San Juan 5:37 - Biblia Guarani Tumpa Iñee

³⁷ CheRu chembou vae jae etei imiari cheré. Yepe tëi mbaetɨi peendu cheRu iñee ani mbaetɨi peecha jova.

Nuevo Testamento Guaraní Pe

³⁷ CheRu chembou jare jae etei chemombeu. Mbaeti etei peendu cheRu iñee jare mbaeti etei peecha —jei—.

San Juan 5:37 Iomraidhean Croise

ÉXODO 20:19

Jare jei reta Moisés pe: —Ndeño nemiari oreve, jare ore toroendu; ërei agüɨye Tumpa timiari ore ndive, agüɨye vaerä romano.

ISAÍAS 26:10

Yepe tëi renoi mboroparareko jupimbae reta re, ërei jae reta ngaraai omomoe jupi vae, jekuae ñotai ko oyapo reta ikavimbae, isɨmbi vae reta ñogüɨnoia pe, echa mbaetɨ oipoɨu reta ndegüi cheYa.

San Mateo 17:5

Pedro imiari oï ramboeve, amapɨtu jembipe vae omboyasoi reta, jare jókuae amapɨtu güi oyeendu ñee jei: “Kuae ko jae cheRaɨ aaɨu yae vae. Chemboyerovia vae. Peyeapɨsaka jese.”

San Mateo 3:17

Jare oyeendu ñee ara güi jei: “Kuae ko jae cheRaɨ aaɨu yae vae. Chemboyerovia yae vae.”

San Marcos 1:11

Jayave oyeendu ñee ara güi jei: “Nde ko jae cheRaɨ aaɨu yae vae. Chemboyerovia yae vae.”

San Lucas 24:27

Jayave Jesús omboɨpɨ omombeu kavi chupe reta Moisés jembikuatía reta güive jare opaete ñeemombeúa reta oikuatiagüe, kërai opaete jókuae Tumpa Iñee imiari jese vae.

San Lucas 3:22

Jare oyekuaa Espíritu Santo ogüeyɨ Jesús re pɨkasu rami. Jayave oyeendu ñee ara güi, jei: —Nde ko jae cheRaɨ roaɨu yae vae. Chemboyerovia yae vae.

San Juan 1:18

Mbaetɨi kia oecha Tumpa vae. Ërei Tumpa Taɨ jaevaeño vae, oiko jae ndive etei vae oikuaauka yandeve.

San Juan 14:9

Jesús jei chupe: —Ɨma ma aiko pe reta ndive, ¿mbaetɨño pa chekuaa Felipe? Chereecha vae oecha ma ko cheRu. ¿Maera pa rere: “Eechauka oreve ndeRu”?

San Juan 15:24

Mbaetɨ yave mona mbae ayapo ipɨte reta pe mbaetɨi kia oyapo vae, ngaraa tëi teko güɨnoi reta. Ërei jae reta oecha tëi reve chemotareɨ reta jare cheRu oremotareɨ vi.

San Juan 5:32

Ërei ïru ko imiari cheré, jare aikuaa jókuae imiari cheré vae añete ko.

San Juan 6:27

Agüɨye peparavɨkɨ tembíu mbaetɨta ɨma oiko peve vae reño. Ërei peparavɨkɨ tembíu opambae vae pegua re, jae ko tekove opambae che Kuimbaerä ayeapo vae ameeta peve vae. Echa cheRu Tumpa jaerä ko chembou.

San Juan 8:18

Che chemiari cheyé aeño jare cheRu chembou vae imiari vi cheré.

DEUTERONOMIO 4:12

Jare yandeYa imiari peve jókuae tata mbɨte güi. Jare pe reta peendu iñee, ërei, peendu iñee reve mbaetɨ etei iä peecha.

1 Timoteo 1:17

Jáeramo, yamboete yae jekuaekuae avei rupi Mburuvicha guasu opambae vae, omanombae vae, oyeechambae vae, jaeño ko Tumpa yarakuaa yae vae. ¡Amén!

1 Timoteo 6:16

jaeño ete ko omanombae vae, oiko tembipe yaya rapembae jese vae pe, mbaetɨ kia ave oecha vae, jare ngaraai oecha vae. Chupe toñemee mbaemboete jare mbaepuere. ¡Amén!

1 Juan 4:12

Mbaetɨi kia ave oecha Tumpa. Ërei yayoaɨu päve yave, Tumpa oiko yanderé, jare iporoaɨu okuakuaa yanderé.

1 Juan 4:20

Oime yave kia “che aaɨu Tumpa” jei vae, ërei omotareɨ yave iñeïru oporogüɨrovia vae, iyapu yae ko. Echa iñeïru oporogüɨrovia vae oecha etei vae mbaetɨ oaɨu yave, ¿këraita pa oaɨu Tumpa oechambae vae?

1 Juan 5:9

Kuimbae reta omombeu yandeve vae yarovia, ërei Tumpa omombeu yandeve vae ko añetetegüe. Jökorai ko Tumpa omombeu yandeve Taɨ regua vae.