San Juan 19:42 - Biblia Guarani Tumpa Iñee

⁴² Jókuae ara judío reta oyeapokatu ñogüɨnoi Pascua peguarä. Jáeramo oñono reta Jesús jetegüe jókuae tɨvɨa pe. Echa köiño oï.

Nuevo Testamento Guaraní Pe

⁴² Jocuae ara judío reta oyeapocatu ñogüɨnoi pascua peguara. Jae rambue oñono reta Jesús jocuae teogüerɨru pe. Echa coiño oi.

San Juan 19:42 Iomraidhean Croise

SALMOS 22:15

Cheyuru otini takɨpe rami, chekü oya cheäpeku re; ¡nde cheñono amano vaerä!

ISAÍAS 53:9

Jare oñotɨ reta iyoa vae reta ndive, ërei omano yave, oñotɨ reta oikokatu vae reta jɨvɨa pe; yepe tëi mbaetɨ oyapo ikavimbae, jare mbaetɨ oñeväe apu jese.

San Mateo 12:40

Echa Jonás opɨta mboapɨ ara jare mboapɨ pɨ̈tu jókuae jevae tuicha yae vae ɨ rupigua jɨe pe. Jökorai che Kuimbaerä ayeapo vae apɨtata mboapɨ ara jare mboapɨ pɨ̈tu ɨvɨgüɨ pe.

San Juan 19:14

Jare jókuae ara judío reta oyeapokatu ñogüɨnoi Pascua peguarä, jare ara mbɨte seri ma. Jayave Pilato jei judío reta pe: —Ko oï peruvicha guasu.

San Juan 19:20

Jare jeta judío reta omongeta kuae oyekuatía oï vae. Echa Jesús oyekutuuka vae köiño oï tëta guasu güi. Jare oyekuatía oï hebreo iñee pe jare griego iñee pe jare latín pe.

San Juan 19:31

Jókuae ara judío reta oyeapokatu ñogüɨnoi Pascua peguarä. Jáeramo oyerure reta Pilato pe omopëuka vaerä kurusu re ñogüɨnoi vae reta itɨmaka jare güɨrajauka vaerä joko güi. Echa oipotaä jetegüe reta opɨta vaerä kurusu reta re jókuae ara mbutuu pe. Echa jókuae ara ko arete mbaemboete pegua.

San Juan 19:41

Jare Jesús oyekutuukaa pe oï metei kó raɨ, joko pe oï metei tɨvɨa ipɨau vae, ndei kia oñeñono pɨpe vae.

Hechos 13:29

Jare jae reta opa ma oyapo chupe opaete jese oyekuatía oï vae yave, ombogüeyɨuka reta kurusu güi, jare oñonouka tɨvɨa pe.

1 Corintios 15:4

kërai oñeotɨ jare mboapɨ ara rupi oikove Tumpa Iñee pe jei rami;

Colosenses 2:12

Peyembobautisauka yave, peñeotɨ ko Cristo ndive, jare peikove ye vi jae ndive, peporogüɨrovia ramo Tumpa imbaepuere omoingove ye Cristo omanogüe vae reta ipɨte güi vae re.