San Juan 20:31 - Biblia Guarani Tumpa Iñee

³¹ Ërei kuae oyekuatía ko, perovia vaerä Jesús ko jae Cristo, Tumpa Taɨ, jare penoi vaerä tekove jese perovia yave.

Nuevo Testamento Guaraní Pe

³¹ Erei aicuatía cuae pe oyecuatía oi vae, perovia vaera Jesús co jae Cristo - jae co Tumpa Taɨ - jare penoi vaera tecove opa mbae vae cuae perovia yave.

San Juan 20:31 Iomraidhean Croise

SALMOS 2:12

Pemboete Taɨ, agüɨye vaerä iyarasɨ, jare opa pemano; echa aramoete pegua iyarasɨ. ¡Toyerovia katu opaete jese güɨrovia vae!

SALMOS 2:7

Che amoërakuata yandeYa jei vae; yandeYa jei cheve: “Cheraɨ ko nde; che ko romoñemuña añave.

San Mateo 16:16

Jayave Simón Pedro jei chupe: —Nde ko jae Cristo, Tumpa oikove vae Taɨ.

San Mateo 27:54

Jare cien sundaro vae juvicha Jesús re oyangareko oï vae jare jae ndive ñogüɨnoi vae reta oecha yave kërai ɨvɨ okana jare kërai opaete oyeapo vae, okɨɨye yae jare jei: —¡Añetete yepe, kuae kuimbae jae Tumpa Taɨ!

San Mateo 4:3

Jayave aña guasu omomiari oyavɨuka vaerä chupe, jei: —Nde ko Tumpa Taɨ yave, ere kuae ita reta pe toyepoepɨ mbɨyaperä.

San Marcos 16:16

Güɨrovia vae jare oyembobautisauka vae oyemboasaukata ko. Ërei jókuae mbaetɨ güɨrovia vae okañɨteita ko.

San Lucas 1:35

Jayave araɨgua jei María pe: —Espíritu Santo outa nderé. Tuichagüe yae vae imbaepuere pe neovata. Jáeramo jókuae Iyoambae vae oata vae, jeeta ko Tumpa Taɨ.

San Lucas 1:4

Aikuatía ndeve, reikuaa kavi vaerä añetete ko jókuae mbaembae ndemboe reta jese vae.

San Lucas 24:47

jare kërai oñemoërakuata jee re Jerusalén güive opaete tëtaguasu rupi oeya vaerä iyemongeta ikavimbae vae ipɨa pe güɨnoi vae jare Tumpa iñɨ̈ro vaerä chupe reta iyoa reta re.

San Juan 1:49

Jayave Natanael jei chupe: —Oporomboe vae. ¡Nde ko jae Tumpa Taɨ. Nde ko jae Israel pegua reta Juvicha guasu!

San Juan 10:10

Imonda vae ou ko oñomi vaerä, oyuka vaerä jare omokañɨtei vaerä. Ërei che ayu ko amee vaerä tekove, jare oime avei vaerä tekove katu.

San Juan 19:35

Jare oecha vae omombeu kuae, pe reta vi perovia vaerä. Jare kuae omombeu vae añete ko. Echa jae oikuaa kavi omombeu vae añete ko.

San Juan 20:28

Jayave Tomás jei: —¡CheYa jare cheTumpa!

San Juan 3:18

Güɨrovia jese vae, ngaraa oñejäauka. Ërei mbaetɨ güɨrovia jese vae oñejäauka ma ko. Echa mbaetɨ güɨrovia Tumpa Taɨ jaevaeño vae re.

San Juan 3:36

Tumpa Taɨ re güɨrovia vae güɨnoi ma tekove opambae vae, ërei Tumpa Taɨ re mbaetɨ güɨrovia vae ngaraa güɨnoi tekove. Tumpa iyarasɨ oata jese.

San Juan 5:24

Añetete che jae peve, cheñee oendu vae jare chembou vae re güɨrovia vae, güɨnoi tekove opambae vae. Ngaraa ojo kañɨtei pe. Oasa ma ko mano güi tekove pe.

San Juan 6:40

Jare kuae ko jae chembou vae jemimbota: Opaete omae cheré jare güɨrovia cheré vae, güɨnoi vaerä tekove opambae vae; jare che amoingove yeta ara taɨkuegua pe.

Hechos 10:43

Kuae regua ko omoërakua opaete ñeemombeúa reta. Jae reta jei Tumpa iñɨ̈rota opaete jese güɨrovia vae reta pe iyoa re Jesús jee re.

Hechos 3:16

Kuae kuimbae pe reta peecha jare peikuaa vae okuera ko Jesús jee re güɨrovia ramo. Kuae iporogüɨrovia Jesús re vae ombogüera ete pe reta peecha peï rami.

Hechos 8:36

Jare tape rupi yogüɨraja ramboeve, yogüɨraja oväe ɨ jenda pe, jare eunuco jei: —Ko oï ɨ. ¿Mbae yé pa chemboavai ayembobautisa vaerä?

Hechos 8:37

Felipe jei chupe: —Rerovia yave opaete ndepɨa reve, ndepuere reyembobautisa. Eunuco jei: —Arovia Jesucristo ko jae Tumpa Taɨ.

Hechos 9:20

Jupiveiño Saulo omboɨpɨ omoërakua Cristo regua judío reta itupao reta rupi. Jei chupe reta Jesús jae ko Tumpa Taɨ.

1 Pedro 1:9

jökorai peyemboasauka, echa perovia jese.

1 Juan 4:15

Oime yave kia “Jesús ko jae Tumpa Taɨ” jei vae, Tumpa oï jese jare jae oï Tumpa re.

1 Juan 5:1

Opaete güɨrovia Jesús ko jae Cristo vae reta güɨnoi ko tekove Tumpa güi. Jare oaɨu yandeRu Tumpa vae oaɨu vi Tumpa taɨ reta.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

2 Juan 1:9

Kia ñavo opia jare mbaetɨ oiko Cristo iporomboe re yave, mbaetɨ ko güɨnoi Tumpa. Ërei kia ñavo oiko avei Cristo iporomboe re vae, güɨnoi yandeRu Tumpa jare Taɨ.

Apocalipsis 2:18

Eikuatía Tiatira pegua oporogüɨrovia vae reta iaraɨgua pe: Tumpa Taɨ, jesa tata jendɨ vae rami vae, jare ipɨ jiero iyu vae jembipe vae rami vae, jei kuae: