San Juan 18:5 - Biblia Guarani Tumpa Iñee

⁵ Jare jei reta chupe: —Jesús Nazaret-ɨgua. Jesús jei chupe reta: —“CHE KO jae.” Jare Judas, omee chupe reta pe vae oï vi jae reta ndive.

Nuevo Testamento Guaraní Pe

⁵ —Jesús Nazaret pegua —jei reta. —Che co jae —jei Jesús. Jare Judas - jae co omoeterenga jovaicho reta pe vae - oñemboɨ oi joco pe jae reta ndive.

San Juan 18:5 Iomraidhean Croise

ISAÍAS 3:9

Ikañɨmaa reta; echa Sodoma rami omoërakua reta iyoa, mbaetɨ oikuaku reta. ¡Paravete! Jae reta aeño oyapo ñogüɨnoi iyeupe ikavimbae oiporara vaerä.

JEREMÍAS 8:12

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.’ ”

San Mateo 2:23

Jare José ojo oiko tëta Nazaret jee vae pe, oyembopo vaerä ñeemombeúa reta jei vae. Echa jei reta: “Oyembojeeta Nazaret-ɨgua.”

San Mateo 21:11

Jare jeta vae reta jei: —Kuae jae ko Jesús ñeemombeúa Nazaret pegua ɨvɨ Galilea pegua.

San Juan 1:46

Jayave Natanael jei: —¿Oime ra mbae ikavi vae oë vaerä Nazaret güi? Felipe jei: —Eyu emae jese.

San Juan 18:4

Jayave Jesús oë oövaiti, jare jei chupe reta: —¿Kia pa peeka? Echa jae oikuaa ma mbae oyeapota chupe vae.

San Juan 18:6

Jesús jei yave chupe reta: “CHE KO”, opa oa reta jaɨkue kotɨ rupi ɨvɨ re.

San Juan 19:19

Pilato oikuatía kurusu re oñonouka vaerä. Körai oyekuatía oï: “JESÚS NAZARET-ƗGUA JUDÍO RETA JUVICHA GUASU.”