San Juan 19:15 - Biblia Guarani Tumpa Iñee

¹⁵ Jayave jae reta osapúkai reve jei: —¡Tomano, tomano! ¡Eikutuuka kurusu re! Pilato oparandu chupe reta: —¿Aikutuukata pa peruvicha guasu kurusu re? Jayave sacerdote reta itenondegua reta jei: —Jaeño ko César oreruvicha guasu.

Nuevo Testamento Guaraní Pe

¹⁵ Jayave jae reta iñeeata reve jei: —¡Erajauca cuae güi, erajauca cuae güi, eicutuca curusu re! Pilato oparandu chupe reta: —¿Aicutucata pa peruvicha guasu? Jayave sacerdote reta itenondegua reta jei: —Jaeño César oreruvicha guasu co.

San Juan 19:15 Iomraidhean Croise

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

San Mateo 22:17

Jáeramo emombeu oreve, ¿Mbae pa rere? César okovara vae, ¿jupi pa yamboepɨ vaerä?, ani ¿mbaetɨ pa?

San Lucas 23:18

Jayave opaete vae osapúkai reve jei reta metei rami: —¡Eyukauka kuae kuimbae! ¡Eyorauka oreve Barrabás!

San Juan 18:31

Jayave Pilato jei chupe reta: —Pe reta etei peraja pejäa, mborookuai penoi vae jei rupi. Jare judío reta jei chupe: —Ore reta mbaetɨ ko orepuere royuka kia.

San Juan 19:6

Sacerdote reta itenondegua reta jare jembiokuai reta oecha yave Jesús, osapúkai reve jei reta: —¡Eikutuuka kurusu re! ¡Eikutuuka kurusu re! Jayave Pilato jei chupe reta: —Pe reta etei peraja peikutuuka kurusu re. Echa che mbaetɨ etei aväe teko jese.

Hechos 13:28

Yepe tëi mbaetɨ oväe teko Jesús re omano vaerä, ërei oiporu reta Pilato pe oyukauka vaerä.

Hechos 21:36

echa opaete vae reta yogüɨraja sundaro reta jaɨkue, osapúkai reve jei reta: “¡Tomano jókuae kuimbae!”

Hechos 22:22

Jare Pablo kuae jei yave, tëta guasu pegua reta mbaetɨ ma oipota oyeapɨsaka jese. Osapúkai reve jei reta: “Tomano jókuae kuimbae. Echa jupía oikove oiko vaerä.”