San Juan 6:57 - Biblia Guarani Tumpa Iñee

⁵⁷ CheRu oikove vae ko chembou, jare che aikove jese. Jökoraiño vi jókuae cherete jou vae oikoveta cherupi.

Nuevo Testamento Guaraní Pe

⁵⁷ CheRu güɨnoi tecove opa mbae vae jare jae chembou, jare che anoi tecove opa mbae vae cheRu güi. Jae ramiño vi jocuae cherete jou vae güɨnoita tecove opa mbae vae chegüi —jei chupe reta—.

San Juan 6:57 Iomraidhean Croise

SALMOS 18:46

¡Toyemboete yandeYa! ¡Toyemboeteuka ita guasu cheñepɨ̈roa! ¡Toyembotuicha cheTumpa chereroasayepe vae!

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

San Mateo 16:16

Jayave Simón Pedro jei chupe: —Nde ko jae Cristo, Tumpa oikove vae Taɨ.

San Juan 14:19

Michi peguaño ma ɨvɨ pegua reta chereechata. Ngaraa ma chereecha ye. Ërei pe reta chereecha yeta. Che aikove ramo, pe reta peikoveta vi.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 17:21

Ayerure ndeve opaete jae reta yogüɨreko vaerä metei ramiño. Nde cheRu Tumpa, reiko che ndive meteiño, jare che nde ndive. Jaeramiño vi jae reta toyogüɨreko metei ramiño vi yande ndive, ɨvɨ pegua reta güɨrovia vaerä nde ko chembou vae.

San Juan 3:17

Tumpa mbaetɨ ko ombou Taɨ ojäa vaerä ɨvɨ pegua reta, ombou ko ɨvɨ pegua reta oyemboasauka vaerä.

San Juan 5:26

Echa cheRu güɨnoi tekove iyé etei. Jaeramiño vi omee cheve anoi vaerä tekove cheyé etei.

San Juan 6:29

Jayave Jesús jei: —Tumpa oipota peyapo vae jae ko, perovia vaerä cheré. Echa jae ko chembou.

San Juan 6:38

Echa agüeyɨ ara güi ayapo vaerä chembou vae jemimbota. Mbaetɨ ayu ayapo vaerä cheremimbota.

1 Corintios 15:22

Echa Adán rupi opaete vae omano, jökorai vi Cristo re opaete vae oikoveta.

1 Corintios 15:45

Echa oyekuatía oï körai: “Tumpa omee tekove kuimbae tenondegua Adán pe.” Ërei Adán taɨkuegua vae ko tekove omee vae.

2 Corintios 13:4

Echa yepe tëi Cristo imbaepuerembae rami oyekutu kurusu re, ërei oikove ye Tumpa imbaepuere rupi. Jaeramiño vi ore etei mbaetɨ mbaepuere rogüɨnoi, ërei roikove yeta Cristo rupi Tumpa imbaepuere rupi, royeokuai vaerä peve.

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

1 Tesalonicenses 1:9

Echa jae reta etei omombeu ïru vae reta pe kërai ore rojo perëta pe yave kërai oremboresive vae re, jare kërai peeya tumpa-raanga reta jare peyerova Tumpa kotɨ, peyeokuai vaerä Tumpa oikove vae jare añetete vae kotɨ,

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

1 Juan 4:9

Kuae re ko oyekuaa Tumpa iporoaɨu yande kotɨ, kërai jae ombou Taɨ jaevaeño ɨvɨ pe, yande ñanoi vaerä tekove.