San Juan 21:15 - Biblia Guarani Tumpa Iñee

¹⁵ Opa ma okaru reta yave, Jesús jei Simón Pedro pe: —Simón, Jonás taɨ, ¿cheraɨu yae pa kuae reta güi? Pedro jei: —Roaɨu, cheYa. Nde reikuaa ko che roaɨu vae. Jesús jei chupe: —Emongaru chevecha kuimbae taɨrusu vae reta.

Nuevo Testamento Guaraní Pe

¹⁵ Ocaru reta ma yave, Jesús jei Simón Pedro pe: —¡Simón, Jonás taɨ! ¿Cheraɨu yae pa cuae reta güi? —Roaɨu, cheYa —jei Pedro—. Reicuaa che roaɨu co. —Emongaru chevecha-raɨ reta —jei Jesús chupe.

San Juan 21:15 Iomraidhean Croise

GÉNESIS 33:13

Jare Jacob jei: —Cheya reecha ko michia reta ndei yae, jare anoi vecha imembɨ oa ramo vae reta; ambokangɨ yae yave opata ko omano metei ara pe.

2 SAMUEL 7:20

¿Mbae ye pa jaeta ndeve cheYa Tumpa? Echa nde chekuaa ko.

2 REYES 20:3

“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

JEREMÍAS 23:4

Jare maangarekoa reta añonota oyangareko vaerä jese reta; jare ngaraa ye ma oipoɨu jare okɨɨye reta, ngaraa etei ma vi okañɨ reta. Che ndeYa ko jae kuae.”

JEREMÍAS 3:15

Ameeta peangarekoa retarä chepɨa potaa, jare jae reta peangarekota yarakuaa katu kavi reve.

EZEQUIEL 34:23

Jare ambouta metei vecha iyangarekoa, jae oyangarekota jese reta; jae ko cherembiokuai David, jae oyangarekota jese reta; jae oikota iyangarekoarä.

EZEQUIEL 46:24

Jayave jei cheve: “Kuae ko jae mbaemboyɨa, tupao pegua ombaemboyɨ vae reta omboyɨ vaerä opaete vae mbota reta oñemeegüe.”

San Mateo 10:37

Oime yave kia ombotenonde yae tu jare ichɨ chegüi vae, ngaraa ipuere oiko cheremimboerä. Jaeramiño vi oime yave kia ombotenonde yae imichia reta chegüi vae, ngaraa ipuere oiko cheremimboerä;

San Mateo 16:17

Jayave Jesús jei Pedro pe: —Reyekou ko Simón, Jonás taɨ. Echa cheRu ara pe oï vae ko oikuaauka ndeve kuae. Mbaetɨ ko kia oikuaauka ndeve.

San Mateo 18:10

Agüɨye peröɨro kërai ave yepe oporogüɨrovia ramo vae. Echa che jae peve, araɨgua oyangareko kuae nunga reta re vae, ñogüɨnoi avei ko cheRu ara pe oï vae jóvai.

San Mateo 26:33

Jayave Pedro jei chupe: —Yepe tëi opaete ïru reta ndereeya, ërei che ngaraa roeya.

San Mateo 26:35

Ërei Pedro jei chupe: —Tamano nde ndive, ërei ngaraai rokuaku, Jare jökorai vi jei opaete jemimboe reta.

San Marcos 14:29

Jayave Pedro jei Jesús pe: —Yepe tëi opaete ïru reta ndereeya, ërei che ngaraa.

San Lucas 12:32

Agüɨye pekɨɨye, pe mbovɨ yae vae reta. Echa Tumpa ipɨa kavi rupi omee peve iporookuaía.

San Lucas 22:32

Ërei che ayerure ma nderé, agüɨye vaerä oata ndeporogüɨrovia. Jare reyerova ye yave, emborɨ nderɨvɨ reta ipɨ̈rata vaerä iporogüɨrovia pe.

