San Juan 2:4 - Biblia Guarani Tumpa Iñee

⁴ Jesús jei: —Kuña, ¿maera pa rere cheve kuae? Ndei vɨteri ko oväe cheara.

Nuevo Testamento Guaraní Pe

⁴ —¿Ndepɨatɨtɨ pa cuae re? Che mbaeti co chepɨatɨtɨ jese, cuña —jei Jesús—. Ndei ovae cheparavɨquɨ ayapo vaera —jei.

San Juan 2:4 Iomraidhean Croise

2 SAMUEL 16:10

Ërei mburuvicha guasu jei chupe: —Sarvia imembɨraɨe reta, kuae teko mbaetɨ ko pe reta ndive. Güɨramoi yandeYa oyókuai jei vaerä cheve kuae ñee jasɨ katu vae, jökorai ko yave, ¿kia pa mbae jeita chupe?

2 SAMUEL 19:22

Ërei David jei: —¿Maera pa jökorai peyemongeta cheve Sarvia imembɨraɨe reta? Echa aikuaa aï ye ma ko mburuvicha guasurä kuae ara, jayave mbaetɨta kia omano Israel pe kuae ara.

1 REYES 17:18

Jayave kuña imemano vae jei Elías pe: —¿Mbae pa che ayapo ndekotɨ kuimbae Tumpa jembiokuai? ¿Reyu pa chemomaendúa cheyoa re jare omano vaerä chemembɨ?

ECLESIASTÉS 3:1

Kuae ɨvɨ pe oime opaete mbaembae oyeapo vae iara; opaete mbaembae oyeapo vae oime iora:

San Mateo 15:28

Jayave Jesús jei chupe: —¡Kuña!, tuicha yae ko ndeporogüɨrovia. Toyeapo ndeve nde reipota rami. Jare jupiveiño jókuae kuña imemɨkuña okuera.

San Mateo 8:29

Jare jae reta iñeeäta reve jei: —¿Maera pa reyu oreve Jesús, Tumpa Taɨ? ¿Reyu pa reiporarauka oreve, ndei ara oväe mbove?

San Lucas 2:49

Jayave Jesús jei chupe reta: —¿Maera pa chereeka? ¿Mbaetɨ pa peikuaa ikavi ko ayapo vaerä cheRu iparavɨkɨ?

San Juan 12:23

Jayave Jesús jei: —Ara oväe ma che ayeapo Kuimbaerä vae ayemoeteuka vaerä.

San Juan 13:1

Ndei arete Pascua mbove. Jesús oikuaa ara oväe ma oeya vaerä kuae ɨvɨ ojo ye vaerä Tu oïa pe. Jare kërai oaɨu imbae vae reta ɨvɨ pe ñogüɨnoi vae, jare oaɨu yae iyapɨ regua.

San Juan 2:3

Vino opa ma yave, Jesús ichɨ jei chupe pe: —Opa ma vino chugüi reta.

San Juan 20:13

Araɨgua reta jei María pe: —Kuña, ¿maera pa reyaeo? María jei chupe reta: —Güɨraja reta cheYa, jare mbaetɨ aikuaa kia pe ra oñono reta.

San Juan 20:15

Jayave Jesús jei chupe: —Kuña, ¿maera pa reyaeo? ¿Kia pa reeka? María oyemongeta kó raɨ iyangarekoa ko vae. Jáeramo jei chupe: —Cheya, nde reraja yave, emombeu cheve kia pe reñono, jare che arajata.

San Juan 7:30

Jayave judío reta oipota tëi oipɨɨ. Ërei mbaetɨ kia ave oipɨɨ. Echa ndei iora oyepɨɨ vaerä.

San Juan 7:6

Jayave Jesús jei chupe reta: —Ndei vɨteri ko jókuae ara oväe cheve, ërei peve reta ko ara jaekavi avei.

San Juan 7:8

Pekua pe reta aretea pe. Che ndei räri aja vaerä jókuae arete pe. Echa ndei vɨteri ko oväe cheara aja vaerä joko pe.

San Juan 8:20

Kuae jei Jesús tupao pe korepoti rɨru iyɨpɨ pe. Echa joko pe oporomboe. Ërei mbaetɨ kia ave oipɨɨ. Echa ndei ave iora oyepɨɨ vaerä.

2 Corintios 5:16

Jáeramo añave güive ngaraa yandepɨa pe yayemongeta ïru vae re jae ko ɨvɨ peguaño. Yepe tëi Cristo re ñamae yepi kuae ɨvɨ peguaño ko vae, ërei añave mbaetɨ ma yayemongeta jese jökorai.

DEUTERONOMIO 33:9

tu jare ichɨ kotɨ jei vae: ‘Mbaetɨi ko aecha reta’, jare mbaetɨ oipota oikuaa jëtara reta, jare taɨ reta ave mbaetɨ oipota oikuaa. Jae reta oyapo neñee jei vae, ombopo reta neporogüɨrökuavee päve.