San Juan 4:14 - Biblia Guarani Tumpa Iñee

¹⁴ Ërei che ameeta jou ɨ vae, ngaraa etei iɨuve ye. Echa jókuae ɨ che ameeta chupe vae, oyeapota iyɨvɨte pe metei ɨkua jesaɨ vae rami, tekove opambae vae peguarä.

Nuevo Testamento Guaraní Pe

¹⁴ Erei oipotagüe ɨ che ameeta oɨu vae ngaraa ye iyúe —jei—. Echa jocuae ɨ che ameeta chupe vae oyeapota ipɨa pe metei ɨ jesaɨ vae rami. Jecuaeño omeeta chupe tecove opa mbae vae —jei.

San Juan 4:14 Iomraidhean Croise

ISAÍAS 49:10

‘Mbaetɨta peyɨmbɨaɨ ani peɨuve yepe, araku ani kuaraɨ ave mbaetɨta peaporai, echa che poaɨu jare che ko pogüɨroatata, pogüɨrajata ɨesaɨ katuaía rupi.

ISAÍAS 55:1

Opaete iɨuve vae reta: Peyu peɨu; jare mbaetɨ ikorepoti vae reta, peyu jare pekaru. Peyu, peraja pekorepotimbae reve jare jepɨmbae reve, vino jare neche.

ISAÍAS 58:11

YandeYa ndeangareko aveita, mbaetɨ mbaea pe, omeeta nderembiurä, jare nekägüe reta omopɨ̈ratata; reikota ko raɨ oyemboɨu kavi vae rami, ɨesaɨ tɨpambae vae rami.

JEREMÍAS 2:13

Echa tëta chembae vae oyapo mókoi mbae ikavimbae: Chereeya reta, ɨesaɨ osɨrɨ vae rami aï chupe reta vae, jare oyapo reta iyeupe ɨrɨru, ɨrɨru oyeka vae, mbaetɨ ikavi ɨ oñeñovatu pɨpe vaerä vae.

JEREMÍAS 31:25

Echa ameeta jeta okaru kavi jare oɨu, ikangɨ jare ipɨtu vae reta.”

EZEQUIEL 47:9

Kuae mókoi ɨ̈aka ojo oväea rupi oñemuña jevae ɨ rupigua; oimeta jeta yeyé jevae ɨ rupigua, kuae ɨ oväe joko pe jeko pegua, echa ɨ kavi opata ombokavi ɨ ikavimbae, jare oikoveta opaete kuae ɨ̈aka pe oike vae.

LEVÍTICO 11:36

Ërei ngatu ɨesaɨ ani ɨrɨru ɨ oñerenoe chugüi vae mbaetɨta ikɨa. Ërei mɨmba jëogüegüe güɨnoe vae, tikɨa topɨta Tumpa jóvai.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

San Mateo 5:6

Oyerovia ko yɨmbɨaɨ jare iɨuve rami mbaejupi re vae reta. Echa Tumpa omeeta chupe reta.

San Juan 10:10

Imonda vae ou ko oñomi vaerä, oyuka vaerä jare omokañɨtei vaerä. Ërei che ayu ko amee vaerä tekove, jare oime avei vaerä tekove katu.

San Juan 11:26

Jare opaete oikove vɨteri vae cheré güɨrovia vae, ngaraa etei omano. ¿Rerovia pa kuae?

San Juan 4:10

Jayave Jesús jei kuña pe: —Nde reikuaa yave mona Tumpa omee vae jare kia ko ɨ oiporu oï ndeve vae yave, nde reiporuta tëi ko cheve jare che ameeta tëi ko ndeve ɨ tekove omee vae.

San Juan 4:11

Jayave kuña jei Jesús pe: —CheYa, nde mbaetɨ mbae renoi ɨ renoe pɨpe vaerä, jare kuae ɨkua kɨ̈pe yae. ¿Kia güi pa reruta jókuae ɨ tekove omee vae?

San Juan 4:13

Jesús jei chupe: —Oipotagüe kuae ɨ jou vae iɨuve yeta ko.

San Juan 4:36

Jare ombaarɨvo vae pe oyemboepɨ; oarɨvo tekove opambae vae peguarä, omaetɨ vae jare ombaarɨvo vae oyerovia päve vaerä.

San Juan 6:27

Agüɨye peparavɨkɨ tembíu mbaetɨta ɨma oiko peve vae reño. Ërei peparavɨkɨ tembíu opambae vae pegua re, jae ko tekove opambae che Kuimbaerä ayeapo vae ameeta peve vae. Echa cheRu Tumpa jaerä ko chembou.

San Juan 6:35

Jesús jei chupe reta: —Che ko jae mbɨyape tekove pegua. Oipotagüe ou chekotɨ vae ngaraa ye ma iyɨmbɨaɨ; jare oipotagüe cheré güɨrovia vae ngaraa ye ma iɨuve.

San Juan 6:58

Che ko jae mbɨyape ara güi ou vae. Kuae mbɨyape mbaetɨ ko maná peñemuñagüe reta jou ñuu pe vae rami, echa jeseve jae reta opa omano. Ërei oipotagüe kuae mbɨyape jou vae, oikoveta jekuae avei pegua.

San Juan 7:37

Jókuae ara ma arete opata yave, arete tuichagüe jare ikavi yae vae pe, Jesús oyemboɨ jare iñeeäta reve jei: —Oime yave kia iɨuve vae, tou chekotɨ jare toɨu.

Romanos 5:21

Mbaeyoa güɨnoi mbaepuere opaete vae re mano peguarä, jökorai Tumpa ipɨakavi güɨnoi mbaepuere yanderé yandembojupi vaerä, tekove opambae vae peguarä yandeYa Jesucristo rupi.

Romanos 6:23

Echa mbaeyoa jekovia ko mano. Ërei Tumpa omee mbota yandeve vae ko tekove opambae vae yandeYa Cristo Jesús re.

2 Corintios 1:22

jare jae ñanemokañɨmaa Espíritu Santo pe, oñono yandepɨa pe Espíritu Santo jae ko oikuaauka jae imbae ete ko yande vae.

Efesios 4:30

Agüɨye pembopɨatɨtɨ Tumpa iEspíritu Santo. Echa pɨpe Tumpa ñanemokañɨmaa yandereraja ete regua.

1 Pedro 1:22

Perovia añete vae ramo pepɨa oyetɨo Espíritu Santo rupi, añetete peyoaɨu yae vaerä. Peyoaɨu opaete vae pepɨa jupi reve.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

Apocalipsis 7:16

Ngaraa ye ma iyɨmbɨaɨ ani iɨuve reta, ani jasɨ chupe reta kuaraɨ, ani araku chupe reta;

Apocalipsis 7:17

echa Vecha kuimbae taɨrusu vae jókuae guapɨa mbɨte pe oï vae oyangarekota jese reta jare güɨrajata omboɨu ɨ tekove pegua pe, jare Tumpa oyoeta jesaɨ chugüi reta.’ ”