San Juan 6:39 - Biblia Guarani Tumpa Iñee

³⁹ Jare cheRu chembou vae jemimbota ko jae, mbaetɨ vaerä amokañɨ metei ave jae omee cheve vae reta, jare amoingove ye vaerä omanogüe vae ara taɨkuegua pe.

Nuevo Testamento Guaraní Pe

³⁹ Ngaraa amocañɨ metei ave opaete cheRu omee ma cheve vae reta güi. Echa amoingove yeta aru omanogüe vae reta ipɨte güi ara taɨcuegua pe. Cuae oipota chembou vae —jei—.

San Juan 6:39 Iomraidhean Croise

JEREMÍAS 23:4

Jare maangarekoa reta añonota oyangareko vaerä jese reta; jare ngaraa ye ma oipoɨu jare okɨɨye reta, ngaraa etei ma vi okañɨ reta. Che ndeYa ko jae kuae.”

San Mateo 10:15

Añete che jae peve, Tumpa ojäa yave ɨvɨ pegua reta, jókuae tëta guasu pegua reta oiporara yaeta Sodoma jare Gomorra pegua reta oiporara vae güi.

San Mateo 18:14

Jökorai ko peRu ara pe oï vae, mbaetɨ oipota kuae oporogüɨrovia ramo vae reta güi, okañɨ metei ave yepe.

San Lucas 12:32

Agüɨye pekɨɨye, pe mbovɨ yae vae reta. Echa Tumpa ipɨa kavi rupi omee peve iporookuaía.

San Juan 12:48

Jókuae chereröɨro jare mbaetɨ oyapo che jae chupe vae, oñejäata ko. Echa ara taɨkuegua pe kuae ñee jae vae ojäata ko.

San Juan 17:12

Che aiko jae reta ndive kuae ɨvɨ pe ramboeve, añovatu nderee re; remee cheve vae reta che añovatu jare mbaetɨ metei ave okañɨtei, jaeño jókuae ojo tai kañɨtei pe vae, Tembikuatía oyembopo vaerä.

San Juan 17:2

Echa nde remee cheve mbaepuere anoi vaerä opaete re, amee vaerä tekove opambae vae opaete nde nemee cheve vae reta pe.

San Juan 17:24

CheRu, aipota kuae remee cheve vae reta yogüɨreko vaerä vi che aikoa pe, oecha vaerä mbaemboetea remee cheve vae. Echa ndei ɨvɨ oyeapo mbove nde cheraɨuño mai.

San Juan 17:6

Amombeu ma nderegua kuae kuimbae reta nde remee cheve kuae oporogüɨroviambae vae reta ipɨte güi vae pe. Jae reta ndembae ko ërei remee cheve. Jae reta oyapo neñee jei vae.

San Juan 17:9

Ayerure ndeve jese reta. Mbaetɨ ayerure oporogüɨroviambae vae reta re. Ayerure ndeve nde remee cheve vae reta re. Echa jae reta ndembae ko.

San Juan 18:9

Kuae jei oyembopo vaerä tenonde yave jei vae: “Mbaetɨ amokañɨ metei ave nde remee cheve vae reta güi.”

San Juan 5:28

Agüɨye pepɨakañɨ kuae re. Echa oväeta ma ora opaete tɨvɨa pe ñogüɨnoi vae reta oendu vaerä cheñee.

San Juan 6:37

Opaete cheRu omee cheve vae reta yogüeruta chekotɨ; jare oipotagüe ou chekotɨ vae ngaraa amombo.

San Juan 6:40

Jare kuae ko jae chembou vae jemimbota: Opaete omae cheré jare güɨrovia cheré vae, güɨnoi vaerä tekove opambae vae; jare che amoingove yeta ara taɨkuegua pe.

San Juan 6:44

Ngaraa kia ou chekotɨ, cheRu chembou vae mbaetɨ güeru chekotɨ yave. Jare che amoingove yeta ara taɨkuegua pe.

San Juan 6:54

Cherete jare cherugüɨ jou vae, güɨnoi tekove opambae vae, jare amoingove yeta ara taɨkuegua vae pe.

Romanos 8:11

Jare Tumpa omoingove ye Jesús omanogüe reta ipɨte güi vae iEspíritu oiko yave pepɨa pe; jae etei ko omeeta tekove perete mano pegua pe, jae iEspíritu oiko peré vae rupi.

1 Corintios 6:14

Tumpa omoingove ye yandeYa vae, yandemoingove yeta vi ko imbaepuere pe.

2 Timoteo 2:19

Ërei Tumpa iñee añete ko, mbaetɨ etei ko oyepoepɨ, echa jei körai: “YandeYa oikuaa imbae reta.” Jare: “Opaete omboete Cristo vae, tosɨrɨ ikavimbae vae güi.”

Santiago 5:15

Jare mborogüɨrovia reve oyerure reta yave, imbaerasɨ vae okuerata ko. Echa yandeYa omopüata ko. Jare imbaerasɨ vae oyapo yave mbaeyoa reta, Tumpa iñɨ̈rota chupe.

1 Pedro 1:5

Imbaepuere pe Tumpa oyangareko oï peré perovia jese ramo, peyemboasauka vaerä jókuae oyekuaata ara taɨkuegua reta pe vae pe.

Judas 1:1

Che Judas, Jacobo tɨvɨ, Jesucristo jembiokuai, aikuatía yandeRu Tumpa oiparavo jare oñeñono tee vae reta pe. Jesucristo re oñeñovatu vae reta pe.

1 SAMUEL 25:29

Yepe tëi amogüe reta oyovaicho nderé jare oipota ndeyuka, ndeYa Tumpa ko oyangareko nderé, jae omombota nderovaicho reta, kia omombo ita tamamboka pe rami.