San Juan 3:35 - Biblia Guarani Tumpa Iñee

³⁵ Tu oaɨu Taɨ, jare oñono opaete mbaembae ipo pe.

Nuevo Testamento Guaraní Pe

³⁵ Tu oaɨu Taɨ jare oyapo ma opaete mbaembae juvichara.

San Juan 3:35 Iomraidhean Croise

GÉNESIS 41:44

Faraón jei José pe: —Yepe tëi ko che Faraón mburuvicha guasu; ërei nde reporookuaimbae reve ngaraa etei kia ipo jare ipɨ omomɨi opaete kuae Egipto pe.

GÉNESIS 41:55

Jeiete yae ma karuai Egipto pe yave yogüeru opaete vae oeka tembíu Faraón pe; ërei Faraón jei Egiptoɨgua reta pe: “Pekua José oïa pe jare peyapo opaete jae iporookuai.”

SALMOS 2:8

Eiporu cheve tëtaguasu reta ndembaerä, jare che tamee ndeve; jare toiko ndembaerä opaete ɨvɨ iyapɨ rupi.

PROVERBIOS 8:30

joko pe che aï jae ndive, amborɨ añono kavi opaete mbaembae. Che ko amboyerovia katu avei vae, ayerovia katu avei jae jóvai opaete ara rupi;

ISAÍAS 42:1

“Mase, ko oï cherembiokuai, che ayangarekota jese vae; cherembiparavo, chepɨa oyerovia jese vae; jese añono cheEspíritu; jae güeruta jupi vae opaete tëtaguasu reta peguarä.

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

San Mateo 11:27

Jayave jei ye: —CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.

San Mateo 17:5

Pedro imiari oï ramboeve, amapɨtu jembipe vae omboyasoi reta, jare jókuae amapɨtu güi oyeendu ñee jei: “Kuae ko jae cheRaɨ aaɨu yae vae. Chemboyerovia vae. Peyeapɨsaka jese.”

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

San Mateo 3:17

Jare oyeendu ñee ara güi jei: “Kuae ko jae cheRaɨ aaɨu yae vae. Chemboyerovia yae vae.”

San Lucas 10:22

Jayave jei vi: “CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.”

San Juan 15:9

CheRu cheraɨu rami che poaɨu. Peï avei cheporoaɨu pe.

San Juan 17:2

Echa nde remee cheve mbaepuere anoi vaerä opaete re, amee vaerä tekove opambae vae opaete nde nemee cheve vae reta pe.

San Juan 17:23

Che aikota jese reta jare nde cheré, yogüɨreko vaerä metei ramiño kavi, ɨvɨ pegua reta oikuaa vaerä nde ko chembou vae jare nde reaɨu ko kuae reta nde cheraɨu rami vae.

San Juan 17:26

Che romombeu ma chupe reta jare romombeu yeta, jae reta oaɨu vaerä ïru vae reta nde cheraɨu rami, jare che etei aïta jese reta.”

San Juan 5:20

Echa Tu oaɨu Taɨ jare oikuaauka ma chupe opaete iparavɨkɨ. Jare oikuaaukata vi chupe mbaravɨkɨ tuicha yae ete kuae reta güi vae, pepɨakañɨ yae vaerä jese.

San Juan 5:22

Tu mbaetɨ kia ave ojäa. Ërei omee Taɨ oporojäa vaerä.

1 Corintios 15:27

Echa Tumpa omee ma Cristo pe mbaepuere omoamɨri vaerä opaete. Echa jökorai oyekuatía oï, ërei kuae jei vae mbaetɨ oipota jei Tumpa etei vi oï ipo pe, echa jae ko omee mbaepuere chupe.

Efesios 1:22

jare oñono Cristo ipo igüɨ pe opaete mbaembae. Omee vi chupe oiko vaerä oporogüɨrovia vae reta iñäkarä,

Hebreos 1:2

Añave kuae ara reta pe imiari yandeve Taɨ rupi, jae ko ombojee opaete mbaembae iyarä vae, Taɨ rupi vi oyeapo opaete mbaembae.

1 Pedro 3:22

Jesucristo ojo ma ara pe vae oime oï Tumpa iyakatu kotɨ; jae jeia re ñogüɨnoi araɨgua reta, mburuvicha reta jare mbaepuere güɨnoi vae reta.