San Juan 19:17 - Biblia Guarani Tumpa Iñee

¹⁷ Jae oë jare ovoɨ güɨraja ikurusu. Güɨraja reta Jesús Äkagüe-renda jee vae pe. Kuae ko jee Gólgota hebreo iñee pe.

Nuevo Testamento Guaraní Pe

¹⁷ Jayave Jesús oe jare ovoɨ güɨraja icurusu. Jayave sundaro reta güɨraja Jesús Acagüerenda jee vae pe. (Cuae co jee Gólgota hebreo iñee pe.)

San Juan 19:17 Iomraidhean Croise

GÉNESIS 22:6

Javoi Abraham oupi yepea mɨmba oyeyukagüe opaetei oyeapɨ vae oapɨ pɨpe vaerä vae jare oñono taɨ Isaac iyatiɨ re, jare jae güɨraja ipo pe tata jare kɨse; jare opa yogüɨraja reta.

1 REYES 21:13

Jayave yogüeru jókuae mókoi ipɨapochɨ vae, jare imiari reta Nabot kotɨ opaete vae reta jóvai jei reta reve: “Nabot jei ñee ikavimbae Tumpa kotɨ jare mburuvicha guasu kotɨ.” Jayave güɨnoe reta ikatu pe jare oyapi reta ita pe oyuka.

LEVÍTICO 24:14

“Jókuae cheangao vae penoe teyupa güi ikatu pe; jare opaete iñee oendu vae reta toñono ipo jókuae kuimbae iñäka re, javoi opaete vae toyapi ita pe toyuka.

San Mateo 10:38

jare kia nunga vae mbaetɨ ovoɨ ikurusu ojo vaerä cherupíe vae, ngaraa ipuere oiko cheremimboerä.

San Mateo 16:24

Jayave Jesús jei jemimboe reta pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tou cherupíe.

San Mateo 27:37

Jare oñono reta kurusu re Jesús iñäka iárambo oyekuatía mbae re ko oyemboeko vae: “KUAE KO JESÚS, JUDÍO RETA JUVICHA GUASU.”

San Marcos 10:21

Jesús omae jese oiparareko oaɨu yae reve, jare jei chupe: —Metei mbae oata ndeve: Ekua emee opaete mbaembae renoi vae, jare jepɨgüe emee iparavete vae reta pe, jayave renoita mbaembae ara pe. Javoi eyu cherupíe, evoɨ ndekurusu.

San Marcos 15:26

Jare oñono reta kurusu re Jesús iñäka iárambo oyekuatía mbae re ko omboeko vae: “JUDÍO RETA JUVICHA GUASU.”

San Marcos 15:32

Jae ko Cristo, Israel pegua reta Juvicha guasu yave, togüeyɨ añave kurusu güi, yaecha vaerä, jare yarovia vaerä. Jare Jesús ndive oyekutu ñogüɨnoi vae reta vi jei ikavimbae vae chupe.

San Marcos 8:34

Jare Jesús oenɨi jemimboe reta jare ïru joko pe ñogüɨnoi vae reta. Jayave jei chupe reta: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tojo cherupíe.

San Lucas 14:27

Jare kia nunga vae mbaetɨ ovoɨ ikurusu ojo vaerä cherupíe vae, ngaraa ipuere oiko cheremimboerä.

San Lucas 23:26

Jare güɨraja reta Jesús joko güi yave, metei kuimbae Simón jee vae Cirene pegua, ou iko kotɨ güi. Oñono reta iyatiɨ re Jesús ikurusu güɨraja vaerä jaɨkue.

San Lucas 23:33

Jare yogüɨraja oväe Äkagüe-renda jee vae pe. Joko pe sundaro reta oikutu kurusu re Jesús jare kuimbae reta ikavimbae vae iyapoa reta. Oñono reta metei Jesús iyakatu kotɨ jare ïru iyasu kotɨ.

San Lucas 23:38

Jare oï metei kuatía iñäka iárambo, griego, latín jare hebreo reta iñee pe: “KUAE KO JAE JUDÍO RETA JUVICHA GUASU.”

San Lucas 9:23

Jayave Jesús jei opaete vae pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu ara ñavo, jare tojo cherupíe.

San Juan 19:13

Pilato kuae oendu yave, güɨnoe Jesús jare oguapɨ mburuvicha jenda pe; Enlosado jee vae pe (kuae ko jee Gabata hebreo iñee pe).

San Juan 5:2

Jare oime Jerusalén pe öke Vecha Röke jee vae iyɨpɨ pe metei ɨrɨru tuicha vae ñee hebreo pe Betesda jee vae. Kuae ɨrɨru iyɨ́vɨri rupi oime pandepo korero reta.

Hechos 7:58

Jare güɨraja ma tëta guasu güi ikatu pe yave, oyapi reta ita pe. Jare jókuae iyapu reve oñeapo jese vae reta omboi jemimonde oñono metei kuimbae taɨrusu vae Saulo jóvai.