San Juan 3:10 - Biblia Guarani Tumpa Iñee

¹⁰ Jesús oparandu Nicodemo pe: —¿Mbaetɨ pa reikuaa kuae nde Israel pegua reta omboe vae?

Nuevo Testamento Guaraní Pe

¹⁰ Jesús oparandu Nicodemo pe: —¿Mbaeti pa reicuaa cuae? Echa nde co jae Israel pegua reta omboe vae —jei—.

San Juan 3:10 Iomraidhean Croise

1 CRÓNICAS 29:19

Emee vi cheraɨ Salomón pe ipɨa isɨmbi vaerä, jökorai oyapo vaerä opaete ndeporookuai reta, jare remombeu opaete oyeapo vaerä vae, jare ipuere vaerä omopüa tupao, echa che añono kavi ma omopüa vaerä ndeve.’ ”

SALMOS 51:10

CheRu Tumpa, eitɨo chepɨa jare embopɨau, emee chepɨarä ikɨambae jare jupi vae, jare chembopɨau sɨmbi rupi aiko vaerä.

SALMOS 51:6

Mase, nde reaɨu yae ko ipɨa jupi vae; jare reñono cheɨvɨte pe ndearakuaa katu.

SALMOS 73:1

¡Añetete Tumpa ipɨakavi yae ko Israel kotɨ, ipɨa pe mbaetɨ güɨnoi ikavimbae vae reta kotɨ!

ISAÍAS 56:10

echa sundaro ɨvate güi omae vae reta, jesambae rami ñogüɨnoi, mbaetɨ etei mbae oikuaa ñogüɨnoi. Opaete jae reta yaɨmba iñarosembae rami ko, mbaetɨ ipuere oñaro reta; oke reteiño jare oaɨu yae reta jopeɨ.

ISAÍAS 9:16

Echa mburuvicha kuae tëta pegua reta oporombotavɨ vae reta ko, jare opaete vae reta opa ombojopa.

JEREMÍAS 31:33

Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

EZEQUIEL 11:19

Aekɨta chugüi reta ipɨatäta ita rami vae, jare ameeta chupe reta ipɨarä ipɨau kavi vae jare yemongeta ipɨau vae.

San Mateo 11:25

Jayave Jesús jei: “Romboete cheRu, nde ko jae ara pegua reta jare ɨvɨ pegua reta iYa. Echa reñomi mbaembae iyarakuaa vae reta güi, ërei reechauka oñemomichi vae reta pe.

San Mateo 15:14

Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe.

San Mateo 22:29

Ërei Jesús jei chupe reta: —Peyavɨ ko. Mbaetɨ ko peikuaa kavi Tumpa Iñee jare Tumpa imbaepuere.

San Lucas 2:46

Jare mboapɨ ara ma oeka reta yave, oväe reta chupe tupao pe. Jesús oguapɨ oï mborookuai re oporomboe vae reta ipɨte pe. Oyeapɨsaka oï jese reta jare oparandu chupe reta mbaembae re.

San Lucas 5:17

Metei ara Jesús oporomboe oï, jare amogüe fariseo reta jare mborookuai re oporomboe vae reta oguapɨ ñogüɨnoi jokoropi. Jae reta yogüeru opaete tëta raɨ reta Galilea pegua güi, Judea pegua güi jare Jerusalén güi. Jesús güɨnoi yandeYa imbaepuere oporombogüera vaerä.

San Juan 3:9

Nicodemo jekuae oparandu ye: —¿Këraita pa ko oyeapo kuae?

Hechos 5:34

Ërei opüa metei fariseo Gamaliel jee reta ipɨte pe. Jae ko metei mborookuai re oikuaa yae vae, jare opaete vae reta omboete yae vae. Jae oyókuai güɨnoe vaerä ikatu pe michi pegua temimondo reta,

Romanos 2:28

Echa metei judío, mbaetɨ ko judío oyekuaa vae rupiño. Jaeramiño vi metei oyembocircuncidauka vae, mbaetɨ ko jete pe oyembocircuncidauka vae güiño.

DEUTERONOMIO 10:16

Peyembocircuncida pepɨa pe, jare agüɨye mo peyembopɨa täta,

DEUTERONOMIO 30:6

Jare yandeYa Tumpa ombocircuncidata pepɨa, jare peñemuña reta ipɨa, peaɨu vaerä yandeYa Tumpa opaete pepɨa ndive jare opaete perekove ndive, jekuaeño peikove vaerä.

Filipenses 3:3

Echa yande ko jae añetete oyembocircuncida vae reta, echa yande yamboete Tumpa Espíritu rupi, mbaetɨ etei yayeko yandesoo pe oyeapo vae re.

Colosenses 2:11

Jese peyembocircuncida ma, mbaetɨ ko circuncisión yanderete pegua, echa Cristo oekɨ omombo ma pegüi peyoa, jae ko kuae circuncisión Cristo güi ou vae.