San Juan 19:30 - Biblia Guarani Tumpa Iñee

³⁰ Jare Jesús jou ma yave vinagre, jei: —¡Opa ma ayapo! Jayave iñäkatindɨ jare omano.

Nuevo Testamento Guaraní Pe

³⁰ Jare Jesús jou ma yave vinagre, jei: —Opa ma. Jayave iñacatindɨ jare omano.

San Juan 19:30 Iomraidhean Croise

GÉNESIS 3:15

Añonota ñemotareɨ peyokotɨ, peñomotareɨ vaerä kuña ndive, neñemuña ndive jare kuña iñemuña ndive; jae ndembopereta neäka pe, jare nde rembopereta ipɨta pe.

SALMOS 22:15

Cheyuru otini takɨpe rami, chekü oya cheäpeku re; ¡nde cheñono amano vaerä!

ISAÍAS 53:10

Ërei opaete kuae reve yandeYa oiporarauka chupe, omee oiporara yae vaerä. Omee jekove mano pe, mbaeyoa omboai vaerä yave, oechata iñemuña reta, oiko pukuta, jare ipo pe yandeYa jemimbota oë kavita.

ISAÍAS 53:12

Jáeramo, che ameeta chupe oï vaerä jëia yae vae reta ndive, jare imbaepuere vae reta ndive omboyaota ñeraroa pe mbae opɨ̈rogüe; echa omee ramo jekove omano regua, jare oyepapa iyoa vae reta ndive, güɨraja ramo jeta vae reta iyoa, jare oyerure iyoa vae reta re.

DANIEL 9:24

Setenta semana oasata nerëtaɨgua reta re jare nerëta guasu oñeñono tee vae re, opa vaerä oyemboai mbaeyoa yavaetegüe jare ikavimbae, oime vaerä ñɨ̈ro mbae ikavimbae re, jare jupi vae oime vaerä jekuae avei pegua, oyembopo vaerä jókuae mbae oyeecha jare maratuta vae, jare oñeñono tee vaerä Tumpa pe oñeñono tee kavi yae vae.

DANIEL 9:26

Sesenta y dos semana jaɨkue rupi oyuka retata Mesías. Jerusalén jare tupao opata oyemboai, metei mburuvicha guasu outa vae isundaro reta imbaepuere rupi. Jare iyapɨta, metei ɨporu guasu ou rami. Iyapɨ regua oimeta ñeraro jare kañɨtei.

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

San Mateo 20:28

Echa che Kuimbaerä ayeapo vae ayu ayeokuai vaerä ïru vae reta pe. Mbaetɨ ayu ïru vae reta oyeokuai cheve vaerä. Ayu amano vaerä, jeta vae aepɨ vaerä.

San Mateo 27:50

Ërei Jesús täta osapúkai ye, omboeterenga jekove.

San Mateo 3:15

Jayave Jesús jei chupe: —Ikavi ko nde chembobautisa vaerä añave, echa jökorai yayapo opaete jupi vae. Jayave Juan ombobautisa Jesús.

San Marcos 15:37

Jayave Jesús täta osapúkai, jare omano.

San Lucas 22:37

Echa che jae peve, oyeapotai ko cheve Tumpa Iñee pe oyekuatía oï cheré vae. Echa jei körai: “Oyepapa iyoa vae reta ndive.” Echa oyekuatía oï cheregua vae, oyembopota ko.

San Lucas 23:46

Jayave Jesús täta osapúkai, jei: —CheRu, añono cherekove ndepo pe. Jare kuae jei ma yave, omano.

San Juan 10:11

Che ko jae vecha reta iyangarekoa ikavi vae. Vecha reta iyangarekoa ikavi vae omano vecha reta oepɨ vaerä.

San Juan 10:18

Mbaetɨ kia ipuere oekɨ chegüi cherekove. Ameeta che aipota ramo. Anoi mbaepuere amee vaerä, jare anoi mbaepuere aikove ye vaerä. Kuae mborookuai cheRu omee cheve.”

San Juan 17:4

Che romboeteuka kuae ɨvɨ pe. Echa opa ma ayapo mbaravɨkɨ nde nemee ayapo vaerä vae.

San Juan 19:28

Kuae jaɨkue rupi Jesús jei: —Cheɨuve. Körai oyembopo ma Tumpa Iñee pe oyekuatía oï vae. Echa Jesús oikuaa opaete iparavɨkɨ opa ma.

San Juan 4:34

Jesús jei chupe reta: —Cherembíu jae ko, ayapo vaerä chembou vae jemimbota, jare opa vaerä iparavɨkɨ ayapo.

Romanos 10:4

Echa Cristo re opa ma oyembopo Moisés iporookuai, opaete oporogüɨrovia vae reta oyembojupiuka vaerä.

Romanos 3:25

jae ko Tumpa omee, oime vaerä ñɨ̈ro jugüɨ rupi yarovia yave, jökorai oyekuaa kërai Tumpa jupi ko, arakae iñɨ̈ro yave ipɨaguasu reve opaete mbaeyoa reta re;

1 Corintios 5:7

Peyetɨo mbɨyape imbovúa indechigüe güi, peï vaerä mbɨyaperä ipɨau vae oyembovumbae rami. Echa Cristo ko vecha kuimbae taɨrusu vae yandePascua pegua, omano ma yanderé.

Filipenses 2:8

Jare kuimbaerä oyeapo ma yave, oñemomichi yeti, oyapo Tumpa jei vae omano regua, omano kurusu re.

Hebreos 12:2

Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.

Hebreos 9:22

Jare tugüɨ rupi mborookuai jei rami opaete seri oyeyoe Tumpa kotɨ. Jare tugüɨ oyepɨyerembae reve Tumpa mbaetɨ iñɨ̈ro mbaeyoa reta re.