San Juan 2:18 - Biblia Guarani Tumpa Iñee

¹⁸ Jayave judío reta oparandu Jesús pe: —¿Mbae nunga mɨakañɨ pa reechaukata oreve roikuaa vaerä oime ra renoi mbaepuere kuae reyapo vaerä?

Nuevo Testamento Guaraní Pe

¹⁸ Jayave judío reta oparandu Jesús pe: —¿Mbae nunga mɨacañɨ pa reechaucata oreve roicuaa vaera oime ra renoi mbaepuere cuae mbaravɨquɨ reyapo vae reyapo vaera?

San Juan 2:18 Iomraidhean Croise

1 REYES 13:3

Jókuae ara voi, omee metei kañɨmaa oporomopɨakañɨ vae jei reve: “Kuae jae kañɨmaa yandeYa omoërakua vae: Ikäti kavi vae incienso oyeapɨ jese vae opata oyeka yeka jare tanimbu oï jese vae opata oyepɨyere.”

ÉXODO 7:9

—Faraón jei yave peve: “Peechauka mɨakañɨ,” nde rereta Aarón pe: “Eipɨɨ ndepopoka jare eitɨ Faraón jóvai oyeapo vaerä mboirä.”

San Mateo 21:23

Jesús ou oväe yave tupao pe, sacerdote reta itenondegua reta jare tëta guasu pegua reta itenondegua reta yogüeru jae oïa pe oporomboe oï yave, jare oparandu reta chupe: —¿Mbae nunga mbaepuere ndive pa kuae mbaembae reyapo? ¿Kia pa omee ndeve kuae mbaepuere?

San Marcos 8:11

Jayave yogüeru fariseo reta, jare omboɨpɨ oyaka reta Jesús, jare oyavɨuka vaerä chupe oiporu reta mɨakañɨ oikuaa reta vaerä Tumpa güirä ou vae.

San Lucas 11:29

Jare jeta yae vae oyemboatɨ Jesús re yave, jae jei chupe reta: “Ikavimbae iyapoa reta oiporu mɨakañɨ. Ërei mbaetɨta oyeapo chupe reta, jaeño Jonás ndive oasa vae.

San Juan 1:19

Kuae ko jae Juan omombeu vae, judío reta Jerusalén pegua omondo yave sacerdote reta jare levita reta oparandu vaerä chupe, kia ra jae vae.

San Juan 1:25

Oparandu reta Juan pe: —¿Maera pa reporombobautisa? Nde jaeä ko Cristo ani Elías ani jókuae ñeemombeúa yave.

San Juan 6:30

Jayave jei reta chupe: —¿Mbae nunga mɨakañɨ pa reyapo, roecha vaerä jare rogüɨrovia vaerä nderé? ¿Mbaembae pa reyapo?

Hechos 4:7

Jayave güeruruka Pedro jare Juan jae reta jóvai, jare oparandu chupe reta: —¿Mbae nunga mbaepuere rupi pa peyapo kuae?, ani ¿kia jee re pa peyapo?

Hechos 5:28

—Ore poyókuai tëi ma agüɨye ye vaerä peporomboe jókuae kuimbae jee re. Ërei pe reta pemotɨnɨe opaete Jerusalén peporomboe pe. Jare peipota pemboya jókuae kuimbae imano oreré.