San Juan 21:7 - Biblia Guarani Tumpa Iñee

⁷ Jayave jókuae temimboe Jesús oaɨu vae jei Pedro pe: —¡YandeYa yepe! Simón Pedro oendu iYa ko vae yave, oyemonde jare oa ɨ pe. Echa omboi yepe jemimonde.

Nuevo Testamento Guaraní Pe

⁷ Jayave jocuae temimboe Jesús oaɨu vae jei Pedro pe: —Jae co ñandeYa. Simón Pedro oendu yave jocuae cuimbae co jae iYa, oñemonde jare ogüeyɨ voi ɨ pe. Echa omboi jemimonde oparavɨquɨ cavi vaera.

San Juan 21:7 Iomraidhean Croise

SALMOS 118:23

YandeYa ko oyapo kuae, yaecha ma, jare ñanemopɨakañɨ.

CANTARES 8:7

Opaete ɨ reta, ngaraai ipuere ombogüe mboroaɨu; ɨ̈aka reta ave ngaraai ombogüe. Kia omee yave opaete imbaeyekou mboroaɨu re, oyeyoyaiuka vaeräño ko.

San Marcos 11:3

Jare oime yave kia jei peve: ¿Maera pa kuae peyapo?, pere chupe: OreYa oipota oiporu, ërei ɨmambae güeruruka yeta kuae pe.

San Lucas 12:35

Peï kavi peï jare pemechero reta tijendɨ toï.

San Lucas 2:11

Echa kuae pɨ̈tu oa oporomboasa vae David jëta pe. Jae ko yandeYa Cristo.

San Lucas 7:47

Jáeramo che jae ndeve, cheɨ̈ro chupe jeta iyoa vae re, echa jae ipororaɨu yae. Ërei oime yave kia michiño iñɨ̈ro chupe vae, jae michiño vi oporoaɨu.

San Juan 13:23

Metei jemimboe jae oaɨu yae vae okaru oï iyɨpɨ pe.

San Juan 19:26

Jesús oecha ichɨ jare jemimboe jae oaɨu vae oyemboɨ ñogüɨnoi köiño chugüi. Jayave jei ichɨ pe: —Chesɨ, joko oï nemembɨraɨe.

San Juan 20:2

Jayave osɨi ojo Simón Pedro jare ïru temimboe Jesús oaɨu vae ñogüɨnoia pe, jare jei chupe reta: —Güɨraja reta ma yandeYa tɨvɨa güi, jare mbaetɨ roikuaa kia pe ra oñono reta vae.

San Juan 20:20

Kuae jei güire, Jesús oechauka chupe reta ipo jare iyɨke. Jayave jemimboe reta oyerovia oecha iYa vae re.

San Juan 20:28

Jayave Tomás jei: —¡CheYa jare cheTumpa!

San Juan 21:20

Pedro oyerova yave, oecha jókuae temimboe Jesús oaɨu vae ou jaɨkue. Jókuae temimboe ko jae tenonde yave okaru pɨ̈tu yave ñogüɨnoi yave oï Jesús iyɨpɨ pe jare: “¿Kia pa ndemboeterengata cheYa?” Jei chupe vae.

San Juan 21:24

Jae ko kuae jókuae Jesús jemimboe amombeu añetete ko kuae pe oyekuatía oï vae. Jare opaete yaikuaa kuae amombeu vae añetete ko.

San Juan 21:8

Jare ïru reta yogüeru barco raɨ pe. Jae reta omoata pɨsa jevae reve. Echa köiño ñogüɨnoi ɨ jembeɨ güi cien metro rupi.

Hechos 10:36

Tumpa ombou ñee ikavi vae Israel iñemuña reta pe. Jae omombeu chupe reta oime mbɨakatu Jesucristo re. Jesucristo ko jae opaete vae iYa.

Hechos 2:36

Israel iñemuña reta, peikuaa kavi kuae, jókuae Jesús peikutu kurusu re vae, añetete ko Tumpa oyapo ma yandeYarä jae Cristo ramo.”

1 Corintios 15:47

Kuimbae tenondegua vae ɨvɨ pegua ko. Echa Tumpa oyapo ɨvɨ güi. Ërei kuimbae taɨkuegua vae ko jae yandeYa ara güi ou vae.

2 Corintios 5:14

Echa Cristo iporoaɨu oremokɨ̈reɨ yae, echa roikuaa kavi Cristo omano opaete re. Jáeramo opaete yande ñamano vi yandereko güi.

Santiago 2:1

Cherɨvɨ reta, perovia yandeYa Jesucristo re vae reta, agüɨye peyoparavoño pemae kavi oyoe.