San Juan 3:34 - Biblia Guarani Tumpa Iñee

³⁴ Jókuae Tumpa ombou vae imiari Tumpa iñee, echa Tumpa omee chupe iEspíritu.

Nuevo Testamento Guaraní Pe

³⁴ Echa jocuae Tumpa ombou vae omombeu Tumpa iñee, jare Tumpa omee chupe Espíritu Santo opaete imbaepuere reve.

San Juan 3:34 Iomraidhean Croise

2 REYES 2:9

Oasa reta ma yave Elías jei Eliseo pe: —Eiporu mbae reipota ayapo ndeve vae, ndei ayererajauka ndegüi mbove. Eliseo jei: —Romoñera che apɨta vaerä nderekovia pe.

SALMOS 45:7

Reaɨu jupi rupi mbae oyeapo vae jare remotareɨ ikavimbae. Jáeramo ndeparavo Tumpa, jae ko neTumpa; yerovia katu omee ndeve vae ikavi yae, neïru reta omboyerovia vae güi.

ISAÍAS 59:21

YandeYa jei: “Kuae jae cheporogüɨrökuavee päve ayapo pe reta ndive vae, chembaepuere jare cheporomboe ngaraa oata peve jare peñemuña reta pe.” Jei yandeYa jekuae avei pegua.

LEVÍTICO 7:35

Jae ko kuae tembíu Aarón jare iñemuña reta imbaerä, mbota reta oyeapɨ cheve vae, jókuae ara jae oñono tee chesacerdoterä yave güive.

NÚMEROS 11:25

Jayave yandeYa ogüeyɨ amapɨtu re, jare omomiari; jare oekɨ espíritu oï jese vae güi, jare oñono jókuae setenta kuimbae tenondegua reta re; jare espíritu ogüeyɨ iárambo reta yave omboɨpɨ omombeu reta Tumpa iñee jókuae ara osondombae etei, ërei jókuae güire mbaetɨ ye.

San Mateo 12:18

“Mase, ko oï cherembiokuai, cherembiparavo. Cherembiaɨu. Chemboyerovia yae vae. Ameeta chupe cheEspíritu, jare jae omoërakuata jupigüe vae judiombae vae reta pe.

San Lucas 4:18

“YandeYa iEspíritu oï cheré, echa cheparavo amombeu vaerä ñee ikavi vae iparavete vae reta pe. Chembou ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare amomae vaerä jesambae reta. Chembou vi ayora vaerä yogüɨrekoasɨ katu vae reta.

San Juan 1:16

Echa ipɨakavi yae güi yamboresive avei jekuaekuae iporerekua reta.

San Juan 15:26

Ërei ambou ma peve cheRu güi Oporombopɨakatuta vae jae ko Espíritu añete pegua, cheRu güi ou vae yave, jae imiarita peve cheregua.

San Juan 16:7

Ërei amombeu peve añete vae. Ikavita ko peve che aja vaerä. Echa che mbaetɨ aja yave, ngaraa ou peve Oporombopɨakatuta vae. Ërei aja yave, ambouta peve.

San Juan 3:17

Tumpa mbaetɨ ko ombou Taɨ ojäa vaerä ɨvɨ pegua reta, ombou ko ɨvɨ pegua reta oyemboasauka vaerä.

San Juan 5:26

Echa cheRu güɨnoi tekove iyé etei. Jaeramiño vi omee cheve anoi vaerä tekove cheyé etei.

San Juan 7:16

Jayave Jesús jei chupe reta: —Cheporomboe chembaeä ko. Chembou vae iporomboe ko.

San Juan 8:40

Ërei añave peipota cheyuka, yepe tëi amombeu ma peve añete vae, Tumpa omombeu cheve vae. ¡Abraham mbaetɨ ko jökorai!

San Juan 8:47

Tumpa taɨ reta oyeapɨsaka jae iñee re. Pe reta Tumpa taɨä ko. Jáeramo peipotaä peyeapɨsaka jese.

Hechos 1:2

ojo ye ara pe regua. Omee güire mborookuai reta Espíritu Santo rupi temimondo oiparavogüe reta pe.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Romanos 8:2

Echa mborookuai tekove pegua Espíritu Santo omee Cristo Jesús rupi vae, cheyora ma mbaeyoa imbaepuere güi jare mano güi.

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Colosenses 1:19

Echa yandeRu oipota vae ko jae, oï vaerä opaete mbaepuere Cristo re;

Colosenses 2:9

Echa Cristo re ko oï opaete Tumpa imbaepuere,

Apocalipsis 21:6

Jare jei vi cheve: “Oyeapo ma. Che ko jae Alfa jare Omega, iyɨpɨ ete jare iyapɨ ete. Kia iɨuve vae, che ameeiñota jepɨmbae jou ɨesaɨ tekove pegua güi.”

Apocalipsis 22:1

Jayave araɨgua oechauka cheve ɨ̈aka ikɨambae ɨ tekove pegua, jësakaasɨ vidrio rami, oë Tumpa jare Vecha kuimbae taɨrusu vae iguapɨa güi.