San Juan 3:5 - Biblia Guarani Tumpa Iñee

⁵ Jesús jei chupe: —Añetete che jae ndeve, mbaetɨ kia oa pɨau ye ɨ rupi jare Espíritu rupi vae ngaraa oike Tumpa iporookuaía pe.

Nuevo Testamento Guaraní Pe

⁵ Jesús jei ye chupe: —Añete che jae ndeve, oime yave quia oipota oico Tumpa iporoocuaia pe vae, güɨnoita rani co tecove ipɨau vae ɨ jare Espíritu Santo rupi —jei—.

San Juan 3:5 Iomraidhean Croise

San Mateo 18:3

Jare jei: —Añete che jae peve, mbaetɨ yave peyeapo jare peiko michia reta rami, ngaraa peike araɨgua mborookuaía pe.

San Mateo 19:24

Che jae ye peve, yavai yae ko oikokatu vae oike vaerä Tumpa iporookuaía pe, yuu jesakua rupi camello oasa vae güi.

San Mateo 21:31

¿Kia nunga pa kuae mókoi vae güi oyapo tu jei vae? Jayave jae reta jei chupe: —Jókuae tenonde tu oyókuai vae. Jayave Jesús jei chupe reta: —Añete che jae peve, mburuvicha peguarä okovara vae reta jare kuña iyaguasa pota vae reta jae reta räri oiketa pegüi Tumpa iporookuaía pe.

San Mateo 28:19

Jáeramo pekua pemboe opaete tëtaguasu pegua reta cheremimboerä, jare pembobautisa cheRu jee re, cheree re jare Espíritu Santo jee re.

San Mateo 3:11

Añete che pombobautisa ɨ pe peeya vaerä peyemongeta ikavimbae vae pepɨa pe penoi vae. Ërei cheraɨkue rupi outa imbaepuere yae chegüi vae. Mbaetɨ jupi ipɨapaa araja vaerä ave Jae pembobautisata Espíritu Santo pe jare tata pe.

San Mateo 5:20

Echa che jae peve, mbaetɨ peyapɨraa peyapo jupi yae vae, mborookuai re oporomboe vae reta jare fariseo reta oyapo vae güi yave, ngaraa etei peike araɨgua mborookuaía pe.

San Marcos 10:14

Jesús kuae oecha yave, pochɨ jemimboe reta pe, jare jei chupe reta: —Pemaeño michia reta re yogüeru vaerä chekotɨ. Agüɨye peyopia. Echa kuae nunga reta ko yogüɨreko Tumpa iporookuaía pe.

San Marcos 16:16

Güɨrovia vae jare oyembobautisauka vae oyemboasaukata ko. Ërei jókuae mbaetɨ güɨrovia vae okañɨteita ko.

San Marcos 9:47

Jaeramiño vi nderesa jovaicho oyapouka yave mbaeyoa ndeve, eekɨ ndeyeugüi. Jaekaviño ko reiko vaerä Tumpa iporookuaía pe nderesa jovaichombae reve, tata guasu pe mókoi nderesa reve reo vaerägüe güi.

San Lucas 13:24

—Peñemomɨ̈rata peike vaerä öke ipɨmii vae rupi. Echa che jae peve, jeta vae oipota tëita oike, ërei ngaraa ipuere.

San Lucas 13:3

Che jae peve, jökoraiä ko. Pe reta mbaetɨ peeya yave peyemongeta ikavimbae vae pepɨa pe oï vae, pekañɨteita vi ko.

San Lucas 13:5

Che jae peve, jökoraiä ko. Pe reta mbaetɨ peeya yave peyemongeta ikavimbae vae pepɨa pe oï vae, pekañɨteita vi ko.”

San Juan 1:13

Tumpa etei kuae oyapo, mbaetɨ ou reta ichɨ ani tu rupi, jaeño ou Tumpa jemimbota rupi.

San Juan 3:3

Jesús jei Nicodemo pe: —Añetete che jae ndeve, mbaetɨ kia oa pɨau ye vae, ngaraa ipuere oecha Tumpa iporookuaía.

San Juan 3:4

Nicodemo jei: —¿Këraita pa ipuere metei kuimbae indechi vae oa pɨau ye? ¿Ipuere yera oike ye ichɨ jɨe pe oa ye vaerä?

Hechos 2:38

Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

Romanos 14:17

Echa Tumpa iporookuaía mbaetɨ ko mbae jau vae, jae ko jupi vae, mbɨakatu jare yerovia katu Espíritu Santo rupi.

Romanos 8:2

Echa mborookuai tekove pegua Espíritu Santo omee Cristo Jesús rupi vae, cheyora ma mbaeyoa imbaepuere güi jare mano güi.

1 Corintios 15:50

Cherɨvɨ reta ërei kuae jae peve: Yanderete ɨvɨ pegua ngaraa oike Tumpa iporookuaía pe. Jaeramiño vi mbae oikomegua vae ngaraa oike oikomeguambae oïa pe.

1 Corintios 2:12

Jare yande mbaetɨ yamboresive espíritu kuae ɨvɨ pegua. Jaeño Espíritu Santo Tumpa güi ou vae, yaikuaa vaerä mbaembae Tumpa omee yandeve vae.

1 Corintios 6:11

Jökorai ko pe reta yepi. Ërei peyetɨouka ma, peñeñono teeuka ma, peyembojupiuka ma yandeYa Jesús jee re jare yandeRu Tumpa iEspíritu rupi.

Gálatas 6:15

Echa Cristo Jesús re mbaeä ko yayembocircuncidauka vae ani mbaetɨ vae. Ikavi vae jae ko ñanoi vaerä tekove ipɨau vae.

Efesios 5:26

oñono tee vaerä iyeupeguarä, jare oyoe vaerä iñee rupi, ɨ pe mbae yayoe vae rami;

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.

1 Pedro 3:21

Jókuae ɨ ombojaanga añave pe reta peyemboasauka peyembobautisauka yave Jesucristo oikove ye ou omanogüe vae reta ipɨte güi ramo. Pepuereä peyemboasauka peyoe perete vae rupi. Jaeño peyemongeta kavi yave Tumpa kotɨ.

1 Juan 2:29

Peikuaa Tumpa ko jae jupi vae yave, peikuaa vi kërai Tumpa omee ma tekove opambae vae opaete jupi vae oyapo vae reta pe.

1 Juan 5:1

Opaete güɨrovia Jesús ko jae Cristo vae reta güɨnoi ko tekove Tumpa güi. Jare oaɨu yandeRu Tumpa vae oaɨu vi Tumpa taɨ reta.