San Juan 19:11 - Biblia Guarani Tumpa Iñee

¹¹ Jesús jei chupe: —Ngaraa tëi mbaepuere renoi cheré, Tumpa omaeñoä nderé yave. Jáeramo chemee ndeve vae iyoa yae ma ko.

Nuevo Testamento Guaraní Pe

¹¹ —Mbaeti yave Tumpa omaeño nderé, ngaraa tei ndepuere cheré —jei Jesús—. Jae rambue chemoeterenga ndeve vae iyoa yae ma co.

San Juan 19:11 Iomraidhean Croise

1 CRÓNICAS 29:11

CheYa, ¡ndembae ko mbaeyekou, mbaepuere, mbaemboetea, ndepuere opaete re vae jare imboetea vae! Echa opaete ñogüɨnoi ara pe jare ɨvɨ pe vae ndembae ko. Ndembae ko mborookuaía, echa nde oreYa tuicha yae opaete güi vae ko.

SALMOS 39:9

Chekïrii, mbaetɨ cheñee amoë, echa nde ko opaete mbae reyapo.

SALMOS 62:11

Mbovɨ ye aendu Tumpa jei, jae imbae ko mbaepuere vae.

LAMENTACIONES 3:37

¿Kia pa ipuere jei, mbae oyeapo vae, yandeYa güiä ko ou vae?

DANIEL 4:17

Kuae yemongeta oë ikotɨ vae araɨgua omaangareko vae reta güi ko, jókuae iyoambae reta güi, opaete oikove vae reta oikuaa vaerä Tuichagüe yae ete vae ko güɨnoi mbaepuere kuimbae reta iporookuaía re, echa jae omee kia nunga vae pe oipota omee yave, oñono mburuvicharä mbaeä etei kuimbae reta ipɨte pe vae.

DANIEL 4:25

Ndemombo retata kuimbae reta ipɨte güi, jare reikota mɨmba reta ñana rupigua ndive, jare ñana kaa rupigua reuta guaka reta rami, jare ɨsápɨi pe neäkɨta; jare jökorai reikota chiu año, reikuaa regua Tuichagüe yae ete vae ko güɨnoi mbaepuere kuimbae reta iporookuaía re, jare jae omee mborookuaía kia nunga vae pe oipota omee yave.

DANIEL 4:32

jare kuimbae reta ipɨte güi ndemombo retata, jare mɨmba reta ñana rupigua ndive reikota, jare guaka reta rami ndemongaru retata; jökorai chiu año reikota, reikuaa regua kërai Tuichagüe yae ete vae ko güɨnoi mbaepuere kuimbae reta iporookuaía re jare jae omee mborookuaía kia nunga vae pe oipota omee yave.”

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

DANIEL 5:21

Jare oyemombouka kuimbae reta ipɨte güi, jare ou ipɨa opɨta mɨmba reta rami, jare oiko mburika reta ñanaɨgua ndive. Ñana jou guaka rami, jare ɨsápɨi opa jete omoäkɨ, oikuaa regua Tumpa Tuichagüe yae ete vae ko güɨnoi mbaepuere kuimbae reta iporookuaía re, jare jae omee mbaepuere ikɨ̈reɨ omee vae pe.

San Mateo 26:65

Jayave sacerdote tenondegua ete kuae oendu yave, pochɨ ramo omondoro jemimonde, jei reve: —Jei ma ikavimbae yae vae Tumpa kotɨ. ¿Mbaerä ye pa yaekata kia imiari vaerä jese? Mase, pe reta etei peendu ma ikavimbae yae jei Tumpa kotɨ vae.

San Mateo 27:2

Oipokua reta jare güɨraja mburuvicha Poncio Pilato pe omee.

San Mateo 6:13

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

San Marcos 14:44

Jare omboeterengata vae omombeu ma këraita oyapo vae. Echa jei yepe chupe reta: “Jókuae aovapɨte vae peipɨɨ kuri, jare peraja. Agüɨye pemoëgua.”

San Lucas 22:53

Ara ñavo aiko pe reta ndive tupao pe, ërei mbaetɨ chepɨɨ. Ërei ora oväe ma peve chepɨɨ vaerä, Satanás imbaepuere rupi.

San Juan 18:13

Jayave güɨraja Jesús Anás pe räri jae ko Caifás jovaya, Caifás jae ko sacerdote tenondegua ete jókuae año.

San Juan 18:3

Jayave Judas güɨraja sacerdote reta itenondegua reta jare fariseo reta isundaro reta jare jembiokuai reta Jesús oïa pe. Yogüɨraja reta mechero reve reve jare kɨsepuku reve reve.

San Juan 19:10

Jayave Pilato jei chupe: —¿Maera pa mbaetɨ neñee remoë cheve? ¿Mbaetɨ pa reikuaa che anoi ko mbaepuere rokutuuka vaerä kurusu re, ani royorauka vaerä?

San Juan 3:27

Jayave Juan jei chupe reta: —Tumpa omee yandeve vaeño yandepuere ñanoi.

San Juan 7:30

Jayave judío reta oipota tëi oipɨɨ. Ërei mbaetɨ kia ave oipɨɨ. Echa ndei iora oyepɨɨ vaerä.

San Juan 9:41

Jesús jei chupe reta: —Peresaä yave, ngaraa tëi peyoa. Ërei pere: “Romae.” Jáeramo peyoa oimeño penoi.

Hechos 2:23

Kërai Jesús oñemee peve, oyembopo vaerä Tumpa jei jare oikuaa voi ma oyeapo vaerä vae yave, pe reta peipɨɨ peikutuuka kurusu re kuimbae iyoa vae reta pe, jökorai peyukauka.

Hechos 3:13

Ñaneñemuñagüe reta Abraham, Isaac, Jacob iTumpa omboeteuka ma Taɨ Jesús. Kuae Jesús pe reta pemee, jare peröɨro Pilato jóvai; Pilato jei tëi oyorauka vaerä yave.

Hechos 4:28

Ombopo reta vaerä ndembaepuere rupi arakae voi ma rere oyeapo vaerä vae.

Romanos 11:36

Echa opaete mbaembae ou yandeYa güi. Jae oyapo opaete mbaembae iyeupeguarä. YandeYa toyemboeteuka jekuae avei pegua. Amén.

Romanos 13:1

Opaete vae toiko mburuvicha reta jeia re. Echa Tumpa etei ko oñono mburuvicha reta; jare oime oï vae jae oñonogüe ko.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

Santiago 4:17

Jáeramo peikuaa tëi mbae ikavi vae peyapo reve peyapoä yave, peyoa ko.