San Juan 7:17 - Biblia Guarani Tumpa Iñee

¹⁷ Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

Nuevo Testamento Guaraní Pe

¹⁷ Oipotagüe Tumpa jemimbota oipota oyapo vae oicuaata cheporomboe Tumpa iporomboe co. Oicuaata mbaeti co chembae aeño —jei—.

San Juan 7:17 Iomraidhean Croise

SALMOS 119:10

Opaete chepɨa ndive roeka, agüɨye emaeño tapia ndeporookuai reta güi.

SALMOS 25:12

Kuimbae oipoɨu ndegüi vae, nde remboeta kërai oiko vaerä.

SALMOS 25:14

YandeYa oï oipoɨu chugüi reta vae ndive, chupe reta oechaukata iporogüɨrökuavee päve.

PROVERBIOS 28:5

Kuimbae jeko kavimbae reta mbaetɨ etei oikuaa ikavi vae regua, ërei yandeYa reño oyeko vae reta oikuaa opaete mbaembae.

PROVERBIOS 3:32

echa yandeYa güɨröɨro ipɨapochɨ vae, ërei oï jupi vae reta ndive.

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

DANIEL 12:10

Jeta vae reta oyetɨota, oñemotïiasɨta jare oñeñono teeta; jare iyoa vae reta jeieteñota oyapo mbaeyoa, metei ave iyoa vae reta ngaraa oikuaa, ërei yarakuaa katu vae reta oikuaata.

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

MIQUEAS 4:2

Jeta vae tëtaguasu reta yogüeruta, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä jemimbota re, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

San Mateo 6:22

Yanderesa ko tembipe rami yanderete peguarä. Jayave, nderesa ikavi yave, nderete tɨnɨeta tembipe pe.

San Lucas 8:15

Ërei jókuae temitɨ oa ɨvɨ kavi pe vae oyembojaanga Tumpa iñee oendu vae re. Kuae reta oyeapɨsaka Tumpa iñee re ipɨa kavi jare sɨmbi rupi kavi, jare oyapo Tumpa iñee jei oyapo vaerä vae. Jáeramo jae reta temitɨ ia avei vae rami ko.

San Juan 3:21

Ërei añete pegua rupi oiko vae ou tembipe pe, ïru vae reta oikuaa vaerä jembiapo reta oyapo ko Tumpa jemimbota rupi kavi.

San Juan 8:43

¿Maera pa mbaetɨ peikuaa amombeu peve vae? Echa mbaetɨ peipota peyeapɨsaka cheñee re. Jáeramo mbaetɨ peikuaa.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

San Juan 8:47

Tumpa taɨ reta oyeapɨsaka jae iñee re. Pe reta Tumpa taɨä ko. Jáeramo peipotaä peyeapɨsaka jese.

Hechos 17:11

Jare joko pegua judío reta iyarakuaa yae Tesalónica pegua reta güi. Ikɨ̈reɨ ngatu reve oyeapɨsaka Tumpa iñee re, jare ara ñavo omongeta kavi Tumpaa Iñee, oikuaa vaerä añete ra Pablo jei vae.