San Juan 7:35 - Biblia Guarani Tumpa Iñee

³⁵ Jayave judío reta jei oyoupe: —¿Ketɨ ra ojota kuae kuimbae mbaetɨ vaerä ñaväe chupe? ¿Ojota ra judío reta tëta ambuae rupi ñogüɨnoia pe? ¿Ojota ra omboe judiombae vae reta?

Nuevo Testamento Guaraní Pe

³⁵ Jayave judío reta jei oyoupe: —¿Quetɨ ra ojota cuae cuimbae agüɨye vaera ñavae chupe? Ojota ndipo judío reta judío mbae vae reta ipɨte rupi oñemoai vae pɨri. Omboeta ndipo judío mbae vae reta.

San Juan 7:35 Iomraidhean Croise

SALMOS 147:2

YandeYa omopüa pɨau ye Jerusalén; güeru yeta Israel iñemuña reta opa iɨvɨ güi oyererajagüe.

ISAÍAS 11:10

Jare jókuae ara Ɨvɨraɨpɨ rami vae Isaí güi oëta metei jokɨ, jae oñeñonota metei bandera rami opaete vae reta peguarä, opaete vae reta oekata; jare jëta jërakua yaeta.

ISAÍAS 11:12

Omopüata bandera opaete tëtaguasu reta peguarä, omboatɨta peɨvɨ Israel güi oyemombogüe reta, omboatɨta Judá pegua reta opa oñemoai ñogüɨnoi mombɨrɨ ara igüɨ kotɨ rupi vae.

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 56:8

Che peYa Tumpa, Israel iñemuña reta opa oñemoai moai ñogüɨnoi vae reta omboatɨ vae, jae körai: Amboatɨ ye ñotai ïru tëta reta rupi oñemoai ñogüɨnoi vae.”

SOFONÍAS 3:10

Ɨvɨ Etiopía pegua ɨ̈aka reta kutɨ jovaicho kotɨ güi tëta chembae vae opa oñemoai moai ñogüɨnoi vae güeru retata cheve mbota.

San Mateo 12:21

Jare jae jee re judiombae vae reta güɨroviata.”

San Lucas 2:32

Jae ko tembipe ramita judiombae vae reta pe. Jare ndembae vae Israel pegua reta iyemboetearä.”

San Juan 12:20

Yogüeru arete Pascua pe ombaemboete vae reta ipɨte pe ñogüɨnoi amogüe Greciaɨgua reta.

San Juan 7:1

Kuae jaɨkue rupi Jesús ojo ɨvɨ Galilea pe. Mbaetɨ ojo Judea pe. Echa judío reta oipota oyuka.

San Juan 8:22

Jayave judío reta jei: —¿Oyeyukata ra? Echa jei: “Pe reta ngaraa pepuere peo che ajataa pe.”

Hechos 11:18

Jayave Pedro jei chupe reta vae oendu yave, mbaetɨ mbae jei reta, jare omboete reta Tumpa, jei reta: —¡Tumpa omee vi yepe judiombae vae reta pe oeya vaerä iyemongeta ikavimbae vae ipɨa pe oï vae, güɨnoi vaerä tekove opambae vae!

Hechos 11:20

Ërei jae reta ipɨte pe ñogüɨnoi amogüe kuimbae Chipre jare Cirene pegua. Kuae reta oike Antioquía pe, imiari vi judiombae vae reta pe, omoërakua ñee ikavi vae yandeYa Jesús regua.

Hechos 14:1

Jare Iconio pe Pablo jare Bernabé oike päve judío reta itupao pe, jare imiari reta joko pe ñogüɨnoi vae reta pe. Jare jeta judío reta jare judiombae vae reta oporogüɨrovia.

Hechos 17:4

Jayave amogüe güɨrovia, jare oñemoïru Pablo jare Silas ndive. Güɨrovia vi jeta griego Tumpa omboete vae reta, jare jeta kuña imboetea yae vae reta vi.

Hechos 18:4

Ara mbutuu ñavo Pablo oyoaka judío reta itupao pe. Kuae oyapo, judío reta jare judiombae vae reta güɨroviauka vaerä.

Hechos 21:21

Ërei jërakua chupe reta kërai nde remboe opaete judío reta ñogüɨnoi judiombae vae reta ipɨte rupi vae agüɨye vaerä oyapo Moisés iporookuai. Echa jërakua kërai nde rere chupe reta agüɨye vaerä ombocircuncidauka taɨ reta, jare agüɨye vaerä oyapo yande yayapoñoi vae.

Hechos 22:21

Jayave jae jei cheve: ‘Ekua. Echa che romondota mombɨrɨ judiombae vae reta kotɨ.’ ”

Romanos 1:16

Mbaetɨ aromara ñee ikavi vae. Echa Tumpa imbaepuere ko, opaete güɨrovia vae reta güɨnoi vaerä yemboasa. Tenonde ete judío reta, jaɨkue rupi judiombae vae reta.

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Colosenses 1:27

Echa Tumpa ikɨ̈reɨ oikuaauka chupe reta kërai kuae yaikuaambae vae iyemboetea tuicha yae judiombae vae reta peguarä vae; jae ko Cristo oiko pepɨa pe vae, jese peäro mbaemboetea vae.

1 Timoteo 2:7

Jare yandeYa cheparavo amombeu vaerä kuae regua. Jae cheapo jemimondorä, amboe vaerä judiombae vae reta mborogüɨrovia re jare añete vae re. Kuae che jae peve vae añete vae ko. Cristo jee re mbaetɨ ko cheapu.

2 Timoteo 1:11

Jokuaerä Tumpa cheparavo amoërakua vaerä, temimondorä jare amboe vaerä judiombae vae reta.

Santiago 1:1

Che ko Santiago, Tumpa jare yandeYa Jesucristo jembiokuai. Amondo tamaraeme doce ñemuña Israel pegua reta oñemoai ñogüɨnoi vae pe.

1 Pedro 1:1

Che Pedro, Jesucristo jemimondo. Aikuatía aï kuae tupapire opaete Israel pegua Ponto, Galacia, Capadocia, Asia jare Bitinia rupi mombɨrɨ perëtaguasu güi peñemoai peï vae reta pe;