San Juan 20:15 - Biblia Guarani Tumpa Iñee

¹⁵ Jayave Jesús jei chupe: —Kuña, ¿maera pa reyaeo? ¿Kia pa reeka? María oyemongeta kó raɨ iyangarekoa ko vae. Jáeramo jei chupe: —Cheya, nde reraja yave, emombeu cheve kia pe reñono, jare che arajata.

Nuevo Testamento Guaraní Pe

¹⁵ Jayave Jesús jei chupe: —Cuña, ¿maera pa reyaeo? ¿Quia pa reeca? María oñemongueta tei jae co ɨvɨra reta ñogüɨnoia iñangarecoa. Jae rambue jei chupe: —Carai, nde reraja yave, emombeu cheve quiape reñono, jare che arajata.

San Juan 20:15 Iomraidhean Croise

CANTARES 3:2

Jayave apüa jare aguata opaete tëta guasu rupi, aeka vaerä aaɨu vae, kaye rupi jare oka guasu rupi. Aeka tëi, ërei mbaetɨ aväe.

CANTARES 6:1

Nepöra yae ïru kuñatai reta ipɨte pe vae. ¿Ketɨ pa ojo reaɨu vae? ¿Ketɨ pa opia ojo? ¡Toroeka nde ndive!

San Mateo 12:34

Pe reta ko jae mboi reta rami. ¿Këraiägua pa pepuereta pemiari ñee ikavigüe, pepɨapochɨ yae reve? Echa ipɨa pe yemongeta güɨnoi vae ko omoë iyuru rupi.

San Mateo 28:5

Ërei araɨgua jei kuña reta pe: —Agüɨye pekɨɨye. Echa aikuaa peeka ko Jesús kurusu re oyekutuuka vae.

San Marcos 16:6

Ërei jae jei chupe reta: —Agüɨye pekɨɨye. Peeka ko peï Jesús Nazaret-ɨgua, kurusu re omano vae. Jae oikove ye ma ko. Mbaetɨ ma kuae pe oï. Mase, pemae jendagüe re.

San Lucas 2:44

Jae reta oyemongeta tëi oime ko ou ïru reta ipɨte pe. Ërei kaaru ma yave, oeka reta tëi jëtara reta jare ïru oikuaa vae reta ipɨte rupi.

San Lucas 24:5

Jare okɨɨye güi itindɨasɨ reta jóvai. Jayave jókuae kuimbae reta jei chupe reta: —¿Maera pa peeka omanogüe reta ipɨte pe, oikove vae?

San Juan 1:38

Jesús oyerova yave, oecha yogüeru jupíe, jare jei chupe reta: —¿Mbae pa peeka? Jae reta jei chupe: —Oporomboe vae, ¿kia pe pa reiko?

San Juan 18:4

Jayave Jesús oë oövaiti, jare jei chupe reta: —¿Kia pa peeka? Echa jae oikuaa ma mbae oyeapota chupe vae.

San Juan 18:7

Javoi Jesús oparandu ye chupe reta: —¿Kia pa peeka? Jei reta ye: —Jesús Nazaret-ɨgua.

San Juan 20:13

Araɨgua reta jei María pe: —Kuña, ¿maera pa reyaeo? María jei chupe reta: —Güɨraja reta cheYa, jare mbaetɨ aikuaa kia pe ra oñono reta.

1 SAMUEL 1:16

Agüɨye eyemongeta che nderembiokuai kuña jeko kavimbae ko vae; chepɨa kavimbae jare chepɨatɨtɨ yae vae re ko jekuae güɨrave chemiari aï.