San Juan 7:15 - Biblia Guarani Tumpa Iñee

¹⁵ Jare judío reta ipɨakañɨ, jare jei reta: —¿Kërai pa kuae kuimbae oikuaa jeta mbaembae oyemboembae reve?

Nuevo Testamento Guaraní Pe

¹⁵ Jare judío reta ipɨacañɨ. —¿Quirai ra jeta oicuaa cuae cuimbae mbaeti mbaembae re oñemboe vae? —jei reta.

San Juan 7:15 Iomraidhean Croise

ISAÍAS 29:12

Ani oñemee yave mbaetɨ oikuaa ambaemongeta vae pe, amongeta vaerä, jae jei: “Mbaetɨ aikuaa ombaemongeta.”

San Mateo 13:54

Jare ojo oväe iɨvɨ pe yave, oporomboe judío reta itupao pe, jare oyeapɨsaka jese vae reta ipɨakañɨ jare jei: —¿Kia pe ra oväe kuae kuimbae iyarakuaa yae vaerä?, jare ¿mɨakañɨ reta oyapo vaerä?

San Mateo 22:22

Kuae oendu reta yave, ipɨakañɨ yae reta jese. Jare oeya reta Jesús, opa yogüɨraja.

San Mateo 22:33

Jare jeta vae reta kuae oendu yave, ipɨakañɨ Jesús iporomboe re.

San Lucas 2:47

Jare opaete oyeapɨsaka jese vae reta, ipɨakañɨ iyarakuaa katu re jare mbarandu omombeu vae re.

San Lucas 4:22

Jare opaete joko pe ñogüɨnoi vae reta imiari kavi jese. Echa ipɨakañɨ reta ñee ikavigüe jei vae re, jei reta: —¿Jaeä yera kuae José taɨ?

San Juan 1:19

Kuae ko jae Juan omombeu vae, judío reta Jerusalén pegua omondo yave sacerdote reta jare levita reta oparandu vaerä chupe, kia ra jae vae.

San Juan 7:11

Jare judío reta itenondegua reta oeka tëi Jesús aretea pe, jei reve: —¿Jama pa jókuae kuimbae?

San Juan 7:13

Ërei itenondegua reta güi oipoɨu jeko pegua mbaetɨ metei ave imiari jese oipoɨumbae reve opaete vae reta jóvai.

San Juan 7:46

Jembiokuai reta jei: —¡Echa mbaetɨi kia imiari jókuae kuimbae imiari rami!

Hechos 26:24

Jare Pablo jökorai oñemoe iyé yave, Festo iñeeäta reve jei: —¡Ndembokere ma Pablo! ¡Jeta yae reyemboe vae ndemombokere ma!

Hechos 4:13

Jayave oecha reta yave kërai Pedro jare Juan okɨɨyembae reve imiari, jare oikuaa reta mbaetɨ ko oyemboe vae. Ipɨakañɨ yae jese reta, jare oikuaa reta Jesús jemimboe ko vae.

1 SAMUEL 10:11

Jare opaete tenonde rupi oikuaa Saúl vae reta oecha omombeu Tumpa iñee, ñeemombeúa reta ndive yave, tëta pegua reta oparandu yoyavi oyoupe, jei reta: “¿Maratu ra oiko Cis taɨ? ¿Saúl vi yera Tumpa iñeemombeúa?”