San Juan 21:25 - Biblia Guarani Tumpa Iñee

²⁵ Jare oime ye jeta mbaembae Jesús oyapogüe. Opaete Jókuae mbaembae regua oyekuatía yave metei metei rupi, ayemongeta oatata ko kuae ɨvɨ pe oyekuatiagüe jendarä. Amén.

Nuevo Testamento Guaraní Pe

²⁵ Jare oime ye jeta mbaembae Jesús oyapo vae. Opaete cuae mbaembae regua oyecuatía oi yave meteitei rupi, oatata opaete tupapire jendara ɨvɨ pe. Amén.

San Juan 21:25 Iomraidhean Croise

JOB 26:14

Kuae opaete jembiapo reta güi añave oyekuaa vae, mbovɨ yae ko, jókuae yaendu vae, jae ko michi jɨapugüeño. Ërei jɨapu yave imbaepuere, ¿kia pa ipuereta oikuaa?

SALMOS 40:5

CheYa Tumpa, jeta yae ko mɨakañɨ reta reyapogüe jare ndeyemongeta reta orekotɨ. ¡Oyepapa rapeä nderóvai! Yepe tëi amoërakua jare chemiari jese reta, ngaraa opa amoërakua.

SALMOS 71:15

Amoërakuata ara ñavo reyapogüe jupi ko vae, jare ara ñavo reporogüɨroasayepe vae; ¡yepe tëi mbaetɨ aikuaa mbovɨ etei ko!

ECLESIASTÉS 12:12

Cheraɨ, eendu yemboarakuaa ndeyeupe. Tembikuatía iyapo opambaei ko, jare jeta ete yayemboe vae, yandemokangɨ ko.

AMÓS 7:10

Jayave sacerdote Amasías Bet-el pegua omondo jeiuka Jeroboam mburuvicha guasu Israel pegua pe: “Amós oñemopüa ndekotɨ kuae tëta Israel pe; jare kuae tëta mbaetɨ ma ipuere güɨropɨa opaete iñee reta.

San Mateo 11:5

Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omanogüe vae reta oikove ye. Jare iparavete vae reta pe oñemoërakua ñee ikavi vae.

San Mateo 19:24

Che jae ye peve, yavai yae ko oikokatu vae oike vaerä Tumpa iporookuaía pe, yuu jesakua rupi camello oasa vae güi.

San Marcos 5:16

Jare kuchi iyangarekoa reta tenonde yave oecha vae reta omombeu ïru reta pe kërai oasa kuimbae aña oya jese vae jare kuchi reta.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 20:35

Pomboe kavi ma kërai ikavi ko jökorai yaparavɨkɨ yamborɨ vaerä mbae oata chupe vae reta. Yandemaendúa reve yandeYa Jesús iñee re, echa jei: ‘Mbae ñamee vae ko ikavi, mbae oñemee yandeve vae güi.’ ”

Hebreos 11:32

¿Mbae ye pa jaeta? Arovia oatata cheve ara chemiari vaerä, peve Gedeón, Barac, Sansón, Jefté, David, Samuel jare ñeemombeúa reta regua;