San Juan 1:42

Jayave Andrés güeru Simón Jesús oïa pe. Jesús omae ngatu Simón re jare jei: —Nde ko jae Simón, Jonás taɨ. Ndereeta Cefas (kuae oipota jei: Pedro.)

San Juan 13:37

Pedro jei chupe: —CheYa, ¿maera pa chepuere potaä aja nde nderupíe añave? Che tamano ndepoepɨka pe.

San Juan 16:27

echa cheRu etei peraɨu, pe reta cheraɨu jare perovia che ayu Tumpa güi ramo.

San Juan 21:12

Jayave Jesús jei chupe reta: —Peyu pekaru. Ërei metei ave jemimboe reta mbaetɨ oparandu chupe: “¿Kia pa ko nde?” Echa oikuaa reta jae ko iYa.

San Juan 21:7

Jayave jókuae temimboe Jesús oaɨu vae jei Pedro pe: —¡YandeYa yepe! Simón Pedro oendu iYa ko vae yave, oyemonde jare oa ɨ pe. Echa omboi yepe jemimonde.

San Juan 8:42

Jayave Jesús jei chupe reta: —Tumpa ko jae peRu yave mona, pe reta cheraɨuta tëi ko. Echa che Tumpa güi ko ayu. Mbaetɨ ko ayu cheyeugüi aeño, jae ko chembou.

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

Hechos 20:29

Che aikuaa katu ko aja ma yave, oiketa pepɨte pe aguarayaɨmba rami vae reta, jae reta ikɨ̈reɨta opa omokañɨtei oporogüɨrovia vae reta.

Romanos 14:1

Pemboresive kavi ipɨtu iporogüɨrovia pe vae, ërei agüɨye peyoaka vaerä jae ndive.

Romanos 15:1

Jayave yande ñanepɨ̈rata yandeporogüɨrovia pe vae, yaropɨa ipɨtu iporogüɨrovia pe vae reta, jare agüɨye yandeño yayemboyerovia.

1 Corintios 8:11

Jare nde ndearakuaa rupi kavi reï joko pe vae rupi okañɨta mbaetɨ ipɨ̈rata iporogüɨrovia pe vae, jese Cristo omano vae.

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Efesios 4:14

Agüɨye vaerä mo yaiko michia rami. Oipotagüe yemboe pe yayererajauka vaerä. Echa mboromboe añetembae vae re oporomboe vae reta ipoki yae ko oporombotavɨ vaerä.

Efesios 6:24

Tumpa ipɨakavi toï opaete yandeYa Jesucristo oaɨu yae añetete pegua vae reta ndive. ¡Amén!

Hebreos 13:20

Tumpa mbɨakatu omee vae, yandeYa Jesucristo omoingove ye omanogüe reta ipɨte güi vae, vecha reta iyangarekoa tuichagüe vae, tugüɨ morogüɨrökuavee päve opambae vae pegua rupi vae,

Hebreos 4:13

Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.

1 Pedro 1:8

Yepe tëi mbaetɨ peecha Jesucristo, ërei peaɨu. Yepe tëi añave mbaetɨ peecha, ërei perovia jese, jare penoi yerovia tuichagüe yaupitɨ rapembae ñanemiari jese vae,

1 Pedro 2:2

Peyúe neche oyeambae vae ara pegua, michia oa ramo vae ikambúe rami, jókuae rupi pekuakuaa vaerä jare penoi vaerä yemboasa,

1 Pedro 2:25

Echa opaete pe reta peropa yepi vecha reta jopa rami, ërei añave peyerova ye ma Oyangareko vae jare Omae peré vecha re rami vae kotɨ.

1 Juan 4:19

Yande yaaɨu Tumpa, echa jae räri yanderaɨu.

1 Juan 5:1

Opaete güɨrovia Jesús ko jae Cristo vae reta güɨnoi ko tekove Tumpa güi. Jare oaɨu yandeRu Tumpa vae oaɨu vi Tumpa taɨ reta.

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.