San Juan 20:22 - Biblia Guarani Tumpa Iñee

²² Jare kuae jei ma yave, oipeyu ikotɨ reta jei reve: —Pemboresive Espíritu Santo.

Nuevo Testamento Guaraní Pe

²² Jare cuae jei ma yave, ipɨtué omoe icotɨ reta jare jei: —Amee ma peve Espíritu Santo.

San Juan 20:22 Iomraidhean Croise

GÉNESIS 2:7

Jayave yandeYa Tumpa oyapo kuimbae ɨvɨkúi güi, jare oipeyu iñäpɨgua pe tekove. Jökorai omboɨpɨ oikove kuimbae.

JOB 33:4

Tumpa ko cheapo, Imbaepuere yae ete vae ko omee tekove cheve.

SALMOS 33:6

YandeYa oyapo ara reta iñee peño, ipɨ̈túe peño oyapo opaete ara ipo reta.

EZEQUIEL 37:9

Jayave yandeYa jei cheve: “Nde kuimbae, nemiari cheree re tekove pe, jare ere chupe: YandeYa Tumpa jei körai: ‘Tekove, eyu oipota rupi güi, eyu eike kuae omano vae reta re, oikove reta vaerä.’ ”

San Juan 14:16

Jare che ayerureta cheRu pe jae ombou vaerä peve ïru Oporombopɨakatu vae. Oiko avei vaerä pe ndive.

San Juan 15:26

Ërei ambou ma peve cheRu güi Oporombopɨakatuta vae jae ko Espíritu añete pegua, cheRu güi ou vae yave, jae imiarita peve cheregua.

San Juan 16:7

Ërei amombeu peve añete vae. Ikavita ko peve che aja vaerä. Echa che mbaetɨ aja yave, ngaraa ou peve Oporombopɨakatuta vae. Ërei aja yave, ambouta peve.

San Juan 20:21

Jayave Jesús jei ye chupe reta: —Mbɨakatu toï pe ndive. CheRu chembou rami, che pomondo vi.

San Juan 20:23

Peɨ̈ro yave oipotagüe vae pe iyoa re, Tumpa omboaita ko iyoa. Jare peɨ̈roä yave oipotagüe vae pe iyoa re, iyoa ngaraa oyemboai.

San Juan 7:39

Jökorai imiari Jesús Espíritu omeeta güɨrovia jese vae reta pe vae re. Echa ndei ou Espíritu Santo, ndei Jesús oyemboeteuka ramo.

Hechos 10:47

Jayave Pedro jei: —¿Kia pa omboavaita agüɨye vaerä oyembobautisauka kuae Espíritu Santo ou ma jese reta vae, yanderé ou rami?

Hechos 19:2

Pablo oparandu chupe reta: —¿Pemboresive pa Espíritu Santo peporogüɨrovia yave? Jae reta jei chupe: —Mbaetɨ etei roendu Espíritu Santo regua.

Hechos 2:38

Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Hechos 2:4

Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

Hechos 4:8

Jayave Pedro tɨnɨe Espíritu Santo pe, jare jei chupe reta: —Tëta ruvicha reta jare Israel iñemuña reta itenondegua reta:

Hechos 8:15

Jare jae reta yogüɨraja oväe Samaria pe yave, oyerure oporogüɨrovia vae reta re, Espíritu Santo omboresive reta vaerä.

Gálatas 3:2

Kuaeño aipota pemombeu vaerä cheve: ¿Pemboresive pa Espíritu Santo, mborookuai jei vae peyapo vae rupi?, ani ¿ñee ikavi vae peendu yave perovia vae rupi?