San Juan 2:24 - Biblia Guarani Tumpa Iñee

²⁴ Ërei Jesús mbaetɨ güɨrovia añetete ko kuae reta iporogüɨrovia. Echa jae oikuaa kavi ko opaete vae.

Nuevo Testamento Guaraní Pe

²⁴ Erei Jesús mbaeti güɨrovia añetete cuae reta iporogüɨrovia. Echa oicuaa cavi opaete ɨvɨ pegua reta.

San Juan 2:24 Iomraidhean Croise

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

1 CRÓNICAS 29:17

CheRu Tumpa, che aikuaa nde reecha ko opaete vae ipɨa jare sɨmbi vae ndemboyerovia. Jáeramo chepɨa sɨmbi reve amee ndeve chepɨa-kɨ̈reɨ ngatu reve opaete kuae mbaembae reta. Jare añave yerovia katu reve aecha tëta ndembae kuae pe oyemboatɨ ñogüɨnoi vae omee ndeve mbota ipɨakavi reve.

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

San Mateo 9:4

Ërei Jesús oikuaa jae reta iyemongeta ramo jei chupe reta: —¿Maera pa penoi pepɨa pe yemongeta reta ikavimbae?

San Marcos 2:8

Jare Jesús oikuaa voi ipɨa pe jae reta iyemongeta ramo, jei chupe reta: —¿Maera pa pepɨa pe peyemongeta jökorai?

San Juan 1:42

Jayave Andrés güeru Simón Jesús oïa pe. Jesús omae ngatu Simón re jare jei: —Nde ko jae Simón, Jonás taɨ. Ndereeta Cefas (kuae oipota jei: Pedro.)

San Juan 16:30

Añave roikuaa nde reikuaa ko opaete mbaembae vae, jare mbaetɨ reeka kia oparandu vaerä ndeve mbae re. Kuae jeko pegua rogüɨrovia nde reyu ko Tumpa güi vae.

San Juan 21:17

Jesús jei ye chupe mboapɨa ma: —Simón, Jonás taɨ, ¿cheraɨu pa? Pedro ipɨatɨtɨ. Echa mboapɨa ma Jesús jei chupe: “¿Cheraɨu pa?” Jayave jei ye: —CheYa, nde reikuaa opaete. Nde reikuaa ko che roaɨu ko vae. Jesús jei chupe: —Emongaru chevecha reta.

San Juan 4:16

Jayave Jesús jei chupe: —Ekua eenɨi neme, jare peyu kuae pe.

San Juan 5:42

Echa aikuaa pe reta mbaetɨ ko penoi Tumpa iporoaɨu pepɨa pe.

San Juan 6:15

Jare Jesús oikuaa yogüeruta oipɨɨ reta oñono vaerä juvicha guasurä yave, ojo chugüi reta ɨvɨtɨ guasu kotɨ jaeño.

San Juan 6:64

Ërei amogüe pegüi reta mbaetɨ perovia cheré. Echa Jesús oikuaa iyɨpɨ güive kia reta mbaetɨ güɨrovia jese jare kia ko omeeta jovaicho reta pe vae.

Hechos 1:24

Jayave oyerure reta Tumpa pe körai: “OreYa, nde reikuaa opaete ipɨa vae, eechauka oreve kia nunga ra reiparavo ma kuae mókoi kuimbae güi,

Hechos 15:8

Tumpa ko oikuaa opaete vae ipɨa vae, jae oechauka jae reta güɨrovia ko. Echa omee chupe reta Espíritu Santo, yandeve omee rami.

DEUTERONOMIO 31:21

Ërei ou ma jeta ikavimbae jare mbɨatɨtɨ chupe reta yave, jayave kuae tairari jeita chupe reta etei cheregua, echa iñemuña reta imaenduata jese jare otairari retata; echa che aikuaa voi ma iyemongeta ndei aroike reta mbove jókuae ɨvɨ pe.”

Hebreos 4:13

Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”