San Juan 5:10 - Biblia Guarani Tumpa Iñee

¹⁰ Jayave judío reta jei kuimbae okuera ma vae pe: —Añave ko, ara mbutuu. Jupiä ko revoɨ vaerä nderupa ara mbutuu pe.

Nuevo Testamento Guaraní Pe

¹⁰ Jayave judío reta jei cuimbae ocuera ma vae pe: —Cuae ara mbutuu iara co. Mbaeti jupi revoɨ vaera nderupa mbutuu iara pe —jei reta.

San Juan 5:10 Iomraidhean Croise

ISAÍAS 58:13

Emboete ara mbutuu pegua, agüɨye eyapo ndeparavɨkɨ cheara oñeñono tee vae pe. Kuae ara ereko, ara yerovia katu pegua, che ndeYa peguarä oñeñono tee jare imboetea yae vae. Emboete, agüɨye eeka nderemimbotaño ani mbae ndeyeupeguaräño.

JEREMÍAS 17:21

Körai jei yandeYa: Ara mbutuu pe agüɨye etei peraja voɨta, Jerusalén jöke rupi ave agüɨye peroike voɨta, peaɨu perekove yave.

JEREMÍAS 17:27

Ërei pe reta mbaetɨ yave peyapo cheporookuai, peñono tee vaerä cheve ara mbutuu, jekuaeño peroike pevoɨta Jerusalén jöke rupi yave, che ayatapɨta jókuae öke reta re, jare opata oapɨ o kavi reta Jerusalén pegua, jare ngaraa kia ipuere ombogüe.’ ”

San Mateo 12:10

Jare joko pe oï metei kuimbae ipo rovaicho tɨpa vae. Jare joko pe ñogüɨnoi vae reta oparandu Jesús pe omboeko vaerä: —¿Jaekavi pa yambogüera vaerä kia ara mbutuu pe?

San Marcos 2:24

Jayave fariseo reta jei Jesús pe: —Mase, ¿maera pa oyapo reta mbaetɨta tëi oyeapo ara mbutuu pe vae?

San Marcos 3:4

Javoi Jesús jei joko pe ñogüɨnoi vae reta pe: —¿Jaekavi pa ara mbutuu reta pe yayapo vaerä ikavi vae ani ikavimbae vae, yaporoepɨ ani yaporoyuka vaerä? Ërei jae reta kïriiño opɨta.

San Lucas 13:14

Ërei judío reta itupao pegua tenondegua iyarasɨ Jesús oporombogüera ara mbutuu pe ramo, jei joko pe ñogüɨnoi vae reta pe: —Ova ara ko oï yaparavɨkɨ vaerä. Peyu jókuae ara reta pe pekuera vaerä. Agüɨye peyu pekuera vaerä ara mbutuu pe.

San Lucas 23:56

Jare yogüɨraja reta tëta pe, oyapokavi reta ikäti kavi vae. Jayave oputuu reta ara mbutuu pe, mborookuai jei rami.

San Lucas 6:2

Jare amogüe fariseo reta jei chupe reta: —¿Maera pa peyapo agüɨyeta tëi peyapo ara mbutuu pe vae?

San Juan 1:19

Kuae ko jae Juan omombeu vae, judío reta Jerusalén pegua omondo yave sacerdote reta jare levita reta oparandu vaerä chupe, kia ra jae vae.

San Juan 5:11

Jókuae kuimbae jei chupe reta: —Kuimbae chembogüera vae ko jei cheve: “Evoɨ nderupa jare eguata.”

San Juan 5:15

Jayave jókuae kuimbae ojo omombeu judío reta pe, Jesús yepe ombogüera vae.

San Juan 5:16

Kuae jeko pegua judío reta oipota oyapo ikavimbae vae Jesús pe. Oipota vi oyuka. Echa jae oyapo amogüe kuae nunga mɨakañɨ reta ara mbutuu pe.

San Juan 7:23

Peporombocircuncida ara mbutuu pe mborookuai Moisés omombeu peve vae mbatɨ peipota peyavɨ ramo. ¿Maera pa pearasɨ chekotɨ ambogüera metei kuimbae jete ara mbutuu pe vae re?

San Juan 9:16

Jayave amogüe fariseo reta jei: —Tumpa güiä ko ou kuae kuimbae. Echa omboeteä ara mbutuu. Ërei ïru fariseo reta jei: —¿Kuimbae iyoa vae oyapota ra kuae nunga mɨakañɨ reta? Jare oyoavɨ reta iyemongeta oyougüi.