San Juan 2:19 - Biblia Guarani Tumpa Iñee

¹⁹ Jesús jei chupe reta: —Pembosururu kuae tupao, che amopüa yeta ko mboapɨ ara pe.

Nuevo Testamento Guaraní Pe

¹⁹ Jesús jei chupe reta: —Pembosururu yave cuae Tumpa jo, amoicavi yeta co mboapɨ ara pe.

San Juan 2:19 Iomraidhean Croise

San Mateo 12:40

Echa Jonás opɨta mboapɨ ara jare mboapɨ pɨ̈tu jókuae jevae tuicha yae vae ɨ rupigua jɨe pe. Jökorai che Kuimbaerä ayeapo vae apɨtata mboapɨ ara jare mboapɨ pɨ̈tu ɨvɨgüɨ pe.

San Mateo 16:21

Jókuae ara güive Jesús omombeu jemimboe reta pe kërai jae ojota ko Jerusalén pe, jare oiporarauka yaeta chupe tenondegua reta, sacerdote reta itenondegua reta, jare mborookuai re oporomboe vae reta vae; jare oyuka retata ërei mboapɨ araa pe oikove yeta vae.

San Mateo 27:40

Jei reta: —Nde rere rembosururuta ko tupao jare remopüa yeta mboapɨ ara pe. Eyeepɨ. Nde ko jae Tumpa Taɨ yave, egüeyɨ kurusu güi.

San Mateo 27:63

Jare jei reta chupe: —Oreruvicha, oremaendúa kërai jókuae kuimbae oporombotavɨse vae ndei omano mbove jei: “Mboapɨ ara pe aikove yeta.”

San Marcos 14:58

—Ore roendu jei: “Ambosururuta tupao kuimbae reta omopüagüe, ërei mboapɨ ara pe che amopüata ïru tupao, kuimbae reta mbaetɨta oparavɨkɨ jese vae.”

San Marcos 15:29

Jare oasa vae reta oñeäkambovava reve jei ikavimbae vae Jesús kotɨ körai: —¡Aa! Nde rere rembosururuta ko tupao jare remopüa yeta mboapɨ ara pe.

San Marcos 8:31

Jayave Jesús omombeu kavi chupe reta, kërai jae Kuimbaerä oyeapo vae jetata ko oiporara. Jare tëta guasu pegua reta itenondegua reta, sacerdote reta itenondegua reta, jare mborookuai re oporomboe vae reta güɨröɨrota jare oyukaukata. Ërei mboapɨ ara rupi oikove yeta.

San Juan 11:25

Jesús jei chupe: —Che ko oporomoingove vae jare tekove omee vae. Cheré güɨrovia vae, yepe tëi omano oï, oikove yeta ko.

San Juan 5:19

Jayave Jesús jei chupe reta: “Añetete che jae peve, Tumpa Taɨ mbaetɨ iyeugüi aeño oyapo mbae. Oyapo ko jókuae oecha Tu oyapo oï vaeño. Echa opaete Tu oyapo vae Taɨ oyapo vi.

Hechos 2:24

Ërei Tumpa omoingove ye, oyora mano ipo güi, echa mano mbaetɨ ipuere jese.

Hechos 2:32

Tumpa omoingove ye kuae Jesús, jare opareve ore roecha kuae.

Hechos 3:15

Jare peyukauka jókuae tekove Iya. Jae ko Tumpa omoingove ye omanogüe reta ipɨte güi vae. Jókuae ko ore roecha vae.

Hechos 3:26

Tumpa omopüa Taɨ peve, oyapo vaerä ikavi vae peve, metei ñavo peyerova vaerä Tumpa kotɨ pereko ikavimbae vae güi.”

Hechos 6:14

Echa roendu jei jókuae Jesús Nazaret pegua omboaita kuae tupao, jare oipoepɨta yandegüi mboromboe Moisés omee yandeve vae.

Romanos 4:24

oyekuatía vi yanderé, echa yandeporogüɨrovia rupi Tumpa omae vi yanderé jupi; kuae ko, yarovia Tumpa omoingove ye yandeYa Jesús omanogüe reta ipɨte güi vae re vae;

Romanos 6:4

Echa bautismo rupi, ñañeotɨuka Cristo ndive imano pe, jare Cristo oikove ye omanogüe reta ipɨte güi Tumpa imbaepuere pe rami, jökorai vi yande yaikove tekove ipɨau vae pe.

Romanos 8:11

Jare Tumpa omoingove ye Jesús omanogüe reta ipɨte güi vae iEspíritu oiko yave pepɨa pe; jae etei ko omeeta tekove perete mano pegua pe, jae iEspíritu oiko peré vae rupi.

1 Corintios 15:12

Ërei ore romoërakua Cristo oikove ye ko omanogüe vae reta ipɨte güi yave, ¿maera pa amogüe pepɨte pe ñogüɨnoi vae jei mbaetɨ ko oikove ye omanogüe reta ipɨte güi vae?

Colosenses 2:12

Peyembobautisauka yave, peñeotɨ ko Cristo ndive, jare peikove ye vi jae ndive, peporogüɨrovia ramo Tumpa imbaepuere omoingove ye Cristo omanogüe vae reta ipɨte güi vae re.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.