San Juan 5:2 - Biblia Guarani Tumpa Iñee

² Jare oime Jerusalén pe öke Vecha Röke jee vae iyɨpɨ pe metei ɨrɨru tuicha vae ñee hebreo pe Betesda jee vae. Kuae ɨrɨru iyɨ́vɨri rupi oime pandepo korero reta.

Nuevo Testamento Guaraní Pe

² Jare oime Jerusalén pe vecha reta oñemeea jonque iyɨpɨ pe metei ɨ jesaɨ vae tɨpɨ vae hebreo iñee pe Betesda jee vae. Oime cuae ɨ iyɨ́vɨri cinco o-raɨ.

San Juan 5:2 Iomraidhean Croise

NEHEMÍAS 12:39

jare oasa reta öke Efraín jee vae rupi, Ökeɨma rupi jare Pira Röke rupi, maeka Hananeel jee vae rupi, maeka Hamea jee vae rupi, jare öke Vecha Röke rupi; jare yogüɨraja oväe Tembipɨɨrɨru Röke pe.

NEHEMÍAS 3:1

Jayave sacerdote tenondegua Eliasib jare jëtara sacerdote reta ndive omopüa reta ye öke Vecha Röke jee vae. Oñono reta jese ɨvɨra oñeopagüe jare oyapo reta ye öke, omopüa reta ye vi tëta ikësea maeka ɨvate vae Hamea jee vae güive maeka ɨvate vae Hananeel jee vae pe.

NEHEMÍAS 3:32

Jare korepoti pegua mbaravɨkɨ iyapoa, jare omaemee vae reta omopüa ye maeka ɨvate vae ekina pe oï vae güive güɨrajai güɨroväe öke Vecha Röke jee vae pe.

ISAÍAS 22:11

Jókuae tëta guasu ikësea mókoi oyóvai ñogüɨnoi vae ipäu pe peyapo ɨ jɨrurä, jókuae ɨrɨru ñɨma vae kotɨ güi ou vae. Mbaetɨ reve pemboete jókuae iyapoa, arakae yae ma omee vae.

ISAÍAS 22:9

jare peecha David Jëta Guasu ikësea jeta oyeka vae, jare peru ɨ, ɨrɨru ɨvɨkotɨgua güi.

San Juan 19:13

Pilato kuae oendu yave, güɨnoe Jesús jare oguapɨ mburuvicha jenda pe; Enlosado jee vae pe (kuae ko jee Gabata hebreo iñee pe).

San Juan 19:17

Jae oë jare ovoɨ güɨraja ikurusu. Güɨraja reta Jesús Äkagüe-renda jee vae pe. Kuae ko jee Gólgota hebreo iñee pe.

San Juan 19:20

Jare jeta judío reta omongeta kuae oyekuatía oï vae. Echa Jesús oyekutuuka vae köiño oï tëta guasu güi. Jare oyekuatía oï hebreo iñee pe jare griego iñee pe jare latín pe.

San Juan 20:16

Jesús jei chupe: —¡María! María oyerova ikotɨ jare jei chupe: —Raboni (kuae oipota jei: “Oporomboe vae”).

San Juan 5:3

Jókuae korero rupi oyapakua ñogüɨnoi jeta imbaerasɨ vae reta, jesambae vae reta, iköcho vae reta jare jete jëogüe vae reta. Opaete kuae reta oäro ñogüɨnoi ɨ omɨi vae.

San Juan 7:21

Jare Jesús jei chupe reta: —Ayapo metei mbae ara mbutuu pe, jare opaete pe reta pepɨakañɨ jese.

Hechos 21:40

Jare sundaro ruvicha omee Pablo pe imiari vaerä yave, Pablo oyemboɨ yayeupía pe, jare ipo pe omokïrii opaete vae reta yave, Pablo imiari chupe reta ñee hebreo pe, jei:

Apocalipsis 16:16

Jare omboatɨuka reta hebreo iñee pe Armagedón jee vae pe.

Apocalipsis 9:11

Jare jókuae tuku reta juvicha guasu metei araɨgua jókuae ɨvɨkua guasu pe oiko vae ko. Hebreo iñee pe jee Abadón. Griego iñee pe Apolión.