San Juan 5:46 - Biblia Guarani Tumpa Iñee

⁴⁶ Echa Moisés jembikuatía re perovia yave, chereroviata tëi ko. Echa jae oikuatía ko cheregua.

Nuevo Testamento Guaraní Pe

⁴⁶ Echa Moisés oicuatía vae perovia yave, chereroviata tei co. Echa Moisés oicuatía vae chemombeu —jei—.

San Juan 5:46 Iomraidhean Croise

GÉNESIS 12:3

Cheporerekuata iporerekua nderé vae reta re, ërei ayepopeyuta oyepopeyu nderé vae reta re; nderupi opaete ɨvɨ pegua reta oyekouta.”

GÉNESIS 18:18

echa chugüi oñemuñata tëtaguasu imbaepuere yaeta vae. Jare jese vi opaete tëtaguasu reta ɨvɨ rupigua oyekouta.

GÉNESIS 22:18

Neñemuña rupi outa cheporerekua opaete kuimbae reta ɨvɨ pegua re, nde reyandu cheñee ramo.”

GÉNESIS 28:14

Neñemuña reta jeta yaeta ɨvɨkúi rami, reñemoaita kuaraɨ oikea kotɨ, jare kuaraɨ oëa kotɨ, ɨvɨtuguasu kotɨ jare arayevɨ kotɨ; jare opaete ɨvɨ pegua reta oyekouta nderupi jare neñemuña rupi.

GÉNESIS 3:15

Añonota ñemotareɨ peyokotɨ, peñomotareɨ vaerä kuña ndive, neñemuña ndive jare kuña iñemuña ndive; jae ndembopereta neäka pe, jare nde rembopereta ipɨta pe.

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

San Lucas 24:27

Jayave Jesús omboɨpɨ omombeu kavi chupe reta Moisés jembikuatía reta güive jare opaete ñeemombeúa reta oikuatiagüe, kërai opaete jókuae Tumpa Iñee imiari jese vae.

San Juan 1:45

Jayave Felipe oväe Natanael jare jei chupe: —Roväe jókuae Moisés oikuatía jesegua mborookuai pe vae. Jare ñeemombeúa reta. Jae ko Jesús, José Nazaret pegua taɨ.

San Juan 5:47

Ërei mbaetɨ perovia Moisés oikuatía vae yave, ¿këraita pa cheñee re perovia?”

Hechos 26:22

Ërei Tumpa chemborɨ ramo, oimeño aikove kuae ara. Chemiari michi vae reta pe jare tuichagüe reta pe, mbaetɨ ambuaeyee jae Moisés jare ñeemombeúa reta jei oikota vae re:

Romanos 10:4

Echa Cristo re opa ma oyembopo Moisés iporookuai, opaete oporogüɨrovia vae reta oyembojupiuka vaerä.

Gálatas 2:19

Mborookuai rupi ko che amano, mborookuai peguarä, aikove vaerä Tumpa peguarä.

Gálatas 3:10

Echa opaete oyeko oyembojupi vaerä mborookuai jei vae rupi vae reta, ñogüɨnoi ko yepopeyu igüɨ pe. Echa oyekuatía oï körai: “Tijeko opaete mbaetɨ omboete ani mbaetɨ oyapo kuae mborookuai reta jeigüe vae.”

Gálatas 3:13

Ërei Cristo yandereepɨ ma mborookuai iyepopeyu güi, echa jae oyemboekouka yanderekovia pe. Echa oyekuatía oï körai: “Tijeko ɨvɨra re osagüɨu omano vae.”

Gálatas 3:24

Jáeramo mborookuai yandeangarekoa rami ko, yandereraja vaerä Cristo pe, yandembojupi vaerä mborogüɨrovia rupi.

DEUTERONOMIO 18:15

YandeYa Tumpa omopüata pepɨte güi ñeemombeúa che rami vae, jese peyeapɨsaka jare peyapo jeigüe.