mateo 3:3

Ñeemombeúa Isaías jese imiari arakae, jei yave: “Jae iñeeäta reve jeita ñuu pe: ‘Peyapo kavi yandeYa japerä. Pembosɨmbi japerä.’ ”

San Mateo 5:6

Oyerovia ko yɨmbɨaɨ jare iɨuve rami mbaejupi re vae reta. Echa Tumpa omeeta chupe reta.

San Juan 1:23

Jayave Juan jei: —Che ko jae metei ñuu pe asapúkai reve jae vae: “Pembosɨmbi yandeYa japerä.” Ñeemombeúa Isaías jei rami.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 4:10

Jayave Jesús jei kuña pe: —Nde reikuaa yave mona Tumpa omee vae jare kia ko ɨ oiporu oï ndeve vae yave, nde reiporuta tëi ko cheve jare che ameeta tëi ko ndeve ɨ tekove omee vae.

San Juan 4:11

Jayave kuña jei Jesús pe: —CheYa, nde mbaetɨ mbae renoi ɨ renoe pɨpe vaerä, jare kuae ɨkua kɨ̈pe yae. ¿Kia güi pa reruta jókuae ɨ tekove omee vae?

San Juan 4:14

Ërei che ameeta jou ɨ vae, ngaraa etei iɨuve ye. Echa jókuae ɨ che ameeta chupe vae, oyeapota iyɨvɨte pe metei ɨkua jesaɨ vae rami, tekove opambae vae peguarä.

San Juan 5:40

Ërei mbaetɨ peipota peyu chekotɨ penoi vaerä jókuae tekove.

San Juan 6:35

Jesús jei chupe reta: —Che ko jae mbɨyape tekove pegua. Oipotagüe ou chekotɨ vae ngaraa ye ma iyɨmbɨaɨ; jare oipotagüe cheré güɨrovia vae ngaraa ye ma iɨuve.

San Juan 6:37

Opaete cheRu omee cheve vae reta yogüeruta chekotɨ; jare oipotagüe ou chekotɨ vae ngaraa amombo.

San Juan 6:55

Echa cherete jare cherugüɨ tembíu añetete vae ko.

San Juan 7:28

Jáeramo Jesús oporomboe tupao pe oï yave, iñeeäta reve jei: —Pe reta chekuaa ko, jare peikuaa ko ketɨ güi ayu vae. Ërei mbaetɨ ko ayu cheyeugüi aeño. Echa chembou vae añetete vae ko, pe reta mbaetɨ peikuaa vae.

1 Corintios 10:21

Mbaetɨ ko jaekavi peu vino oyembojaanga yandeYa jugüɨ re vae jare vi vino aña reta pe oñemee vae. Jaeramiño mbaetɨ ko jaekavi peu mbɨyape oyembojaanga yandeYa jete re vae jare vi soo aña reta pe oñemee vae.

1 Corintios 10:4

Jare opaete vae oɨu Espíritu pegua. Jare oɨu reta jókuae ita guasu Espíritu pegua jupíe reta oiko vae güi. Jare jókuae ita guasu jae ko Cristo ko.

1 Corintios 11:25

Jaeramiño vi yandeYa oipɨɨ kopa opa ma okaru reta yave, jei reve: “Kuae vino ko jae morogüɨrökuavee päve ipɨau vae cherugüɨ pe ayapo vae, kuae peu ñavo, peyapo pemaendúa reve cheré.”

1 Corintios 12:13

echa metei Espíritu Santo rupi yayembobautisa opaete, Cristo jete yayeapo vaerä. Judío reta ani judiombae vae reta, tembiokuai ani tembiokuaimbae vae reta. Jare opaete vae yaɨu metei vae Espíritu Santo güi.

Efesios 5:18

Agüɨye peyembosavaɨpo, echa jókuae reta oyapo jeta mbae ikavimbae vae. Ërei pemaeño Espíritu Santo re omotɨnɨe vaerä pepɨa.

Apocalipsis 21:6

Jare jei vi cheve: “Oyeapo ma. Che ko jae Alfa jare Omega, iyɨpɨ ete jare iyapɨ ete. Kia iɨuve vae, che ameeiñota jepɨmbae jou ɨesaɨ tekove pegua güi.”

Apocalipsis 22:1

Jayave araɨgua oechauka cheve ɨ̈aka ikɨambae ɨ tekove pegua, jësakaasɨ vidrio rami, oë Tumpa jare Vecha kuimbae taɨrusu vae iguapɨa güi.

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.